ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ນຶ່ງໃນການເຄື່ອນໄຫວອັນທຳອິດ ໃນຖານະປະທານາທິບໍດີນັ້ນ ທ່ານໂຈ ໄບເດັນ ໄດ້ອອກດຳລັດຝ່າຍບໍລິຫານ ເພື່ອນຳເອົາສະຫະລັດກັບຄືນເຂົ້າຮ່ວມຂໍ້ຕົກລົງວ່າດ້ວຍດິນຟ້າອາກາດປາຣີ.
ຂໍ້ຕົກລົງປາຣີ ໄດ້ຖືກຮັບຮອງເອົາໂດຍກອງປະຊຸມດິນຟ້າອາກາດຂອງອົງການສະຫະປະຊາຊາດ ທີ່ນະຄອນປາຣີ ໃນເດືນທັນວາປີ 2015. ຂໍ້ຕົກລົງນີ້ເລີ້ມມີຜົນບັງຄັບໃຊ້ໃນວັນທີ 4 ພະຈິກປີ 2016 ແລະມາເຖິງວັນທີ 25 ມັງກອນ ປີ2021 ນີ້ ອົງການສະຫະປະຊາຊາດປະກາດວ່າ ມີທັງໝົດ 190 ປະເທດເຂົ້າຮ່ວມຂໍ້ຕົກລົງດັ່ງກ່າວ. ຂໍ້ຕົກລົງປາຣີ ໄດ້ກຳນົດຂອບ ແບບທີ່ບໍ່ເຄີຍມີມາກ່ອນ ສຳລັບການເຄື່ອນໄຫວຂອງໂລກ ເພື່ອຫຼີກລ່ຽງບໍ່ໃຫ້ເກີດຄວາມຫາຍານະຈາກການຮ້ອນເອົ້າຂອງໂລກ ໃນຂະນະທີ່ເສີມສ້າງການປັບໂຕຂອງໂລກເພື່ອຮັບມືກັບການປ່ຽນແປງຂອງດິນຟ້າອາກາດ ທີ່ພວກເຮົາໄດ້ເລີ້ມປະເຊີນໜ້າແລ້ວໃນເວລານີ້.
ຂໍ້ຕົກລົງດັ່ງກ່າວແມ່ນຊອກຫາທາງຈຳກັດການເພີ້ມຂຶ້ນໂດຍທົ່ວໄປຂອງອຸນຫະພູມໃນໂລກ ບໍ່ໃຫ້ກາຍ 2 ອົງສາແຊລເຊິສ ລື່ນລະດັບ ກ່ອນຍຸກອຸດສາຫະກຳ ໂດຍແນເປົ້າໝາຍບໍ່ໃຫ້ກາຍ 1.5 ອົງສາພາຍໃນທ້າຍສັດຕະວັດນີ້ ຊຶ່ງເປັນຈຸດພວກນັກວິທະຍາສາດທຳນາຍວ່າ ຜົນທີ່ຕິດຕາມມາຈາກການປ່ຽນແປງຂອງດິນຟ້າອາກາດຈະເພີ້ມຂຶ້ນຢ່າງຮ້າຍແຮງຮວມທັງລະດັບນ້ຳທະເລທີ່ສູງຂຶ້ນສູ່ລະດັບທີ່ເປັນອັນຕະລາຍ ພ້ອມທັງມີລົມພາຍຸ ໄພແຫ້ງແລ້ງ ແລະໄຟປ່າທີ່ຮ້າຍແຮງ.ປະທານາທິບໍດີໄບເດັນໄດ້ສະແດງໃຫ້ເຫັນຢ່າງຈະແຈ້ງໂດຍຕັ້ງໃຈວ່າ ຈະຖືເອົາການປ່ຽນແປງຂອງດິນຟ້າອາກາດ ເປັນບູລິມະສິດທີ່ສຳຄັນ ສຳລັບລັດຖະບານຂອງທ່ານ.
ໂຄສົກຂອງທຳນຽບຂາວ ທ່ານນາງເຈັນ ຊາກິ ກ່າວວ່າ ການກັບຄືນໄປຮ່ວມຂໍ້ຕົກລົງປາຣີ ແມ່ນສ່ວນນຶ່ງໃນບູລິມະສິດອັນກວ້າງຂວາງຂອງປະທານາທິບໍດີໄບເດັນ “ເພື່ອບູລະນະສ້າງສາພາຄີແລະພັນທະມິດຂອງພວກເຮົາຢູ່ໃນທົ່ວໂລກຄືນໃໝ່ ແລະເພື່ອໃຫ້ອາເມຣິກາມີບ່ອນນັ່ງຢູ່ໃນເວທີຂອງໂລກ ແລະພວກທ່ານສາ
ມາດຮູ້ເຫັນເປັນພະຍານໄດ້ ໃນການກັບຄືນເຂົ້າຮ່ວຂໍ້ຕົກລົງວ່າດ້ວຍດິນຟ້າອາກາດປາຣີ ການກັບຄືນເຂົ້າຮ່ວມໃນອົງການອະນາໄມໂລກ ແຜນການຂອງທ່ານເຂົ້າພົວພັນກັບພາຄີແລະພັນທະມິດ ແລະເຮັດວຽກຮ່ວມກັນເພື່ອແກ້ໄຂໄພຂົ່ມຂູ່ແລະບັນຫາຫຼາຍໆຢ່າງ ທີ່ພວກເຮົາກຳລັງປະເຊີນໜ້າຢູ່ໃນທົ່ວໂລກ.”
ຍິ່ງໄປກວ່ານັ້ນ ປະທານາທິບໍດີໄບເດັນ ຍັງໄດ້ແຕ່ງຕັ້ງໃຫ້ອະດດີດລັດຖະມົນຕີການຕ່າງປະທດ ຈອນ ແຄຣີ ເປັນຜູ້ຕາງໜ້າຄົນທຳອິດຂອງປະທານາທິບໍດີຮັບຜິດຊອບເລື້ອງອາກາດເພື່ອໃຫ້ການຄ້ຳປະກັນວ່າຄວາມເປັນຫ່ວງກັງວົນກ່ຽວກັບ ເລື້ອງອາກາດ ແມ່ນມີຜູ້ຕາງໜ້າເຂົ້າຮ່ວມໃນການເຈລະຈາທຸກໆຄັ້ງ ຮວມທັງຢູ່ໃນຫ້ອງສະຖານະການ. ທ່ານຈະເປັນຜູ້ນຳພາການດຳເນີນຄວາມພະຍາຍາມໃນດ້ານການທູດຂອງສະຫະລັດ ເພື່ອໃຫ້ການຢືນຢັດອີກຄັ້ງນຶ່ງ ໃນການເປັນຜູ້ນຳທາງດ້ານອາກາດຂອງສະຫະລັດ ແລະຍົກສູງຄວາມໄຝ່ຝັນຂອງໂລກ ເພື່ອຈະເອົາຊະນະບັນຫາທ້າທາຍຈາກໄພຂົ່ມຂູ່ຂອງດິນຟ້າອາກາດ.
ປະຊາຄົມນາໆຊາດຍິນດີຕ້ອນຮັບການກັບຄືນເຂົ້າຮ່ວມຂໍ້ຕົກລົງປາຣີຂອງສະຫະລັດ ຮວມທັງປະທານາທິບໍດີຝຣັ່ງ ທ່ານເອັມມານູແອລ ມາກຣົງ ທີ່ກ່າວວ່າ “ພວກເຮົາກັບມາຮ່ວມກັນແລ້ວ ພວກເຮົາຈະເຂັ້ມແຂງກວ່າເກົ່າ ເພື່ອປະເຊີນ
ໜ້າກັບບັນຫາທ້າທາຍ ໃນຍຸກສະໄໝຂອງພວກເຮົາ. ເຂັ້ມແຂງກວ່າເກົ່າເພື່ອສ້າງສາອະນາຄົດຂອງພວກເຮົາ. ເຂັ້ມແຂງກວ່າເກົ່າ ເພື່ອປົກປ້ອງໂລກຂອງພວກເຮົາ.” ທ່ານໄດ້ຂຽນລົງໃນທວີດເຕີ້ວ່າ “ຂໍ້ຕົກລົງປາຣີ ຍິນດີຕ້ອນຮັບ!”