ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ສະຫະລັດເປັນປະເທດເພື່ອນມິດຂອງສະມາຄົມບັນດາປະຊາຊາດໃນເຂດເອເຊຍຕາເວັນອອກສຽງໃຕ້ ຫຼືອາຊ່ຽນມາເປັນເວລາດົນນານແລ້ວ. ໃນການຖະ ແຫຼງຜ່ານທາງວີດີໂອທີ່ກອງປະຊຸມປະຈຳປີ ຂອງລັດຖະມົນຕີການຕ່າງປະເທດສະຫະລັດ-ອາຊ່ຽນ ລັດຖະມົນຕີການຕ່າງປະເທດສະຫະລັດ ທ່ານໄມຄ໌ ພອມ ພຽວ ກ່າວວ່າ ວິໄສທັດຂອງພວກເຮົາໃນອະນາຄົດສຳລັບເຂດອິນໂດ-ປາຊີຟິກແມ່ນການເປັນພາຄີກັນ ຢ່າງໃກ້ຊິດ. ທ່ານກ່າວວ່າ “ສະຫະລັດ ມີຄວາມໝັ້ນ
ໝາຍຈະໃຫ້ອາຊ່ຽນເປັນສູນກາງໃນເຂດອິນໂດ-ປາຊີຟິກ ແລະໃຫ້ການສະໜັບສະໜຸນ ຕໍ່ຄວາມອຸດົມຮັ່ງຂອງບັນດາປະເທດອາຊ່ຽນຂອງພວກເຮົາ. ພວກເຮົາພວມໃຫ້ການຊ່ວຍເຫຼືອ 89 ລ້ານໂດລາ ເພື່ອຕໍ່ສູ້ກັບໂຄວິດ-19 ໃນບັນດາປະ ເທດອາຊ່ຽນ ຈາກຈຳນວນເງິນ 20 ພັນ ກວ່າລ້ານໂດລາ ທີ່ພວກເຮົາໄດ້ໃຫ້ ການຊ່ວຍເຫຼືອຕໍ່ປະເທດຕ່າງໆໃນທົ່ວໂລກ. ພວກເຮົາໄດ້ສົ່ງເຄື່ອງຊ່ວຍຫາຍໃຈຈຳນວນ 850 ອັນໄປຍັງອິນໂດເນເຊຍ ຊຶ່ງອີກ 150 ອັນຈະຕົກໄປເຖິງໃນໄລ ຍະສອງສາມອາທິດຂ້າງໜ້ານີ້ ແລະອີກ 100 ອັນຈະຖືກສົ່ງໄປປະເທດຟີລິບປິນຕາມທີ່ໄດ້ສັນຍາໄວ້.”
ລັດຖະມົນຕີການຕ່າງປະເທດພອມພຽວໄດ້ປະກາດກ່ຽວກັບຂໍ້ລິເລີ້ມໃໝ່ຈຳນວນ
ນຶ່ງ ທີ່ແນໃສ່ເພື່ອຊ່ວຍເຫຼືອປະເທດຕ່າງໆໃນອາຊ່ຽນເສີມຂະຫຍາຍອະທິປະໄຕ
ແລະການເຕີບໂຕຂອງພວກເຂົາເຈົ້າ.
“ທຳອິດ ພວກເຮົາຍິນດີທີ່ຈະຮັບຮອງເອົາແຜນປະຕິບັດງານອາຊ່ຽນ-ສະຫະລັດ ແຕ່ປີ 2021 ຫາ 2025 ເພື່ອເປັນທິດທາງນຳພາການພົວພັນຂອງພວກເຮົາໃນອະນາຄົດ ເພື່ອໃຫ້ສອດຄ່ອງກັບວິໄສທັດຂອງອາຊ່ຽນ ຕໍ່ເຂດອິນໂດ-ປາຊີິຟິກ.
ພວກເຮົາຍັງໄດ້ລີເລີ້ມເຊັ່ນດຽວກັນ ໂຄງການຮ່ວມມືລະຫວ່າງບັນດາປະເທດໃນ
ເຂດລຸ່ມແມ່ນ້ຳຂອງກັບສະຫະລັດເພື່ອຂະຫຍາຍການພົວພັນກັບ 5 ປະເທດໃນ
ເຂດລຸ່ມແມ່ນ້ຳຂອງ ຊຶ່ງເປັນຂົງເຂດ ທີ່ມີຄວາມສຳຄັນອັນໃຫຍ່ຫຼວງ ຕໍ່ຄວາມອຸ ດົມຮັ່ງມີ ແລະຄວາມເປັນເອກກະພາບຂອງອາຊ່ຽນ. ພວກເຮົາມີຄວາມພາກພູມ
ໃຈເຊັ່ນດຽວກັນເພື່ອສ້າງຄວາມກ້າວໜ້າໃຫ້ແກ່ຂໍ້ຕົກລົງສະຫະລັດ-ອາຊ່ຽນແລະ
ຖະແຫຼງການຂອງຜູ້ນຳ ກ່ຽວກັບການພັດທະນາມະນຸດ ແລະໃຫ້ການສະໜັບສະໜຸນດ້ວຍຂໍ້ລິເລີ້ມໃໝ່. ລັດຖະບານສະຫະລັດ ມີຄວາມຕັ້ງໃຈທີ່ຈະສະໜອງເງິນ 5 ລ້ານໂດລາ ຕໍ່ໂຄງການ ການສຶກສາໃໝ່ ສໍາລັບພວກຊາວໜຸ່ມ ຈາກເຂດເອ
ເຊຍຕາເວັນອອກສຽງໃຕ້ ແລະໂຄງການຟູລໄບຣທ໌ ມະຫາວິທະຍາໄລ ຫວຽດ ນາມ.”
ນັ້ນແມ່ນເພີ້ມເຕີມໃສ່ 13 ກວ່າລ້ານໂດລາ ທີ່ໄດ້ສະໜອງໃຫ້ໂຄງການຕ່າງໆທີ່
ຢູ່ພາຍໃຕ້ ພາຄີຫົວເມືອງສະຫຼາດ ສະຫະລັດ-ອາຊ່ຽນ ເພື່ອເສີມສ້າງປະສິດທິ ພາບໃນການຜະລິດ ແລະປັບປຸງຊີວິດການເປັນຢູ່ຂອງປະຊາຊົນ.
ໃນທີ່ສຸດ ສະຫະລັດໄດ້ອຸທິດຊັບພະຍາກອນໃໝ່ ເພື່ອຊ່ວຍບັນດາປະເທດ ໃນອາຊ່ຽນ ທີ່ພວມປະເຊີນໜ້າກັບການລະບາດຂອງໂຄວິດ-19 ເຊັ່ນດຽວກັນ ກັບການລະບາດໃນອະນາຄົດ.
“ລະບົບການປະສານງານສຸກເສີນທາງດ້ານສາທາລະນະສຸກຂອງອາຊ່ຽນ ຊຶ່ງໄດ້ຮັບທຶນສະໜັບສະໜຸນ 1 ລ້ານ 5 ແສນໂດລາ ຈາກກະຊວງການຕ່າງປະ
ເທດສະຫະລັດ ຈະເພີ້ມຄວາມສາມາດໃນການຕອບຮັບຂອງອາຊ່ຽນໃນຖານະ
ທີ່ເປັນຂົງເຂດພວມປະເຊີນໜ້າກັບວິກິດການດ້ານສາທາລະນະສຸກແລະແທ້ຈິງ
ແລ້ວ ເພື່ອຊ່ວຍປ້ອງກັນການລະບາດໃນຄັ້ງຕໍ່ໄປນຳດ້ວຍ. ພວກເຮົາໄດ້ສ້າງ
ຕັ້ງຕາໜ່າງສິດເກົ່າສາທາລະນະສຸກເພື່ອອະນາຄົດ ສຳລັບແບ່ງປັນປະສົບປະ
ການທີ່ດີ ໃນການຕໍ່ສູ້ແລະຮັບມືກັບພະຍາດໂຄວິດ ແລະກະຊວງສາທາລະນະ
ສຸກແລະບໍລິການມະນຸດຂອງພວກເຮົາ ກໍຢາກຈະສ້າງຕັ້ງສາຍພົວພັນຢ່າງເປັນ
ທາງການກັບພາກສ່ວນສາທາລະນະສຸກຂອງອາຊ່ຽນເຊັ່ນດຽວກັນ.”
ລັດຖະມົນຕີກະຊວງຕ່າງປະເທດພອມພຽວ ກ່າວວ່າ “ຂ້າພະເຈົ້າຮູ້ສຶກພາກພູມ
ໃຈກ່ຽວກັບວຽກງານຂອງອາເມຣິກາເພື່ອໃຫ້ການສະໜັບສະໜຸນເພື່ອນມິດຂອງ
ພວກເຮົາໃນເຂດອາຊ່ຽນ. ທ່ານສາມາດກາງຕໍ່ການດຳເນີນການຂອງພວກເຮົາຕໍ່
ໄປໄດ້.”