ດົນກວ່າສາມປີເຄິ່ງຫຼັງຈາກເຂົາເຈົ້າໄດ້ປິດເຂດຊາຍແດນເພື່ອປ້ອງກັນການແຜ່ລາມຂອງໂຄວິດ-19, ສາທາລະນະລັດ ປະຊາທິປະໄຕ ປະຊາຊົນ ເກົາຫຼີ, ຫຼື ເກົາຫຼີເໜືອ, ໄດ້ເປີດປະຕູຂອງເຂົາເຈົ້າເພື່ອອະນຸຍາດໃຫ້ປະຊາຊົນຂອງເຂົາເຈົ້າເອງກັບຄືນປະເທດ. “ໃນຂະນະດຽວກັນ ນີ້ເປັນຂີດໝາຍບາດກ້າວທຳອິດ ເພື່ອທົບທວນມາດຕະການຫ້າມຕໍ່ການເຄື່ອນໄຫວທີ່ເສລີຂອງລັດຖະບານນັ້ນ,” ອີງຕາມການກ່າວຂອງຜູ້ລາຍງານພິເສດດ້ານມະນຸດສະທຳຂອງອົງການສະຫະປະຊາຊາດໃນ ສປປ ເກົາ, ທ່ານນາງ ເອລິຊາເບັດ ຊາລມອນ. ທ່ານນາງເວົ້າວ່າ “ມັນຍັງໄດ້ກໍ່ໃຫ້ເກີດຄວາມເປັນຫ່ວງ ກ່ຽວກັບ ການບັງຄັບໃຫ້ສົ່ງຕົວຜູ້ທີ່ໄດ້ຫຼົບໜີກັບຄືນປະເທດໃນໄວໆນີ້, ເຊິ່ງສ່ວນຫຼາຍແມ່ນແມ່ຍິງ.” ທ່ານນາງໄດ້ເຕືອນວ່າການກັບຄືນໄປຂອງເຂົາເຈົ້າຈະເຮັດໃຫ້ເຂົາເຈົ້າຖືກທໍລະມານ, ໄດ້ຮັບຄວາມຮຸນແຮງທາງເພດ ຫຼື ການຂ້າຢ່າງບໍ່ຖືກຕ້ອງຕາມກົດໝາຍ.
ແຕ່ແມ່ນກະທັ້ງໃນເວລາທີ່ດີທີ່ສຸດ, ພວກແມ່ຍິງ ແລະ ເດັກນ້ອຍໃນ ສປປ ເກົາຫຼີ ໄດ້ປະເຊີນກັບຄວາມລຳບາກຢ່າງກວ້າງຂວາງ. ສິດທິຂອງເຂົາເຈົ້າສືບຕໍ່ຖືກທຳລາຍ, ສຽງຂອງເຂົາເຈົ້າຖືກປິດໄວ້. ສຳຄັນທີ່ສຸດ, ສຽງຂອງແມ່ຍິງແມ່ນຖືກແຍກອອກຈາກການປຶກສາຫາລືທີ່ກ່ຽວຂ້ອງກັບການແກ້ໄຂຄວາມຂັດແຍ້ງຢ່າງເປັນປະຈຳ, ເພື່ອຕັດສິນໃຈ ກ່ຽວກັບ ຂະບວນການນຳເອົາສະນະການກັບຄືນສູ່ປົກກະຕິໃດໆ.
ຜູ້ລາຍງານພິເສດທ່ານນາງ ຊາລມອນ ໄດ້ເຕືອນວ່າ “ຈະບໍ່ມີສັນຕິພາບຢ່າງຍືນຍົງຖືກຮັບຮູ້ຖ້າສິດທິຂອງແມ່ຍິງຍັງສືບຕໍ່ຖືກທຳລາຍ,” ແລະ ໄດ້ຮຽກຮ້ອງສຳລັບ “ການເຂົ້າຮ່ວມທີ່ມີຫຼາກຫຼາຍຂອງແມ່ຍິງ” ໃນຄວາມພະຍາຍາມສ້າງສັນຕິພາບ ແລະ ຄວາມໝັ້ນຄົງລະຫວ່າງ ເກົາຫຼີ.
ທ່ານນາງ ລີຊາ ຄາທີ ທູດພິເສດປະຈຳສະພາເສດຖະກິດ ແລະ ສັງຄົມສະຫະປະຊາຊາດກ່າວວ່າ “ຂ້າພະເຈົ້າສາມາດຄິດ ກ່ຽວກັບ ສະພາບແວດລ້ອມຂອງສອງສາມປະເທດອື່ນໆ ທີ່ມັນສຳຄັນຫຼາຍແທ້ໆທີ່ສຽງຂອງແມ່ຍິງໄດ້ຮັບການຍົກສູງຢ່າງເຕັມທີ່.”
ເຖິງຈະເປັນແນວນັ້ນກໍຕາມ, “ພວກເຮົາແມ່ນເປັນຫ່ວງຢ່າງຍິ່ງກ່ຽວກັບ ລາຍງານການລະເມີດສິດທິມະນຸດ, ລວມທັງຄວາມຮຸນແຮງທີ່ອີງໃສ່ເພດ. ແມ່ຍິງ ແລະ ເດັກຍິງແມ່ນມີຄວາມສ່ຽງເປັນພິເສດຕໍ່ຄວາມຮຸນແຮງທາງເພດ, ການບັງຄັບເຮັດແທ້ງລູກ, ການກັກຂັງໂດຍພາລະການ ແລະ ການບັງຄັບແຮງງານ.”
ແນ່ນອນ, ການລະເມີດສິດທິມະນຸດໃນສປປ ເກົາຫຼີ ແມ່ນ “ເປັນລະບົບ, ແຜ່ກວ້າງ, ແລະ ເຫັນໄດ້ຊັດ.” ຂໍ້ເທັດຈິງກໍແມ່ນວ່າ “ໂສກນາດຕະກຳທີ່ບໍ່ສາມາດເວົ້າໄດ້” ຈຳນວນນຶ່ງທີ່ກະທຳໂດຍລະບອບການປົກຄອງດັ່ງກ່າວຕໍ່ປະຊາຊົນຂອງເຂົາເຈົ້າເອງ, ອາດເພີ່ມຂຶ້ນສູ່ລະດັບຂອງອາຊະຍາກຳຕໍ່ມວນມະນຸດ.
“ການລະເມີດສິດທິມະນຸດຂອງ ສປປ ເກົາຫຼີ ແລະ ການລະເມີດຕ່າງໆແມ່ນເຊື່ອມໂຍງຢ່າງແຍກບໍ່ອອກກັບໂຄງການອາວຸດຂອງປະເທດນັ້ນ ໃນຂະນະທີ່ເຂົາເຈົ້າເພີດເພີນກັບການພັດທະນາອາວຸດທຳລາຍລ້າງທີ່ຜິດກົດໝາຍ ແລະ ໂຄງການລູກສອນໄຟຂີປະນາວຸດຂອງ ສປປ ເກົາຫຼີ ນັ້ນ,” ອີງຕາມການກ່າວຂອງເອກອັກຄະລັດຖະທູດ ຄາທີ, ໂດຍກ່າວຢ້ຳວ່າລັດຖະບານດັ່ງກ່າວ “ໄດ້ຫັນເຫແຫຼ່ງຊັບພະຍາກອນຂະໜາດໃຫຍ່ໄປໃສ່ອາວຸດ.”
ທ່ານນາງກ່າວວ່າ “ສະຫະລັດ ຈະສືບຕໍ່ຮຽກຮ້ອງສຳລັບການຢຸດການລ່ວງລະເມີດ ແລະ ການທໍລະມານທີ່ວ່ານີ້, ແລະ ສຳລັບຄວາມຮັບຜິດຊອບສຳລັບຜູ້ກະທຳຜິດ ແລະ ຄວາມຍຸຕິທຳສຳລັບຜູ້ລອດຊີວິດ.”
“ສະຫະລັດ ຈະສືບຕໍ່ຢືນຂຶ້ນເພື່ອເສລີພາບພື້ນຖານສຳລັບປະຊາຊົນຂອງ ສປປ ເກົາຫຼີ.”