ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
“ຫຼາຍໆທົດສະວັດ ທີ່ຂ້ອນຂ້າງມີສະຖຽນລະພາບ ທາງດ້ານພູມີສາດການເມືອງໄດ້ຫຼີກທາງໃຫ້ແກ່ການແຂ່ງຂັນແບບຂຸ້ນຂ້ຽວ ກັບປະເທດອຳນາດຜະເດັດການ” ລັດຖະມົນຕີການຕ່າງປະເທດ ແອນໂທນີ ບລິງເກັນປະກາດໃນການຖະແຫຼງຕໍ່ສະຖາບັນການສຶກສາທີ່ກ້າວໜ້າລະຫວ່າງປະເທດທີ່ມະຫາວິທະຍາໄລ Johns Hopkins. ທ່ານໃຫ້ຂໍ້ສັງເກດກ່ຽວກັບໂຕຢ່າງສຳຄັນ ຄືການເຮັດສົງຄາມຮຸກຮານຂອງຣັດເຊຍ ຕໍ່ຢູເຄຣນແລະການດຳເນີນຄວາມພະຍາຍາມຂອງສາທາລະນະລັດປະຊາຊົນຈີນ ເພື່ອປ່ຽນແປງກົດລະບຽບລະຫວ່າງປະເທດໂດຍເພີ້ມອຳນາດທາງດ້ານເສດຖະກິດ ການທູດ ການທະຫານ ແລະເທັກໂນໂລຈີ.
ສິ່ງເຫຼົ່ານີ້ ແມ່ນຮວມຢູ່ໃນພາກສ່ວນອື່ນໆ ໄດ້ປີ້ນຂວ້ຳລະບຽບການຂອງໂລກ ດັງທີ່ພວກເຮົາຮູ້ກັນ ລັດຖະມົນຕີບລິງເກັນ ກ່າວວ່າ:
“ສະຫະລັດກຳລັງນຳພາໃນຊ່ວງໄລຍະເວລາທີ່ສຳຄັນນີ້ຈາກທ່າທີທີ່ມີຄວາມເຂັ້ມແຂງ ພື້ນຖານທີ່ເຂັ້ມແຂງ ທັງໃນດ້ານຄວາມຖ່ອມຕົນແລະຄວາມເຊື່ອໝັ້ນຂອງພວກເຮົາ. ຖ່ອມຕົນຍ້ອນພວກເຮົາປະເຊີນກັບບັນຫາທ້າທາຍຕ່າງໆ ທີ່ບໍ່ມີປະເທດໃດສາມາດແກ້ໄຂໄດ້ຕາມລຳພັງ ຍ້ອນພວກເຮົາຮູ້ດີວ່າ ພວກເຮົາຄວນໄດ້ຮັບຄວາມເຊື່ອໝັ້ນຂອງຫຼາຍໆປະເທດ ແລະປະຊາຊົນຈາກລະບຽບການເກົ່າໄດ້ປະສົບກັບຄວາມລົ້ມແຫຼວ ທີ່ຈະນຳເອົາສິ່ງທີ່ພວກເຂົາເຈົ້າ ໄດ້ສັນຍາໄວ້ນັ້ນມາໃຫ້.”
ວິໄສທັດຂອງສະຫະລັດສຳລັບອະນາຄົດ ແມ່ນໂລກທີ່ເປີດກວ້າງ ເສລີ ອຸດົມຮັ່ງມີ ແລະມີຄວາມໝັ້ນຄົງ ລັດຖະມົນຕີບລິງເກັນກ່າວ.
“ວິໄສທັດອັນນັ້ນ ບໍ່ແມ່ນພຽງແຕ່ອາເມຣິກາຕາມລຳພັງ ແຕ່ປະຊາຊົນຜູ້ມີຄວາມໄຝ່ຝັນແບບຍືນຍົງຈາກທຸກໆປະເທດໃນທຸກໆທະວີບ. ແມ່ນໂລກທີ່ສ່ວນບຸກຄົນ ມີສິດເສລີພາບໃນຊີວິດປະຈຳວັນ ແລະສາມາດຫຼໍ່ຫຼອມອະນາຄົດຂອງເຂົາເຈົ້າເອງ ປະຊາຄົມ ປະເທດຊາດ ຂອງພວກເຂົາເຈົ້າ. ແມ່ນໂລກບ່ອນທີ່ທຸກໆປະເທດສາມາດເລືອກເສັ້ນທາງເດີນ ແລະພາຄີຂອງຕົນເອງ. ແມ່ນໂລກບ່ອນທີ່ສິນຄ້າ ຄວາມຄິດ ແລະສ່ວນບຸກຄົນ ສາມາດຫຼັ່ງໄຫຼໄປມາໄດ້ຢ່າງເສລີ ແລະຂ້າມດິນແດນ ທະເລ ອາກາດ ແລະໄຊເບີ້ ໄດ້ຢ່າງຖືກຕ້ອງຕາມກົດໝາຍ. ບ່ອນທີ່ເທັກໂນໂລຈີໄດ້ຖືກນຳໃຊ້ ເພື່ອໃຫ້ສິດອຳນາດແກ່ຜູ້ຄົນ ບໍ່ແມ່ນເພື່ອແບ່ງແຍກ ສອດແນມ ແລະກົດຂີ່ພວກເຂົາເຈົ້າ.”
ສະຫະລັດພວມຊອກສະແຫວງຫາເສດຖະກິດໂລກ ທີ່ບໍ່ໄດ້ຈຳກັດຄວາມແຕ່ພຽງການແຂ່ງຂັນ ເປີດກວ້າງ ແລະໂປ່ງໃສເທົ່ານັ້ນ ແຕ່ມີຜູ້ຄົນຫຼາຍປານໃດໄດ້ຮັບສ່ວນແບ່ງຈາກການເຕີບໂຕ ລັດຖະມົນຕີບລິງເກັນໃຫ້ການອະທິບາຍ:
“ໂລກທີ່ພາໃຫ້ມີການແຂ່ງຂັນເພື່ອນຳໄປສູ່ມາດຕະຖານທາງດ້ານແຮງງານແລະສະພາບແວດລ້ອມທີ່ສູງທີ່ສຸດສຳລັບສຸຂະພາບ ການສຶກສາ ພື້ນຖານໂຄງລ່າງ ເທັກໂນໂລຈີນ ຄວາມໝັ້ນຄົງ ແລະໂອກາດ ແມ່ນໂລກບ່ອນທີ່ກົດໝາຍລະຫວ່າງປະເທດເປັນຫຼັກໃຈກາງຂອງກົດບັດສະຫະປະຊາຊາດ ໄດ້ຖືກຢຶດໝັ້ນ ແລະບ່ອນທີ່ຄຳປະກາດສາກົນວ່າດ້ວຍສິດທິມະນຸດໄດ້ຮັບການເຄົາລົບ ຈະສ້າງຄວາມກ້າວໜ້າໃຫ້ແກ່ວິໄສທັດ ທີ່ນຳພາໂດຍຄວາມຮູ້ສຶກແບບກະຈ່າງແຈ້ງໃນຜົນປະໂຫຍດຂອງຕົນທີ່ໄດ້ກະຕຸ້ນການນຳພາຂອງສະຫະລັດ ໃນວິທີທີ່ດີທີ່ສຸດ.”
ສະຫະລັດຍັງເຊື່ອວ່າ ການລົງທຶນໃນປະເທດອື່ນ ແລະຜູ້ຄົນ ຈະບໍ່ພຽງແຕ່ຮັບໃຊ້ໃນຜົນປະໂຫຍດ ຂອງມະນຸດຊາດເທົ່ານັ້ນ ແຕ່ຍັງຈະຮັບໃຊ້ຜົນປະໂຫຍດຂອງພວກເຮົາເອງອີກດ້ວຍ.