ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ໃນຕອນເຊົ້າຂອງວັນທີ 24 ກຸມພາຜ່ານມານີ້ ຣັດເຊຍໄດ້ເລີ້ມການບຸກໂຈມຕີຂະໜາດໃຫຍ່ທີ່ຮ້າຍແຮງຕໍ່ຢູເຄຣນ ຊຶ່ງເປັນປະເທດເພື່ອນບ້ານທີ່ມີຂະໜາດນ້ອຍກວ່າຂອງຕົນ. ປະທານາທິບໍດີສະຫະລັດທ່ານໂຈ ໄບເດັນ ກ່າວວ່າ “ກອງທັບຣັດເຊຍໄດ້ເລີ້ມບຸກໂຈມຕີ ຢ່າງໂຫດຮ້າຍປ່າເຖື່ອນຕໍ່ປະຊາຊົນຊາວ ຢູເຄຣນໂດຍປາສະຈາກການທ້າທາຍເກາະຜິດ ປາສະຈາກເຫດຜົນສະໜັບສະໜຸນ ປາສະຈາກຄວາມຈຳເປັນ. ນີ້ແມ່ນການໂຈມຕີທີ່ຕັ້ງໃຈໄວ້ລ່ວງໜ້າແລ້ວ.”
“ປູຕິນແມ່ນຜູ້ຮຸກຮານ. ປູຕິນແມ່ນຜູ້ເລືອກເຮັດສົງຄາມນີ້ ແລະເວລານີ້ລາວເອງແລະປະເທດຂອງລາວຈະຮັບຜົນທີ່ຕິດຕາມມາ. ມື້ນີ້ ຂ້າພະເຈົ້າໄດ້ໃຫ້ການອະນຸມັດໃນການລົງໂທດຢ່າງແຮງຕື່ມ ແລະມາດຕະການຈຳກັດຮັດແຄບໃໝ່ ຕໍ່ອັນທີ່ສາມາດສົ່ງອອກໄປຍັງຣັດເຊຍ. ນີ້ຈະເປັນການສ້າງຄວາມເສຍຫາຍຢ່າງໜັກຕໍ່ເສດຖະກິດຂອງຣັດເຊຍ ທັງໃນທັນທີແລະໃນໄລຍະຍາວ. ພວກເຮົາໄດ້ອອກ ແບບ ໂດຍເຈດຕະນາ ແນການລົງໂທດເຫຼົ່ານີ້ ໃຫ້ສ້າງຜົນກະທົບໜັກທີ່ສຸດໃນໄລຍະຍາວຕໍ່ຣັດເຊຍ ແລະມີຜົນກະທົບໜ້ອຍທີ່ສຸດຕໍ່ສະຫະລັດແລະພັນທະມິດຂອງພວກເຮົາ.”
ສະຫະລັດ ພ້ອມດ້ວຍພັນທະມິດຫຼາຍໆປະເທດ ແລະພາຄີ ໄດ້ທຳການລົງໂທດຢ່າງເຕັມອັດຕາ ປິດກັ້ນສະຖາບັນການເງິນທີ່ໃຫຍ່ສຸດ 10 ສະຖາບັນຂອງຣັດເຊຍ ຊຶ່ງຮວມກັນແລ້ວ ແມ່ນມີຊັບສິນເກືອບ 80 ເປີເຊັນຂອງພາກສ່ວນທະນາຄານຣັດເຊຍ.
“ພວກເຮົາຈະຈຳກັດຄວາມສາມາດໃນການເຮັດທຸລະກິດຂອງຣັດເຊຍ ດ້ວຍເງິນໂດລາ ເງິນຢູໂຣ ເງິນປອນ ແລະເງິນເຢນ ອັນເປັນສ່ວນນຶ່ງ ຂອງເສດຖະກິດໂລກ. ພວກເຮົາຈະຈຳກັດ ຄວາມສາມາດຂອງພວກເຂົາ ໃນການເຮັດສິ່ງນັ້ນ. ພວກເຮົາຂັດຂວາງ ຕໍ່ຄວາມສາມາດໃນການໃຫ້ເງິນສະໜັບສະໜຸນ ແລະການເຕີບໂຕຂອງກອງທັບຣັດເຊຍ. ພວກເຮົາຈະເຮັດໃຫ້ຄວາມສາມາດໃນການແຂ່ງຂັນດ້ານເສດຖະກິດຮາຍເທັກ ຂອງສັດຕະວັດທີ 21 ອ່ອນແອລົງ ຊຶ່ງຜົນກະທົບທີ່ແຮງສຸດຈຳນວນນຶ່ງ ໃນການລົງໂທດຂອງພວກເຮົາ ຈະມີຂຶ້ນ ໂດຍໃຊ້ເວລາ ໃນຂະນະທີ່ພວກເຮົາສະກັດກັ້ນບໍ່ໃຫ້ຣັດເຊຍເຂົ້າເຖິງການເງິນແລະເທັກໂນໂລຈີສຳລັບພາກສ່ວນດ້ານຍຸດທະສາດ ແລະສ້າງຄວາມເສຍຫາຍໃຫ້ແກ່ຄວາມສາມາດທາງດ້ານອຸດສາຫະກຳ ສຳລັບຫຼາຍໆປີຕໍ່ໜ້າ. ລະຫວ່າງການເອົາບາດກ້າວຂອງພວກເຮົາ ຂອງປະເທດພັນທະມິດແລະພາຄີຂອງພວກເຮົານັ້ນ ພວກເຮົາກະປະມານວ່າ ຈະຕັດການນຳເຂົ້າດ້ານຮາຍເທັກຂອງຣັດເຊຍ ລົງເຫຼືອພຽງ
ແຕ່ເຄິ່ງນຶ່ງ.”
ປະທານາທິບໍດີໄບເດັນ ກ່າວຕື່ມວ່າ “ມັນຈະສ້າງຄວາມເສຍຫາຍໃຫ້ແກ່ຄວາມສາມາດຂອງພວກເຂົາໃນການສືບຕໍ່ປັບປຸງກອງທັບໃຫ້ທັນສະໄໝ. ມັນຈະສ້າງຄວາມເຊື່ອມເສຍໃຫ້ແກ່ອຸດສາຫະກຳປ້ອງກັນປະເທດ ອະວະກາດແລະການເດີນເຮືອທາງທະເລຂອງພວກເຂົາ ແລະມັນຈະມີຜົນກະທົບຢ່າງໜັກຕໍ່ຍຸດທະສາດໄລຍະຍາວໃນຄວາມມັກໃຫຍ່ໄຝ່ສູງຂອງປູຕິນ.”
“ທາງເລືອກຂອງປູຕິນທີ່ເຮັດສົງຄາມແບບບໍ່ມີເຫດຜົນຢ່າງສິ້ນເຊີງຕໍ່ຢູເຄຣນຈະເຮັດໃຫ້ຣັດເຊຍອ່ອນແອລົງ ແລະໂລກແຂງແຮງກວ່າເກົ່າ” ນັ້ນຄືຄຳເວົ້າຂອງປະທານາທິບໍດີໄບເດັນ. “ສິດເສລີພາບ ປະຊາທິປະໄຕ ກຽດສັກສີຂອງມະນຸດສິ່ງເຫຼົ່ານີ້ແມ່ນກຳລັງທີ່ເຂັ້ມແຂງກວ່າຄວາມຢ້ານກົວ ແລະການກົດຂີ່. ມັນບໍ່ສາ
ມາດທີ່ຈະດັບມອດ ໂດຍຈອມຜະເດັດການ ເຊັ່ນປູຕິນ ແລະກອງທັບຂອງລາວ. ມັນບໍ່ສາມາດທີ່ຈະລຶບລ້າງອອກໄປຈາກຈິດໃຈຂອງປະຊາຊົນ ແລະຄວາມຫວັງໂດຍປະລິມານໃນການກໍ່ຄວາມຮຸນແຮງ ແລະການຂົ່ມຂູ່. ມັນຈະຄົງທົນຢູ່ທີ່ນັ້ນຕະຫຼອດໄປ.”