ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ສະຫະລັດ ພວມທຳການລົງໂທດຕໍ່ປະທານອົງການອຸດສາຫະກຳປ້ອງກັນປະເທດຂອງເທີກີ ຫຼື SSB ທີ່ໄດ້ຈັດຊື້ລະບົບລູກສອນໄຟ S-400 ທີ່ຍິງຈາກພື້ນພາກດິນ ຂຶ້ນສູ່ອາກາດ ຂອງບໍລິສັດ ໂຣໂຊບໍຣອນເນັກສປອດ (Rosobo-ronexport) ຊຶ່ງເປັນອົງການສົ່ງອອກອາວຸດ ທີ່ສຳຄັນຂອງຣັດເຊຍ. ການລົງ ໂທດດັ່ງກ່າວແມ່ນ ຮວມທັງການຫ້າມບໍ່ໃຫ້ອອກໃບອະນຸຍາດໃໝ່ໃດໆທັງໝົດໃນການສົ່ງອອກແລະການອະນຸມັດຕໍ່ SSB ການກັກຊັບສິນ ພ້ອມທັງການຈຳ
ກັດໃນການອອກວີຊາແກ່ ດຣ. ອິສແມລ ດີເມຍ (Ismail Demir) ປະທານ
ອົງການອຸດສາຫະກຳປ້ອງກັນປະເທດຂອງເທີກີແລະເຈົ້າໜ້າທີ່ຂອງບໍລິສັດດັ່ງ
ກ່າວອີກ 3 ຄົນ.
ການລົງໂທດເຫຼົ່ານີ້ບໍ່ໄດ້ມີຄວາມຕັ້ງໃຈທີ່ຈະບ່ອນທຳລາຍຕໍ່ຄວາມສາມາດທາງ
ດ້ານທະຫານ ຫຼືຄວາມພ້ອມໃນການສູ້ລົບຂອງເທີກີຫຼືພັນທະມິດຫຼືວ່າພາຄີໃດໆ
ຂອງສະຫະລັດ. ແຕ່ແທນທີ່ຈະເປັນຈັ່ງຊັ້ນ ການລົງໂທດດັ່ງກ່າວ ແມ່ນແນໃສ່
ເພື່ອສ້າງຄວາມເສຍຫາຍໃຫ້ແກ່ຣັດເຊຍ ເພື່ອເປັນການຕອບໂຕ້ຕໍ່ກິດຈະກຳທີ່
ມຸ່ງຮ້າຍຕ່າງໆໃນຂອບເຂດທີ່ກວ້າງຂອງປະເທດດັ່ງກ່າວ.
ສະຫະລັດໄດ້ສະແດງໃຫ້ເຫັນຢ່າງຈະແຈ້ງຕໍ່ເທີກີວ່າ ການຊື້ລະບົບລູກສອນໄຟ
S-400 ຂອງຣັດເຊຍ ຈະເປັນໄພອັນຕະລາຍໃນດ້ານຄວາມໝັ້ນຄົງຕໍ່ເທັກໂນໂລຈີ ແລະພະນັກງານດ້ານການທະຫານຂອງສະຫະລັດ ແລະໃຫ້ທຶນເປັນຈຳ
ນວນຫຼວງຫຼາຍຕໍ່ພາກສ່ວນດ້ານປ້ອງກັນປະເທດຂອງຣັດເຊຍຕະຫຼອດທັງຊ່ອງ
ທາງການເຂົ້າເຖິງກອງທັບແລະອຸດສາຫະກຳປ້ອງກັນປະເທດຂອງເທີກີ ໂດຍ
ຣັດເຊຍ. ແຕ່ເທີກີຍັງດຳເນີນການຕໍ່ໄປໃນການຊື້ແລະທົດລອງລະບົບລູກສອນໄຟ S-400 ທັງໆທີ່ອົງການເນໂຕ້ ກໍມີລະບົບປ້ອງກັນລູກສອນໄຟ ເພື່ອສະ ໜອງຄວາມຕ້ອງການໃນດ້ານປ້ອງກັນປະເທດຂອງເທີກີຢູ່ແລ້ວ. ການຕັດສິນໃຈດັ່ງກ່າວໄດ້ຍັງຜົນໃຫ້ເທີກີຖືກໂຈະ ແລະລໍຖ້າການຖືກລຶບຊື່ອອກຈາກພາຄີສ້າງເຮືອບິນລົບໂຈມຕີ F-35 ຂອງໂລກ.
ການລົງໂທດທີ່ວ່ານີ້ ໄດ້ສົ່ງສັນຍານອັນຈະແຈ້ງໃຫ້ເຫັນວ່າ ສະຫະລັດຈະບໍ່ຍອມຜ່ອນຜັນໃຫ້ມີການເຮັດທຸລະກິດທີ່ສຳຄັນໃດໆກັບພາກສ່ວນປ້ອງກັນປະ
ເທດແລະສືບລັບຂອງຣັດເຊຍ.
ໃນຖະແຫຼງການທີ່ເປັນລາຍລັກອັກສອນສະບັບນຶ່ງນັ້ນ ລັດຖະມົນຕີການຕ່າງ
ປະເທດສະຫະລັດທ່ານໄມຄ໌ ພອມພຽວ ໄດ້ຮຽກຮ້ອງໃຫ້ເທີກີ “ແກ້ໄຂບັນຫາ
ລະບົບລູກສອນໄຟ S-400 ໃນທັນທີ ໃນການປະສານງານ ກັບ ສະຫະລັດ.
ເທີກີແມ່ນຖືວ່າ ເປັນປະເທດພັນທະມິດທີ່ມີຄຸນຄ່າ ແລະມີຄວາມສຳຄັນຕໍ່ການ
ເປັນພາຄີຄວາມໝັ້ນຄົງ ຢູ່ໃນຂົງເຂດ ສຳລັບສະຫະລັດ ແລະພວກເຮົາພວມຊອກຫາຊ່ອງທາງຈະສືບຕໍ່ ປະຫວັດສາດເປັນເວລາຫຼາຍທົດສະວັດຂອງພວກ
ເຮົາໃນການຮ່ວມມືທີ່ໃຫ້ດອກອອກຜົນທາງດ້ານປ້ອງກັນປະເທດ ໂດຍກຳຈັດ
ບັນຫາໃນການຄອບຄອງລະບົບລູກສອນໄຟ S-400 ຂອງເທີກີ ໂດຍໄວເທົ່າ
ທີ່ຈະໄວໄດ້.”