ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ນຶ່ງໃນຄຳຖາມທີ່ຍາກສຸດ ທີ່ພວມປະເຊີນໜ້າລັດຖະບານທ່ານໂຈ ໄບເດັນ ກໍແມ່ນວ່າຈະຮັບມືແບບໃດກັບລັດຖະບານເວເນຊູເອລາທີ່ຜິດກົດໝາຍຂອງມາດູໂຣ ແລະວິກິດການດ້ານມະນຸດສະທຳ ທີ່ມີສາເຫດມາຈາກການກົດຂີ່ແລະການສໍ້ລາດບັງຫຼວງຂອງນິໂກລາສ ມາດູໂຣ ແລະພັກພວກຂອງລາວ.
ທ່ານເນດ ໄພຣສ໌ ໂຄສົກກະຊວງການຕ່າງການປະເທດຂອງສະຫະລັດກ່າວວ່າ “ເປົ້າໝາຍສຳຄັນສຸດ ຂອງລັດຖະບານໄບເດັນ-ແຮຣິສ ກໍແມ່ນໃຫ້ການສະໜັບສະໜຸຸນ ຕໍ່ການໂອນອຳນາດແບບປະຊາທິປະໄຕດ້ວຍຄວາມສະຫງົບຢູ່ໃນເວເນຊູເອລາ ໂດຍຜ່ານການເລືອກຕັ້ງປະທານາທິບໍດີແລະສະພາແຫ່ງຊາດແບບເສລີ ແລະຍຸຕິທຳ ແລະຊ່ວຍປະຊາຊົນເວເນຊູເອລາສ້າງສາຊີວິດແລະເທດຊາດຂອງ ພວກເຂົາເຈົ້າຄືນໃໝ່.” ທ່ານເນດ ໄພຣສ໌ ກ່າວວ່າ:
“ເວເນຊູເອລາມີສິດທີ່ຈະເປັນປະຊາທິປະໄຕ ແລະມີລັດຖະບານທີ່ສົ່ງເສີມຊຸກຍູ້ ແລະປົກປ້ອງປະຊາທິປະໄຕ ຄືກັນກັບທຸກໆຄົນທີ່ຢູ່ໃນຊີກໂລກນີ້. ປະທານາທິບໍດີໂຈ ໄບເດັນ ເຈົ້າໄດ້ຍິນທ່ານກ່າວແບບນີ້ ກ່ອນທີ່ທ່ານໄດ້ເປັນປະທານາທິບໍ
ດີອີກ. ທ່ານເຂົ້າໃຈເຖິງຄວາມເຈັບປວດຂອງວິກິດການໃນປັດຈຸບັນຢູ່ໃນເວເນຊູເອລາ ທີ່ໄດ້ມີຕໍ່ປະຊາຊົນເວເນຊູເອລາ ແລະຄອບຄົວຂອງພວກເຂົາເຈົ້າ. ອີກເທື່ອນຶ່ງ ມາດູໂຣແມ່ນຈອມຜະເດັດການ. ການກົດຂີ່ ສໍ້ລາດບັງຫຼວງ ແລະຄຸ້ມຄອງເສດຖະກິດທີ່ຜິດພາດ ໄດ້ກໍ່ໃຫ້ເກີດວິກິດການທາງດ້ານມະນຸດສະທຳທີ່ໜ້າຢ້ານກົວທີ່ສຸດ ທີ່ຊີກໂລກນີ້ເຄີຍພົບເຫັນມາ.”
ໂຄສົກກະຊວງການຕ່າງປະເທດ ທ່ານເນດ ໄພຣສ໌ ໃຫ້ຂໍ້ສັງເກດວ່າ ໃນການຮັບມືກັບເວເນຊູເອລາ ລັດຖະບານທ່ານໄບເດັນຈະປະຕິບັດຕາມຫຼັການພື້ນຖານ 4 ຂໍ້. ທ່ານກ່າວຕື່ມກ່ຽວກັບເລື້ອງນີ້ວ່າ:
“ນຶ່ງ ລະບຸ ຕາມທີ່ເໝາະສົມວ່າ ເວເນຊູເອລາ ແມ່ນຢູ່ໃນຖານະທີ່ໄດ້ຮັບການປົກປ້ອງຊົ່ວຄາວ. ສອງມາ ແກ້ໄຂບັນຫາຄວາມເປັນຫ່ວງທາງດ້ານມະນຸດສະທຳຂອງຊາວເວເນຊູເອລາ ຫຼາຍໆລ້ານຄົນ ກັບບັນດາປະເທດພາຄີນາໆຊາດ. ສາມ ແນເປົ້າໝາຍໃສ່ເຈົ້າໜ້າທີ່ອຳນາດການປົກຄອງ ແລະພວກລູກແຫຼ້ງຕີນ
ມື ທີ່ພົວພັນກັບການສໍ້ລາດບັງຫຼວງ ແລະ ການລະເມີດສິດທິມະນຸດ. ແລະສີ່ ອີກເທື່ອນຶ່ງ ໃຫ້ການຊ່ວຍເຫຼືອແລະຟື້ນຟູອະນາຄົດທີ່ມີສັນຕິພາບ ສະຖຽນລະພາບແລະປະຊາທິປະໄຕສຳລັບປະຊາຊົນຊາວເວເນຊູເອລາ ແລະລະບອບການປົກຄອງ ທີ່ມາຈາກການເລືອກຕັ້ງທີ່ເສລີແລະຍຸຕິທຳ ແລະການຟື້ນໂຕຄືນທາງ
ດ້ານເສດຖະກິດໃນໄລຍະຍາວ.”
ໂຄສົກກະຊວງການຕ່າງປະເທດສະຫະລັດ ທ່ານເນດ ໄພຣສ໌ ກ່າວວ່າ “ນິໂກ ລັສ ມາດູໂຣ ແມ່ນຈອມຜະເດັດການ ບໍ່ຕ້ອງມີຄວາມສົງໄສໃດໆເລີຍ ກ່ຽວກັບເລື້ອງນີ້.” ທ່ານກ່າວຕື່ມວ່າ ທ່ານ “ບໍ່ຄາດວ່າລັດຖະບານຊຸດນີ້ຈະພົວພັນໂດຍກົງກັບມາດູໂຣ. ແຕ່ທ່ານກ່າວວ່າ ສະຫະລັດຈະເຮັດວຽກໂດຍຜ່ານປະເທດພັນ ທະມິດແລະພາຄີແທນ.” ທ່ານເນດ ໄພຣສ໌ ກ່າວຕື່ມວ່າ:
“ພວກເຮົາຈະເຮັດແບບນັ້ນ ກັບພາຄີຂອງພວກເຮົາຢູ່ໃນຂົງເຂດ ພວກເຮົາຈະເຮັດສິ່ງນັ້ນກັບປະເທດພາຄີ ແລະພັນທະມິດຂອງພວກເຮົາໃນຢູໂຣບ ພວກເຮົາຈະເຮັດແບບນັ້ນກັບອົງການ OAS ພວກເຮົາຈະເຮັດແບບນັ້ນ ໂດຍຜ່ານກຸ່ມລີມາ ໂດຍຜ່ານກອງປະຊຸມຈຳນວນນຶ່ງ ກອງປະຊຸມຂອງພວກທີ່ມີຈິດໃຈແບບດຽວກັນທີ່ມີເປົ້າໝາຍແບບດຽວກັນ ເພື່ອໃຫ້ມີການປ່ຽນແປງ ໄປສູ່ປະຊາທິປະໄຕ ແລະສິດທິິມະນຸດ ແລະສິ້ນສຸດລະບອບການປົກຄອງທີ່ສໍ້ລາດບັງຫຼວງນີ້ຢູ່ໃນປະເທດເວເນຊູເອລາ.”
ທ່ານເນດ ໄພຣສ໌ ໂຄສົກກະຊວງການຕ່າງປະເທດກ່າວວ່າ “ສະຫະລັດຈະສືບຕໍ່ຮັບຮູ້ສະພາແຫ່ງຊາດທີ່ຖືກເລືອກໃນປີ 2015 ທີ່ເປັນສະຖາບັນປະຊາທິປະໄຕ ອັນສຸດທ້າຍທີ່ຍັງເຫຼືອຢູ່ໃນປະເທດເວເນຊູເອລາ ແລະເພື່ອໃຫ້ສອດຄ່ອງກັບສິ່ງນັ້ນ ແລະທ່ານຮວານ ກວາອີໂດ ທີ່ຖືກເລືອກໂດຍສະພາແຫ່ງຊາດ ໃຫ້ເປັນປະ ທານ ກໍແມ່ນປະທານາທິບໍດີຊົ່ວຄາວຂອງເອເນຊູເອລາ.”