Tani waa Faallo ka turjumeysa aragtida dowladda Mareykanka.
"Marka aan sii wadno," ayey tiri Ambassador Thomas-Greenfield. “Aan wada haqayno. Oo aan samayno wax kasta oo awoodeena ah si aan u horumarino nabad buuxda, cadaalad ah, oo waarta oo dhex marta Israa’iiliyiinta iyo Falastiiniyiinta.” "Ujeedka dhabta ah waa kan: Israa'iiliyiinta iyo Falastiiniyiintu waxay si isku mid ah u mudan yihiin ammaan, barwaaqo, iyo xorriyad.
"Waxaan cambaareyneynaa gantaallada si taxadar la'aanta ah ay xagjiriintu ugu soo rideen Daanta Galbeed – taasoo ah dhacdo aad u dhib badan. Waxayna si adag u cambaarayneynaa weerarradii argagixisanimo ee ay dadka deggan Burqa ku qaadeen Agoosto 4-teedii oo ay ku dileen 19 jir Falastiini ah.
Waxaan ogsoonahay in Israa’iil ay samaysay dhawr xarig, waxaanan filaynaa in isla xisaabtanka iyo caddaaladda lagu dabagalo si firfircooni leh dhammaan kiisaska xagjirnimada rabshadaha wata, haddii dembiilayaasha ay yihiin mintidiin Falastiiniyiin ah, ama Israa’iil xag-jir ah.
"Waxaan ku boorinaynaa dhammaan dhinacyada inay qaadaan tillaabooyin firfircoon si ay uga hortagaan dhammaan noocyada rabshadaha iyo hurinta rabshadaha, oo ay ka fogaadaan falalka hurinaya xiisadaha oo ay ku jiraan hawlaha dejinta, ka rarista qasabka ah, burburinta guryaha Falastiiniyiinta, argagixisada, kicinta. rabshadaha, iyo lacagaha la siiyo qoysaska argagixisada."
21-kii Agoosto, saacado yar ka hor inta aysan Golaha Ammaanka ee Qaramada Midoobay qabanin warbixin ku saabsan xaaladda Bariga Dhexe, haweeney Israa'iili ah ayaa lagu toogtay Daanta Galbeed – taasina waxay aheyd tusaale cad oo ku saabsan rabshadaha ku dhawaad maalinlaha ah ee ka dhacaya halkaas. Tirada Israa’iiliyiinta iyo Falastiiniyiinta ee lagu dilay weerarrada sannadkan ayaa kor u dhaafay dhammaan sannadkii hore, waana tiradii ugu badnayd tan iyo sannadkii 2005-tii.
Danjire Thomas-Greenfield ayaa ku boorisay dhinacyada in ay qaadaantillaabooyin degdeg ah oo lagu dejinayo xaaladdana lagu soo celinayo xasiloonida. Waxay ugu baaqday ciidamada ammaanka ee Israa'iil iyo Falastiin inay kordhiyaan iskaashigooda si loo hagaajiyo xaaladda ammaan ee Daanta Galbeed.
Hadalkeeda Golaha Ammaanka, Safiirka Maraykanka ee Qaramada Midoobay Linda Thomas-Greenfield waxay si adag u cambaaraysay weerarrada argagixisada Falastiiniyiinta ee ka dhanka ah Israa’iiliyiinta, oo ay ku jiraan dilkii 21-kii Agoosto ee haweeneyda lagu dilay meel u dhow Hebron, iyo sidoo kale weerarradii horraantii Agoosto ee lagu dilay aabbe iyo wiil meel ka yara baxsan Huwara iyo sarkaal booliis Israa'iil ah oo jooga Tel Aviv.
Maraykanka, ayay ku nuuxnuuxsatay, inuu sii wadayo taageerada uu siinayo xal laba dawladood ah oo loo helo Falastiiniyiinta iyo Israa’iiliyiinta, isla markaana ay diyaar u yihiin inay taageeraan dhammaan dadaallada lagu soo dhawaynayo arrinkaas.