"Dadka Haiti oo dhan waxay u qeylinayaan gargaar. Waxayna beesha caalamka ka codsanayaan inay sare u qaadaan,” ayay tiri safiirka Maraykanka ee Qaramada Midoobay Linda Thomas-Greenfield.
2-dii bishan Oktoober, Golaha Ammaanka ee Qaramada Midoobay ayaa ka jawaabay baaqaas isagoo ansixiyay qaraar taariikhi ah - oo ay si wadajir ah u qoreen Mareykanka iyo Ecuador - si loogu oggolaado howlgalka taageerada amniga caalamiga ah ee Haiti.
Hawlgalkan waxa uu ku yimi codsi ka yimid dawladda Haiti iyo bulshada rayidka ah ee Haiti si wax looga qabto amni-darrada iyo dhibaatooyinka bini’aadantinimo ee ba’an ee waddanku soo food saaray muddada dheer, ayuu yidhi Ambassador Jeffrey DeLaurentis, oo ah ku-simaha ku-xigeenka wakiilka Maraykanka ee Qaramada Midoobay.
"Diritaanka Hawlgalkan wuxuu gacan ka geysan doonaa taageeridda baahida muhiimka ah ee Haiti, baahiyaha mustaqbalka dhow iyo in la kobciyo xaaladaha amniga ee lagama maarmaanka u ah dalka si loo horumariyo xasilloonida muddada dheer," ayuu yiri. "Muhiimad ahaan, qaraarkani waxa uu aqoonsanayaa baahida loo qabo in casharro laga barto hawlgaladii hore, wuxuuna ku baaqayaa ilaalin si kor loogu qaado ixtiraamka xuquuqda aadanaha iyo isla xisaabtanka." ayuu raaciyay.
Qaraarka ayaa si cad u qeexaya in howlgalka Taageerada Amniga Caalamiga ah uu ku shaqeyn doono si adag oo waafaqsan sharciga caalamiga ah, waxaana ku jira khibrad gaar ah oo ku aaddan howlgallada ka hortagga gaangiska, booliska ku jihaysan bulshada, ilaalinta carruurta iyo haweenka, iyo ka hortagga iyo ka jawaabista xadgudubyada galmada iyo jinsiga ku saleysan.
Danjire Thomas-Greenfield ayaa uga mahadceliyey Kenya sida ay u dardar gelisay hoggaaminta howlgalkan, iyo dalal ay ka mid yihiin Jamaica, Bahamas, Antigua iyo Barbuda oo si cad u ballanqaaday howlwadeennada howlgalka. Mareykanka waxaa ka go'an inuu taageero u fidiyo ciidamadan caalamiga ah. "Waxaan dooneynaa inaan la shaqeyno Congress-ka si aan u bixinno $ 100 milyan oo taageero ah," ayay tiri Ambassador Thomas-Greenfield. Waxayna wasaaradda gaashaandhiggu diyaar u tahay inay caawimo bixiso, sidoo kale. Maraykanku waxa uu ugu baaqayaa beesha caalamka inteeda kale inay ku soo biiraan taageerada hawlgalkan Haiti.
"Haddii aan si degdeg ah wax uga qabanno," ayay tiri danjire Thomas-Greenfield, "hawlgalku wuxuu ku diri karaa bilo gudahood." Ma jiro waqti aad lumiso. Sida uu madaxweyne Joe Biden u sheegay golaha loo dhan yahay ee Qaramada Midoobay bishii hore, "dadka Haiti ma sugi karaan wax ka badan."
"Dadka Haiti, fariintaydu waa tan," ayay tiri Ambassador Thomas-Greenfield: "Sii wad inaad u istaagto mid adag oo dheer. Caawimo iyo rajo ayaa jidka ku soo jira.”
Tani waxay aheyd faallo ka turjumeysa aragtida dowlada Mareykanka.