Silahlı münaqişə bölgələrində uşaqların oğurlanması və zorla deportasiyası qlobal problemdir. Bu qəddar əməllər dünyanın bütün bölgələrində, o cümlədən Nigeriya, Yəmən, Kolumbiya və Ukraynada baş verir.
ABŞ-ın Xüsusi Siyasi Məsələlər üzrə Alternativ Nümayəndəsi, səfir Robert Vud bu məsələ ilə bağlı BMT Təhlükəsizlik Şurasının Arria-Formula iclasında çıxış edib.
"Bu hərəkətlərin təsiri dağıdıcı və uzunmüddətlidir. Bu, uşaqları uşaqlıqdan, təhsildən və sağlam sosial inkişafdan məhrum edir," o bildirib.
Səfir Vud deyib ki, oğurlanmış uşaqların təhlükəsiz azad edilməsini və qaytarılmasını təmin edəcək tədbirlər, o cümlədən uşaqların müdafiəsini prioritetləşdirən hüquqi çərçivələr və uşaqları oğurlayan və ya zorla çıxaran şəxslər üçün məsuliyyət tədbirləri görülməlidir.
Səfir Vud qeyd edib ki, uşaqlara qarşı bu insan hüquqları pozuntuları həm qeyri-dövlət, həm də dövlət subyektləri tərəfindən törədilir. Biz dövlət aktyorlarının rolunu tanımalıyıq və onların hərəkətlərinə görə cavab verməsini təmin etməliyik.
Rusiyanın Ukraynaya işğalı zamanı ukraynalı uşaqları oğurlaması dövlət aktyorunun zorakılığının dəhşətli nümunəsi kimi diqqəti çəkir.
"Rusiya qüvvələri minlərlə ukraynalı uşağı Ukraynanın Rusiya tərəfindən işğal olunmuş ərazilərindən qanunsuz olaraq Rusiya Federasiyasına deportasiya edib. Son hesabatlar Rusiya hökumətinin bu uşaqlarla onların Ukraynadakı qohumları arasında əlaqəni kəsmək, uşaqların Ukraynaya qayıtmasının qarşısını almaq və onlara "yenidən təhsil vermək" səylərini sənədləşdirir. Bununla da Rusiya Federasiyası Ukraynanın gələcəyini əlindən almağa çalışır,” səfir Vud qeyd edib.
"Rusiya Ukrayna hökumətinə oğurlanmış ukraynalı uşaqların sayı və ya harada olması barədə məlumat verməkdən imtina edib. Ukraynalı uşaqlarına qarşı bu zorakılıqlar Rusiya hökumətinin bütün səviyyələrində qəbul edilmiş qərarların və görülən tədbirlərin nəticəsidir. Köçürülən uşaqlar ailələrin birləşdirilməsi səylərini dəstəkləmək üçün Ukrayna hökumətinə təqdim edilməlidir," Vud bildirib.
O, beynəlxalq ictimaiyyətin bütün dünyada oğurlanmış və zorla deportasiya edilmiş uşaqların insan hüquqlarının dəhşətli pozulması ilə bağlı konkret addımlar atılması, o cümlədən təsirə məruz qalmış icmalara dəstək, təhsilə çıxışın təşviqi və müvafiq hesabatlılığın gücləndirilməsi yolu ilə mexanizmlərin işə salınmalı olduğunu vurğulayıb.
"Biz silahlı münaqişələr zamanı uşaqların oğurlanması və deportasiyasına son qoymaq üçün təcili və kollektiv şəkildə hərəkət etməliyik. Biz bu uşaqlara onların müdafiəsini təşviq, onların təhlükəsizliyini və rifahını təmin etmək və qəddar rəftara məruz qalmalarının qarşısını almağa borcluyuq."