Accessibility links

Breaking News

Gaaritaanka sinnaanta si loo joojiyo cudurka HIV


Hiv - Aids

Kowda December waxay ahayd maalinta AIDS-ka Adduunka, waxaana la xusay tan iyo 1988-kii, taasoo qayb ka ah dadaallada wacyi-gelinta ee cudurka HIV/AIDS-ka, iyo baroor-diiqda dadkii u dhintay cudurrada la xiriira AIDS-ka. Mawduuca sanadkan waa Is-baaridda Nafteena: Gaaritaanka Sinaanta si loo joojiyo HIV.

HIV ma dilo dadka uu ku dhaco fayrasku, laakiin waxa uu daciifiyaa awooda jidhku u leeyahay in uu iska difaaco weerarka cudur-sidaha keena cudur dilaa ah. Sannado ka dib markii ugu horreysay ee fayraska la aqoonsaday, waxaa jiray su'aalo iyo fikrado khaldan oo ku saabsan sida HIV u fido iyo sida uu u weeraro jidhka. Cabsida hubanti la'aantan ka dhalatay waxay inta badan keentay - ilaa haddana ka dhasha - ceebaynta qofka la nool HIV/AIDS.

Qaar ka mid ah dhaleeceynta dadka la nool HIV/AIDS-ka ay la kulmeen waxaa ka mid ahaa eedeymo anshax-xumo ah, xukun ay shaqsiyaad ama xitaa bulshooyinka oo dhan ay ku eedeeyeen in qaab nololeedka qofka uu yahay mid u qalma in la ciqaabo, iyo in dhab ahaantii uu qofkaasi helay saxaraha saxda ah.

Dhaleecaynta marar badan waxay keentaa takoorid iyo sinnaan la'aan. Xitaa maanta, dadka la nool HIV/AIDS waxa laga yaabaa inay ku adkaato inay helaan caawimo iyo taageero bulsho, iyo sidoo kale ilo dhaqaale. Waxa laga yaabaa in laga saaro qoysaskooda oo laga takooro bulshada dhexdeeda. Qaar baa laga yaabaa inay awoodi waayaan inay helaan daryeel caafimaad oo tayo leh, xataa waxaa laga yaabaa in loo diido daryeelka iyo daawaynta. Natiijo ahaan, kuwa qaba fayraska HIV waxay ka fogaan karaan daaweynta iyo inay sheegaan xaaladdooda, taasoo ka dhigaysa daaweynta iyo ka hortagga HIV-ga mid aad u adag.

Ma aha wax la yaab leh in la yiraahdo waan joojin karnaa HIV/AIDS haddii aan joojinno dhaleeceynta iyo sinnaan la'aanta kale ee sii socota.

Qorshaha Degdegga ah ee Madaxweynaha Mareykanka ee Caawinta AIDS-ka, ama PEPFAR, waa ballan-qaadka ugu weyn ee ummad kasta si wax looga qabto hal cudur oo adduunka ah. Tan iyo markii la aasaasay ku dhawaad 20 sano ka hor, PEPFAR waxa ay 100 Billion ku maal galisay la dagaalanka cudurka dilaaga ah ee HIV/AIDS waxayna badbaadisay in ka badan 25 milyan oo nafood iyada oo daawaynta ka hortagga dib u noqoshada u fidisay dadka qaba HIV/AIDS. Iyadoo la shaqaynaysa dawladaha saaxiibka la ah, ururrada dhinacyada badan leh, bah-wadaagta bulshada, ururrada caqiidada ku salaysan iyo la-hawlgalayaasha kale ee bulshada rayidka ah, PEPFAR waxa ay ka shaqaynaysaa in ay soo afjarto faafitaanka HIV/AIDS oo ah khatar caafimaad oo caalami ah marka la gaadho 2030ka.

"Weli waxaa innagu horreeya waddo adag… gaar ahaan, wax ka qabashada faraqa aan u aragno gudaha iyo caalamkaba," ayuu yidhi Madaxweyne Biden. "Waxaan baabi'in karnaa gudbinta HIV. Waxaan xakameyn karnaa masiibada halkan Mareykanka iyo waddamada adduunka. ”

Faalladin waxay ka turjumeysa aragtida dowladda Mareykanka.

XS
SM
MD
LG