Որպես վառ օրինակներ նա նշել է Ուկրաինայի դեմ Ռուսաստանի ագրեսիվ պատերազմը և Չինաստանի ջանքերը՝ վերափոխել միջազգային կարգն իր տնտեսական, դիվանագիտական, ռազմական և տեխնոլոգիական աճող հզորության միջոցով։
Ըստ Բլինքենի, վերոհիշյալը, ի թիվս այլ գործոնների, խարխլել է գործող աշխարհակարգը։
«Այս բեկումնային ժամանակահատվածում Միացյալ Նահանգներն առաջ է շարժվում ուժի դիրքերից։ Ուժ, որը խարսխված է համեստության, բայցև՝ վստահության վրա։ Համեստություն, քանզի մեր առջև մարտահրավերներ են, որոնք ոչ մի երկիր չի կարող միայնակ հաղթահարել, և քանզի գիտակցում ենք, որ պետք է վաստակենք այն երկրների և քաղաքացիների վստահությունը, որոնց պարագայում հին աշխարհակարգը չի արդարացրել իրեն»։
Միացյալ Նահանգների ապագայի տեսլականն է՝ ունենալ բաց, ազատ, բարեկեցիկ և անվտանգ աշխարհ՝ հայտարարել է պետքարտուղար Բլինքենը։
«Այս տեսլականին են ձգտում ոչ միայն Ամերիկան, այլև՝ յուրաքանչյուր մայրցամաքի յուրաքանչյուր երկրի մարդիկ։ Աշխարհ, ուր մարդիկ ազատ են իրենց առօրյա կյանքում և կարող են իրենք կառուցել իրենց ապագան, իրենց համայնքները, իրենց երկրները։ Աշխարհ, ուր յուրաքանչյուր երկիր կարող է ընտրել իր ուղին և իր գործընկերներին։ Աշխարհ, ուր ապրանքները, գաղափարները և անհատները կարող են ազատորեն և օրինականորեն տեղաշարժվել ցամաքով, ծովով, երկնքով և կիբերտարածությամբ։ Աշխարհ, ուր տեխնոլոգիաններն օգտագործվում են մարդկանց հնարավորություն տալու, այլ ոչ՝ նրանց պառակտելու, հսկելու կամ ճնշելու նպատակով»։
ԱՄՆ պետքարտուղարի ներկայացմամբ, Վաշինգտոնը ձգտում է ստեղծել համաշխարհային տնտեսություն, որի հիմքում ոչ միայն մրցակցությունն է, բաց լինելը և թափանցիկությունը, այլև՝ այդ տնտեսության աճից հանարվորինս շատ մարդկանց բաժին հասնելը։
«Աշխարհը, որը առողջապահության, կրթության, ենթակառուցվածքների, տեխնոլոգիաների, անվտանգության և հնարավորությունների ոլորտներում ստեղծում է առաջնորդության մրցավազք՝ հիմնված աշխատանքային և բնապահպանական չափորոշիչների վրա, [աշխարհ], ուր հարգում են մարդու համընդհանուր իրավունքները, ․․․ [ահա, այդ աշխարհը] կխթանի նման տեսլականը՝ որն առաջնոդվում է սեփական լուսավորյալ շահի զգացումով, որն էլ, իր հերթին, ԱՄՆ-ի առաջնորդության շարժիչ ուժն է՝ իր լավագույն դրսևորմամբ»։
Միացյալ Նահանգները շարունակում է հավատալ, որ այլ երկրներին և ժողովուրդներին ուղղված ներդրումները կծառայեն ոչ միայն մարդկության, այլև մեր՝ սեփական շահերին։
Սույն խմբագրականն արտացոլում է Միացյալ Նահանգների կառավարության տեսակետը։
Ամերիկայի տեսլականը նոր աշխարհակարգի վերաբերյալ
«Տասնամյակների հարաբերական աշխարհաքաղաքական կայունությունը տեղի է տվել ավտորիտար ուժերի հետ աճող մրցակցությանը»,- հայտարարել է պետքարտուղար Էնթոնի Բլինքենը Ջոն Հոփքինս համալսարանի միջազգային առաջադեմ հետազոտությունների դպրոցին հասցեագրված ուղերձում։