د ۱۴۹۲ کال د اکتوبر په ۱۲ د کریسټوفر کولمبوس په مشرۍ درې هسپانوي کښتۍ د اوسني بهاماس په یو ټاپو کې لنګر واچوه. د دې پیښې کلیزه، چې هر کال په متحده ایالاتو کې د کولمبوس د ورځې په توګه نمانځل کیږي، د خوراکي توکو، حیواناتو، نباتاتو، خلکو او ناروغیو پراخه نړیواله تبادله وه چې نړۍ یې بدله کړه چې نن د کولمبیایې تبادلاتو په نوم پیژندل کیږي. له همدې امله، د ډیرو تاریخپوهانو په اند ۱۴۹۲ کال د عصري نړۍ په تاریخ کې ترټولو مهم کال دی.
د ۱۴۹۲ کال په پرتله د نړۍ نفوس اوس څه دپاسه څلور چنده ډیر شوی او د ۱۶۵۰ او ۱۸۵۰ کلونو ترمنځ دوه چنده شوی و. که څه هم یو شمیر فکتورونه په دې لویې ودې کې ښکیل دي، خو تر ټولو مهم یې په څرګنده توګه د خوړو د عرضې زیاتوالی او ښه والی دی. د بومي امریکایي د سبزیجاتو د خواړو لکه جوار، کچالو، رومي، هګۍ، میمپلي، میناک [د سویلي امریکا یو ډول نبات]، اناناس، مرچ او د کاکو دانې د عمده عواملو څخه وو.
کچالو په مرکزي او شمالي اروپا کې د بې وزلو لپاره د خوړو خورا مهم سرچینه ګرځیدلې. جوار او میناک په ۱۶مې پیړۍ کې افریقا ته وارد شول او د خورا مهمو خوراکي محصولاتو په توګه یې د افریقا د دودیزو محصولاتو ځای ونیو.
چین ته د نويو نړیوالو خوراکي محصولاتو په ځانګړي توګه کچالو، جوارو او میمپليو په معرفي کیدو سره د ۱۵۰۰ څخه تر ۱۶۵۰ پورې د نفوس د زیاتوالي لامل شو.
د کولمبس تبادله نړیواله وه او د نړۍ هر ګوټ ته یې نوي خواړه معرفي کړل. د ۱۴۹۲ کال څخه دمخه، په فلوریدا کې مالټه، په اکوادور کې کیله او په هنګري کې دلمه سره مرچو شتون نه درلود. ایټالیا ته د رومي بادنجانو دغو تبادلو کولمبیا او اندونیزیا ته قهوه، هاوایی ته اناناس، افریقا ته د ربړ ونې، تایلنډ، چین او هند ته ترخه مرچ او سویس ته راوړل.
د بهاماس په یو ټاپو کې د دریو کوچنیو کښتیو لنګر د تاریخ په اوږدو کې د نه اټکل کیدونکو بدلونونو لامل شو. دې د پیړیو لپاره د بشر راتلونکی جوړه کړه؛ نه یوازې د نوې وچې د کشف له امله، بلکې د ځمکې د نیمو کرو ترمنځ د منظم ارتباط د ټینګیدو، د سوداګرۍ د رامنځته کیدو، د نظریاتو د تبادلې لپاره د زمینې د برابریدو او د کلتورونو ترمنځ د اړیکو او ټکر د رامنځته کیدو له امله هم د بشر راتلونکې شکل موندلی دی.
په ۱۴۹۲ کال کې، د نړۍ خلک د یوې نړیوالې ټولنې په توګه سره راټول شول.