Accessibility links

Breaking News

ບົດບັນນາທິການ: ອົງການຂ່າວທີ່ເປັນອິດສະຫຼະ ແມ່ນມີຄວາມສຳຄັນ ຕໍ່ປະຊາທິປະໄຕ ແລະພາຍໃຕ້ການຂົ່ມຂູ່


ທ່ານ​ແອນ​ໂທ​ນີ ບ​ລິງ​ເກັນ ລັດ​ຖະ​ມົນ​ຕີ​ການ​ຕ່າງ​ປະ​ເທດ​ສະ​ຫະ​ລັດ

ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ

ໃນ​ການ​ຖະ​ແຫຼງ​ຕໍ່​ພວກ​ນັກ​ຂ່າວ ​ທີ່​ສູນ​ກາງ​ຂ່າວ​ຕ່າງ​ປະ​ເທດ ຢູ່​ທີ່​ນະ​ຄອນ​ຫຼວງວໍ​ຊິງ​ຕັນ ໃນ​ວັນ​ອິດ​ສະ​ຫຼະ​ພາບ​ດ້ານ​ການ​ຂ່າວ​ຂອງ​ໂລກ ​ລັດ​ຖະ​ມົນ​ຕີ​ການ​ຕ່າງ​ປະ​ເທດ​ສະ​ຫະ​ລັດ ທ່ານ​ແອນ​ໂທ​ນີ ບ​ລິງ​ເກັນ ກ່າວ​ວ່າ “​ອົງ​ການ​ຂ່າວ​ທີ່​ມີ​ຊີ​ວິດ​ຊີ​ວາ​ ແລະ​ເປັນ​ອິດ​ສະ​ຫຼະ ແມ່ນ​ສິ່ງ​ສຳ​ຄັນ​ສຸດ ​ສຳ​ລັບ​ລະ​ບອ​ບ​ປ​ະ​ຊາ​ທິ​ປະ​ໄຕທີ່​ເຂັ້ມ​ແຂງ​ ມັນ​ເປັນ​ສິ່ງ​ທີ່​ຊ່ວຍ​ໃຫ້​ປະ​ຊ​າ​ຊົນ​ເຂົ້າ​ໃຈ ກ່ຽວ​ກັບ​ເຫ​ດການ​ຕ່າງໆ ເປັນ​ກຳ​ລັງ​ທີ່​ຫຼໍ່​ຫຼອມ​ຊີ​ວິດ​ຂອງ​ພວກ​ເຂົາ​ເຈົ້າ. ມັນ​ອະ​ນຸ​ຍາດ​ໃຫ້ທຸກ​ຄົນ​ເຂົ້າ​ຮ່ວມ​ພົວ​ພັນ​ແບບ​ມີ​ຄວາມ​ໝາຍ ໃນ​ດ້ານ​ການ​ເມືອງ ແລະ​ໜ້າ​ທີ່​ພົນ​ລະ​ເມືອງ​ໃນ​ຂອບ​ເຂດ​ຂອງ​ປະ​ຊາ​ຄົມ ປະ​ເທດ​ຊາດ ແລະ​ຂອງ​ໂລກ.”

ແຕ່​ເປັນ​ທີ່​ໜ້າ​ເສົ້າ​ໃຈ ອິດ​ສະ​ຫຼະ​ພາບ​ດ້ານ​ການ​ຂ່າວ​ພວມ​ປະ​ເຊີນ​ກັບ​ການ​ຂົ່ມ​ຂູ່ຢ່າງ​ຮ້າຍ​ແຮງ ຈາກ​ສົງ​ຄາມ ​ແລະ​ບັນ​ຫາ​ຂັດ​ແຍ້ງ ເຊັ່ນ​ດຽວ​ກັນ​ຈາກ​ບັນ​ດາ​ລັດ​ຖະ​ບານ ແລະ​ອົງ​ການ​ທີ່​ບໍ່​ແມ່ນ​ລັດ​ຖະ​ບານ ເຊັ່ນ​ພວກ​ກໍ່​ການ​ຮ້າຍ ແລະ​ອົງ​ການ​ຈັດ​ຕັ້ງ​ອາ​ຊະ​ຍາ​ກຳ ທີ່​ທຳ​ການ​ຂົ່ມຂູ່ ຮາ​ວີ​ລົບ​ກວນ ຈັບ​ກຸມ​ຄຸມ​ຂັງ ແລະ​ໂຈມ​ຕີ​ຕໍ່​ພວກ​ນັກ​ຂ່າວ.

ລັດ​ຖະ​ມົນ​ຕີ​ການ​ຕ່າງ​ປະ​ເທດບ​ລິງ​ເກັນ ໄດ້​ຊີ້​ໃຫ້​ເຫັນພວກ​ນັກ​ຂ່າວ​ທີ່​ເສຍ​ຊີ​ວິດ​ເມື່ອ​ບໍ່​ເທົ່າ​ໃດ​ອາ​ທິດ​ທີ່​ຜ່ານ​ມານີ້ ຢູ່​ໃນ​ປະ​ເທດ​ຢູ​ເຄ​ຣນ ແລະ​ອີກ​ຫຼາຍໆ​ຄົນ​ໄດ້​ຮັບ​ບາດ​ເຈັບ​ໃນ​ລະ​ຫວ່າງ​ສົງ​ຄາມ​ທາງ​ເລືອກ​ຂອງ​ປູ​ຕິນ ການ​ສັງ​ຫານ​ພວກ​ນັກຂ່າວ​ຢູ່​ໃນ​ມຽນ​ມາ​ແລະ​ເຢ​ເມນ ການ​ໂຈມ​ຕີ​ຫຼື​ຈັບ​ກຸມ​ຄຸມ​ຂັງ​ພວກ​ນັກ​ຂ່າວ​ຢູ່​ໃນ​ຣັດ​ເຊຍ ສ​ປ​ປ ຈີນ ແລະ​ອັ​ຟ​ກາ​ນິ​ສ​ຖານ.

ທ່ານ​ໃຫ້​ຂໍ້​ສັງ​ເກດ​ວ່າ​ລັດ​ຖະ​ບານ​ຂອງ​ຫຼາຍໆ​ປະ​ເທດພ​ວມ​ສົ່ງ​ເສີມ​ຮູບ​ແບບ​ການ​ກົດ​ຂີ່​ ທີ່​ມີ​ມາ​ແຕ່​ດັ້ງ​ເດີມ​ດ້ວຍ​ກົນ​ລະ​ຍຸດ​ອັນ​ໃໝ່ ທີ່​ແນ​ໃສ່​ເພື່ອ​ບ່ອນ​ທຳ​ລາ​ຍ​ຕໍ່​ອິດ​ສະ​ຫຼະ​ພາບ​ດ້ານ​ການ​ຂ່າ​ວຮວມ​ທັງ​ການ​ຄວບ​ຄຸມ​ອິນ​ເຕີ​ແນັດ​ໂດຍ​ຜ່ານ​ການ ​ປິດ ຫຼື​ການກວດ​ກາ​ຢ່າງ​ເປີດ​ເຜີຍ ການ​ຕິດ​ຕາມ​ສິ້ງ​ຊອມ​ໂດຍ​ພາ​ລະ​ການ​ແລະການ​ໂຈມ​ຕີ​ເຈາະ​ຂໍ້​ມູນຄອມ​ພິວ​ເຕີ້ ​ຫຼື​ລະ​ບົບ​ຂອງ​ພວກ​ນັກ​ຂ່າວ. ອາ​ຊະ​ຍາ​ກຳ ​ຕໍ່​ພວກ​ນັກ​ຂ່າວຢູ່​ໃນ​ໂລກ​ ສ່ວນ​ໃຫຍ່​ແລ້ວແມ່ນ​ກໍ່​ຂຶ້ນ​ໂດຍ​ບໍ່​ຖືກ​ລົງ​ໂທດ ນັ້ນ​ຄື​ຄຳ​ເວົ້າ​ຂອງ​ລັດ​ຖະ​ມົນ​ຕີບ​ລິງ​ເກັນ ຊຶ່ງ​ເປັນ​ການ​ສົ່ງ​ຂ່າວ​ຢ່າງ​ຈະ​ແຈ້ງ​ຕໍ່​ພວກ​ກໍ່ການ​ວ່າ “ພວກ​ເຂົາ​ສາ​ມາດ​ແນ​ເປົ້າ​ໝາ​ຍ​ຕໍ່​ພວກ​ນັກ​ຂ່າວ​ໂດ​ຍ​ບໍ່​ຕ້ອງ​ໄດ້​ຮັບ​ຜົນ​ທີ່​ຕິດ​ຕາມ​ມາ.”

ສະ​ຫະ​ລັດ​ກຳ​ລັງ​ທຳ​ການ​ຕໍ່​ສູ້​ຕ້ານ​ຄືນ​ການ​ກົດ​ຂີ່​ດັ່ງ​ກ່າວ​ໃນ​ຫຼາຍໆ​ທາງ​ດ້ວຍ​ກັນ. ສຳ​ລັບ​ພວກ​ນັກ​ຂ່າວ ​ທີ່​ມີ​ຄວາມ​ສ່ຽງ​ສູງ​ໃນ​ຢູ​ເຄ​ຣນ ຕົວ​ຢ່າງ ສະ​ຫະ​ລັດ​ໄດ້​ສະ​ໜອງ​ເສື້ອ​ກັນ​ລູກ​ປືນ ​ຊຸດເຄື່ອ​ງ​ປະ​ຖົມ​ພະ​ຍາ​ບານ ແລະ ​ໂທ​ລະ​ສັບ​ດາວ​ທຽມ​. ສະ​ຫະ​ລັດ​ຍັງ​ໄດ້​ຈັດ​ຕັ້ງ​ສູນ​ກາງ​ຂ່າວ​ຂຶ້ນ​ທີ່​ເມືອງ​ລີ​ວິບ ແລະ​ໄດ້​ສະ​ເໜີ​ໃຫ້​ການຊ່ວຍ​ເຫຼືອ​ສຸກ​ເສີນ​ແລະ​ການ​ສະ​ໜັບ​ສະ​ໜຸນ​ທາງ​ດ້ານ​ຈິດ​ຕະ​ວິ​ທະ​ຍາ​ໃຫ້​ແກ່​ນັກ​ຂ່າວ​ທີ່​ໄປ​ເກັບ​ກຳ​ຂ່າວ​ສົງ​ຄາມ.

ນອກ​ຈາກນັ້ນ​ແລ້ວ ສະ​ຫະ​ລັດ​ຍັງ​ສືບ​ຕໍ່​ຍົກ​ເອົາ​ກໍ​ລະ​ນີ​ຕ່າງໆ​ຂອງ​ພວກ​ນັກ​ຂ່າວ​ຢູ່​ໃນ​ທົ່ວ​ໂລກ ຊຶ່ງ​ໄດ້​ຕົກ​ເປັນ​ເປົ້າ​ຍ້ອນ​ການ​ເຮັດ​ວຽກ​ຂອງ​ພວກ​ເຂົາ​ເຈົ້າ​ຂຶ້ນ​ມາເວົ້າ. ພ້ອມນີ້ ສະ​ຫະ​ລັດ​ຍັງ​ໄດ້ຊຸມ​ນຸມແນວ​ໂຮມ​ຂອງ​ປະ​ເທດ​ຕ່າງໆ​ເພື່ອ​ເຜີຍ​ແບ​ການ​ກົດ​ຂີ່ ແລະ​ເຂົ້າ​ຮ່ວມ​ກັບ​ສະ​ຫະ​ລັດ​ໃນ​ການ​ແນ​ເປົ້າ​ໝາຍ​ລົງ​ໂທດ​ຕໍ່​ປະ​ເທດ​ໃດ​ກໍ​ຕາມ ທີ່​ບໍ່​ໃຫ້​ການ​ເຄົາ​ລົບ ​ຕໍ່​ອິດ​ສະ​ຫຼະ​ພາບ​ດ້ານ​ການ​ຂ່າວ.

ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດບ​ລິງ​ເກັນ ກ່າວ​ວ່າ “ສະ​ຫະ​ລັດ​ມີ​ສ່ວນ​ໄດ້​ສ່ວນ​ເສຍ​ທີ່​ສຳ​ຄັນ ​ໃນ​ການ​ຊຸກ​ຍູ້​ໃຫ້​ມີ​ສິດ​ເສ​ລີ​ພາບ ​ໃນ​ການ​ສະ​ແດງ​ອອກ​ ຊຶ່ງ​ຄວາມຄິດ​ຄວາມ​ເຫັນ, ຮວມ​ທັງ​ອົງ​ການ​ຂ່າວ​ທີ່​ເສ​ລີ, ຢູ່​ພາຍ​ໃນ​ປະ​ເທດ​ແລະ​ໃນ​ທົ່ວ​ໂລກ. ການ​ຫຼັ່ງ​ໄຫຼຢ່າງ​ເສ​ລີ​ຂອງ​ຂໍ້​ມູນ​ຂ່າວ​ສານ ແນວ​ຄິດ ຄວາມ​ເຫັນຮວມ ​ທັງ​ການ​ສະ​ແດງ​ຄວາມ​ບໍ່​ພໍ​ໃຈ ແມ່ນ​ເປັນ​ສິ່ງ​ຈຳ​ເປັນ ສຳ​ລັບ​ສັງ​ຄົມ​ທີ່​ເປີດກວ້າງ ​ແລະ​ໂຍ​ະ​ຍານ​ຜ່ອນ​ຜັນ.”

XS
SM
MD
LG