Maanta, qaybta gargaarka bini'aadantinimo waa mid ka mid ah warshadaha kobaca ugu weyn adduunka, sida ay sheegtay Qaramada Midoobay. Taasi waa sababta oo ah masiibooyinka dabiiciga ah, xaalufka deegaanka iyo in ka badan 100 iskahorimaadyo hubaysan oo adduunka ah ayaa malaayiin dad ah oo dheeraad ah u horseedaya faqri iyo gaajo sannad kasta.
"Waxaan hadda la nool nahay dhibaatooyin isdaba joog ah iyo kuwo mustaqbalka fog ah kuwaas oo sii wadi doona inay sii huriyaan baahida bini'aadanimo ee caalamiga ah. Waxayna tani u dhacaysaa si la mid ah iyadoo maalgelinta hawlaha gargaarka bini'aadantinimo ay sii qallajiso," ayay tiri Agaasimaha Fulinta ee Barnaamijka Cunnada Adduunka, Cindy McCain.
"Baahida bini'aadantinimo waxay ku korayaan xawli aad u xun," ayay tiri Wakiilka Mareykanka ee Qaramada Midoobay Linda Thomas-Greenfield. "Farqiga u dhexeeya maalgelinta la bixiyo iyo baahiyaha ay Qaramada Midoobay qiimeysay waxay taagan tahay ku dhawaad 40 bilyan oo doollar."
Shaqaalaha gargaarku waxa ay sameeyaan waxa ay awoodaan si ay nolosha u badbaadiyaan,laakin “waxa ay u baahan yihiin beesha caalamka in ay siiso agab badan,” ayay tiri:
"Xilligan wuxuu u baahan yahay tallaabo geesinimo leh. Waxay ku baaqaysaa in laga baxo qaabka ganacsigeena-sida-caadiga ah. Waxay ku baaqaysaa in si buuxda looga fikiro sida aan wax uga qabanno xasaradaha sii daba dheeraaday. Waxayna ugu baaqaysaa qof walba, ma aha oo kaliya Dawladaha xubnaha ka ah, laakiin qof kasta oo awood u leh inuu qaybtiisa qaato.
Hal dariiqo oo lagu caawin karo joojinta dhibaatada ayaa ah in la hawlgeliyo ganacsiga gaarka loo leeyahay. "Sannadihii ugu dambeeyay, afar ka mid ah shirkadaha saadka ee ugu waaweyn - UPS, Agility, Maersk, iyo DP World - waxay si joogto ah ugu biireen xoogagga saadka ee ay hoggaaminayso Barnaamijka Cunnada Adduunka," ayuu yiri Danjire Thomas-Greenfield. "Meelaha Haiti oo kale ah, halkaas oo rabshadaha burcaddu ay caqabad ku yihiin helitaanka bini'aadantinimo, qaybta gaarka loo leeyahay ayaa door muhiim ah ka ciyaaraysa."
"Shirkadaha duulimaadyada ganacsiga waxay ku deeqeen awood ay ku qaadaan marinadooda hadda jirta si ay u qaadaan gargaarka, halka bixiyeyaasha saadka ay xaqiijiyeen habsami u socodka sahayda nafaha lagu badbaadinayo. Natiijadu waxay tahay: iskaashi biyo-mareen ah oo hubinayey daaweynta daacuunka ayaa gaadhay dadka u baahan.”ayay raacisay
"Muddo aad u dheer, waxaan u jeesannay qaybta gaarka loo leeyahay si aan u maalgelino. Iyo ammaanteeda, waxay muujisay deeqsinimo weyn, "ayuu yiri Ambassador Thomas-Greenfield. Laakiin sanadka 2023, waxaan ognahay inay haystaan wax badan oo ay bixiyaan. Awoodooda, aqoontooda, iyo hal-abuurkooda ayaa si weyn loogu baahan yahay."
“Waaxyaha dadweynuhu waa inay sameeyaan wax badan si ay si firfircoon ula shaqeeyaan waaxda gaarka ah, gaar ahaan inta aan raadineyno horumarinta yoolalka Horumarineed ee Joogtada ah. Waaxda dowladeed waa in ay ka faa’ideysato khibradda ganacsiga gaarka loo leeyahay oo ay u turjunto ficil.” ayay tiri.
"Waa la soo dhaafay waqtigii aan waaxda gaarka ah ku soo dhaweyn lahayn albaabka hore," ayuu yiri Ambassador Thomas-Greenfield. "Kuwa dunida ugu nugul ayaa annaga nagu tiirsan."
Tani waa faallo ka tarjumaysa aragtida dawladda Maraykanka.