Accessibility links

Breaking News

ບົດບັນນາທິການ: ວັນສະຫຼອງ ປະທານາທິບໍດີ ປີ 2022


ພວກ​ນັກ​ທ່ອງ​ທ່ຽວ ພາ​ກັນ​ຍ່າງ​ອ້ອມ​ອະ​ນຸ​ສາ​ວະ​ລີ​ຈອ​ຣ໌​ຈ ວ​ໍ​ຊິງ​ຕັນ ໃນ​ວັນ​ປະ​ນາ​ທິ​ບໍ​ດີ ຂະ​ນ​ະ​ທີ່​ຕາ​ເວັນ​ພວມ​ຈະ​ຕົກ​ດິນ.

ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ

ໃນ​ວັນ​ຈັນ​ທີສາມ ຂອງ​ເດືອນ​ກຸມ​ພາ ຊາວ​ອາ​ເມ​ຣິ​ກັນ​ພາ​ກັນ​ສະ​ເຫຼີມ​ສະ​ຫຼອງວັນ​ປະ​ທາ​ນາ​ທິ​ບໍ​ດີ. ການ​ລະ​ນຶກ​ເຖິງຕົ້ນ​ຕໍ​ນັ້ນແມ່ນ​ເພື່ອ​ຮັບ​ຮູ້​ທ່ານ​ຈອ​ຣ໌ຈ ວໍ​ຊິງ​ຕັນ ​ປະ​ທາ​ນາ​ທິ​ບໍ​ດີ​ຄົນ​ທຳ​ອິດ​ຂອງ​ສະ​ຫະ​ລັດ. ເລີ້ມ​ຂຶ້ນ​ໃນ​ປີ 1800 ນຶ່ງປີ​ຫຼັງ​ຈາກ​ທ່ານ​ໄດ້​ເສຍ​ຊີ​ວິດ ວັນ​ເກີດ​ຂອງ​ທ່ານ​ວໍ​ຊິງ​ຕັນ ວັນ​ທີ 22 ກຸມ​ພາ​ໄດ້ມີ​ການ​ສະ​ຫຼອງ​ກັນ​ຢ່າງ​ບໍ່​ເປັນ​ທາງ​ການ ໃນ​ທົ່ວປະ​ເທດທີ່​ຫາ​ກໍ​ເກີ​ດ​ໃໝ່ ທີ່​ທ່ານ
ຊ່ວຍ​ເປັ​ນ​ຜູ້​ກໍ່​ຕັ້ງຂຶ້ນ​ນັ້ນ. ໃນ​ທີ່​ສຸດ ກຽດ​ຕິ​ຍົດ​ດັ່ງ​ກ່າວ ໄດ້​ມີ​ການ​ຂະ​ຫຍາຍ​ວົງ​ ໃຫ້ ກວ້າງ​ອອກ ກວມ​ເອົາ​ຜູ້​ນຳ​ທີ່​ຍິ່ງ​ໃຫຍ່​ຄົນ​ອື່ນໆ ເຊັ່ນ​ທ່ານ​ອາບ​ຣາ​ຮາມ ລິນ​ຄອນ ຊຶ່ງວັນ​ເກີດ​ຂອງ​ທ່ານແມ່ນ​ວັນ​ທີ 12 ກຸມ​ພາ ແລະ​ກໍ​ໃກ້​ຄຽງ​ກັນ​ກັບວັນ​ເກີດ​ຂອງ​ທ່ານ​ວໍ​ຊິງ​ຕັນ.

ທ່ານ​ຈອ​ຣ໌ຈ ວໍ​ຊິງ​ຕັນ ແລະ​ທ່ານ​ອາບ​ຣາ​ຮາມ​ ລິນ​ຄອນ ໂດຍ​ທົ່ວ​ໄປ​ແລ້ວ​ແມ່ນໄດ້​ຮັບ​ການ​ພິ​ຈາ​ລະ​ນາ​ວ່າ ເປັນ​ປະ​ທາ​ນາ​ທິ​ບໍ​ດີ​ ທີ່​ດີ​ເດັ່ນ​ສຸດ​ທັງ​ສອງ​ທ່ານ ເທົ່າ​ທີ່​ເຄີຍ​ກຳ​ຕຳ​ແໜ່ງ​ມາ. ທັງ​ນີ້ ສ່ວນ​ໃຫຍ່​ແລ້ວ​ແມ່ນ​ເນື່ອງ​ມາ​ຈາກ​ເຫດ​ການ​ທີ່​ສຳ​ຄັນໆ​ໄດ້​ເກີດ​ຂຶ້ນ​ອ້ອມ​ຂ້າງ​ພວກ​ທ່ານແລະ​ກຽດ​ສັກ​ສີ​ສ່ວນ​ຕົວ​ຂອງ​ພວກ​ທ່ານ​ຊຶ່ງພາ​ໃຫ້​ພວກ​ທ່ານໄດ້​ຕອບ​ຮັບ​ດ້ວຍ​ການ​ຕັດ​ສິນ​ໃຈ​ອັນກວ້າງ​ໄກທີ່​ເຮັດ​ໃຫ້​ປະເທດ ​ຊາດກ້າວ​ໄປ​ສູ່​ເສັ້ນ​ທາງ​ ທີ່​ມີ​ຄວາມ​ເຂັ້ມ​ແຂງກວ່າ​ເກົ່າ ອຸ​ດົມ​ຮັ່ງ​ມີ ແລະ​ເປັນ​ປະ
ຊາ​ທິ​ປະ​ໄຕ.

ທ່ານຈອ​ຣ໌ຈ ວໍ​ຊິງ​ຕັນ ເປັນ​ບຸກ​ຄົນ​ທີ່​ໄດ້​ຮັບ​ຄວາມ​ນິ​ຍົມ​ສູງ​ທີ່​ສຸດ​ໃນ​ສະ​ໄໝ​ຂອງທ່ານ, ທ່າ​ນ​ເປັນ​ປະ​ທາ​ນາ​ທິ​ບໍ​ດີ ​ພຽງ​ຄົນ​ດຽວ​ເທົ່າ​ນັ້ນ ທີ່​ໄດ້​ຮັບ​ເລືອກ​ດ້ວຍ​ຄະ​ແນນ​ສຽງ​ຢ່າງ​ເປັນ​ເອກ​ກະ​ສັນ: ​ພວກ​ຜູ້​ຕາງ​ໜ້າທຸກ​ຄົນຂອງ​ທຸກໆລັດ​ໄດ້​ລົງ​ຄະແນນ​ສຽງ​ໃຫ້​ແກ່​ທ່ານ. ເວ​ລາ​ທ່ານ​ວໍ​ຊິງ​ຕັນ ​ຂຶ້ນ​ເປັນ​ປະ​ທາ​ນາ​ທິ​ບໍ​ດີນັ້ນ ເກືອບ​ຈະເວົ້າ​ໄດ້​ວ່າ ບໍ່​ເຄີຍ​ມີ​ລັດ​ຖະ​ບານ​ຫຼື​ຜູ້​ນຳ​ໃດໆ​ທີ່​ເຄີຍ​ຮັບ​ໃຊ້ ​ຫຼື​ເປັນ​ຕົວ​ຢ່າງ​ສຳ​ລັບ​ທ່ານ. ບໍ່​ມີປະ​ເທດປະ​ຊາ​ທິ​ປ​ະ​ໄຕ ​ຢູ່​ແຫ່ງ​ໃດ​ອີກ​ໃນ​ໂລກ. ດັ່ງ​ນັ້ນ ທ່ານ​ຈຶ່ງ​ໄດ້​ຊ່ວຍເທີດ​ທູນ​ຫຼັກ​ການ​ຕ່າງໆ ທີ່​ທ່ານ​ເຄີຍ​ໄດ້​ຕໍ່​ສູ້​ໃນ​ສົງ​ຄາມ ​ຄື​ທຸກໆ​ຄົນ ໃນທຸກ​ແຫ່ງ​ຫົນແມ່ນມີ​ສິດ​ເທົ່າ​ທຽມ​ກັນ. ທ່ານ​ແມ່ນ​ນຶ່ງ​ໃນບັນ​ດາ​ແຮງ​ຂັບ​ດັນ​ຢູ່​ເບື້ອງຫຼັງ​ ແລະ​ການ​ສ້າງ​ຕັ້ງ​ລັດ​ຖະ​ທຳ​ມະ​ນູນ ຊຶ່ງ​ເປັນ​ເອກ​ກະ​ສານ​ທີ່​ກຳ​ນົດ​ຂອບ​ເຂດ​ຫຼັກການ ແລະ​ກົນ​ໄກ​ສຳ​ລັບ​ການ​ສ້າງ​ຕັ້ງ​ລັດ​ຖະ​ບານ ທີ່​ສິດ​ທິ​ຂອງ​ປະ​ຊາ​ຊົນ​ໄດ້ຮັບ​ການ​ເຄົາ​ລົບ​ນັບ​ຖື. ໂດຍ​ການ​ເອົາ​ມາດ​ຕະ​ການ​ຂອງ​ທ່ານນັ້ນທ່ານ​ໄດ້​ກຳ​ນົດ​ມາດ​ຕະ​ການ​ທາງ​ດ້ານ​ການ​ເມື​ອງແລະ​ການ​ປ​ະ​ຕິ​ບັດ​ທາງ​ດ້ານ​ທະ​ຫານຕະ​ຫຼອດທັງ​ນະ​ໂຍ​ບາຍ​ທາງ​ດ້ານ​ເສດ​ຖະ​ກິດ​ກໍ​ເຊັ່ນ​ດຽວ​ກັນ. ໂດຍ​ການ​ລົງ​ຈາກ​ຕຳ​ແໜ່ງຫຼັງ​ຈາກ​ໄດ້​ຮັບ​ໃຊ້​ສອງ​ສະ​ໄໝ​ແລ້ວ ທ່ານ​ໄດ້​ຄ້ຳ​ປະ​ກັນ​ວ່າ ຕຳ​ແໜ່ງ​ປະ​ທາ​ນາ​ທິບໍ​ດີ ບໍ່​ແມ່ນ​ຕຳ​ແໜ່ງ​ຕະ​ຫຼອດ​ຊີ​ວິດ ແລະ​ອຳ​ນາດ​ຂອງ​ປະ​ທາ​ນາ​ທິ​ບໍ​ດີ​ໄດ້​ມີ​ການມອບ​ໂອນ​ດ້ວຍ​ສັນ​ຕິ​ວິ​ທີ.

ເຊັ່ນ​ດຽວ​ກັນ ທ່ານ​ອາບ​ຣາ​ຮາມ ລິນ​ຄອນ ໄດ້​ເຂົ້າ​ເປັນ​ຜູ້​ນຳ​ຂອງ​ປະ​ເທດ​ໃນ​ຂະນະ​ທີ່​ເກີດ​ຄວາມ​ສັບ​ສົນ​ວຸ້ນ​ວາຍ. ບ່ອນ​ທີ່​ທ່ານ​ວໍ​ຊິງ​ຕັນ ຕ້ອງ​ໄດ້​ດີ້ນ​ຮົນ​ຕໍ່​ສູ້ ​ກັບການ​ສ້າງ​ຕັ້ງ​ປະ​ເທດ​ໃໝ່ ແຕ່​ບັນ​ຫາ​ທ້າ​ທາຍ​ຂອງ​ທ່ານ​ລິ​ນ​ຄອນແມ່ນ​ການ​ນຳ​ພາປະ​ເທດ​ຊາດ ​ຜ່ານ​ຜ່າ​ສົງ​ຄ​າມ​ກາງ​ເມືອງ ປ້ອງ​ກັນ​ບໍ່​ໃຫ້​ປະ​ເທດ​ຊາດ​ແຕກ​ແຍກ

ອອກ​ຈາກ​ກັນແລະ​ນຳ​ພາ​ປະ​ເທດ​ໄປ​ສູ່​ເສັ້ນ​ທາງ​ທີ່​ຈະ​ເລີນ​ເຕີບ​ໂຕ​ເຂັ້ມ​ແຂງກວ່າເກົ່າ ແລະ​ມີ​ຄວາມ​ປຸ້ມ​ລຸມ​ສາ​ມັກ​ຄີ​ກັນ​ກ່ອນ​ເກີດ​ສົງ​ຄາມ​ອີກ. ທ່ານ​ອາ​ບ​ຣາ​ຮາມ​ລິນຄອນ ໄດ້ນຳ​ພາ​ໃນ​ການ​ເປັນ​ຕົວ​ຢ່າງອັນ​ໃໝ່ ຊຶ່ງ​ລັດ​ຖະ​ບານ​ກາງ​ທີ່​ອ່ອນ​ແອ​ດຳ ​ລົງ​ຄົງ​ຢູ່ດ້ວຍ​ກັນ ໃນ​ການ​ເປັນ​ສະ​ຫະ​ພັນ​ລັດ ​ທີ່​ບໍ່​ແໜ້ນ​ໜາ​ປານ​ໃດ​ນັ້ນ ຖືກ​ທົດ​ແທນດ້ວຍ​ການ​ເປັນ​ສະ​ຫະ​ພາບຂອງ​ລັດທີ່​ແທ້​ຈິງ ນຳ​ພາ​ໂດຍ​ລັດ​ຖະ​ບານ​ກາງທີ່​ເຂັ້ມ​ແຂງ.

ໃນ​ທຸກມື້ນີ້ ວັນ​ປະ​ທາ​ນາ​ທິ​ບໍ​ດີ​ແມ່ນ​ຈັດ​ຂຶ້ນ​ເພື່ອ​ເປັນ​ກຽດ​ໃຫ້​ແກ່​ທຸກໆ​ທ່ານ​ທີ່​ໄດ້​ເຂົ້າ​ກຳ​ຕຳ​ແໜ່ງ​ດັ່ງ​ກ່າວ. ແຕ່​ບໍ່​ມີ​ໃຜ ໄດ້​ສ້າງ​ຜົນ​ງານ​ ຫຼື​ໄດ້​ຮັບ​ກຽດ​ຫຼາຍ​ໄປ​ກວ່າ​ທ່ານວໍ​ຊິງ​ຕັນ ແລະ​ທ່ານ​ລິນ​ຄອນ.

XS
SM
MD
LG