ໃນລະຫວ່າງກອງປະຊຸມລະດັບລັດຖະມົນຕີການຕ່າງປະເທດຂອງບັນດາປະເທດທີ່ນຳໜ້າໃນດ້ານອຸດສາຫະກຳ ລະບອບປະຊາທິປະໄຕຂອງໂລກ ເມື່ອມໍ່ໆມານີ້ ຢູ່ໃນນະຄອນຫຼວງໂຕກຽວ ທີ່ຮູ້ຈັກກັນຄື ກຸ່ມ G7, ການປຶກສາຫາລືກັນ ໄດ້ສຸມໃສ່ເລື້ອງຂອງວິກິດການຕ່າງໆລະຫວ່າງປະເທດໃນປັດຈຸບັນ ແລະຄວາມຈຳເປັນສຳລັບການຮັບມືຢ່າງເປັນເອກະພາບ.
ການປຶກສາຫາລືກັນ ໄດ້ຮັບໝາກຜົນ ທ່ານລັດຖະມົນຕີການຕ່າງປະເທດ ສະຫະລັດ ແອນໂທນີ ບລິງເກັນ ໄດ້ກ່າວ.
ຊຶ່ງທ່ານເວົ້າວ່າ “ກຸ່ມ G7 ໄດ້ເສີມຂະຫຍາຍບົດບາດຂອງຕົນ ໃນຖານະເປັນ ຄະນະກຳມະການຫົວລ້ຽວຫົວເພື່ອສ້າງຄວາມກ້າວໜ້າໃຫ້ລະບອບປະຊາທິປະ ໄຕຂອງໂລກ, ສະແດງໃຫ້ເຫັນເຖິງຄວາມສາມັກຄີຂອງມຸ້ງໝັ້ນແບບບໍ່ເຄີຍມີມາກ່ອນ, ແລະການເອົາມາດຕະການທີ່ເປັນເອກະພາບຕໍ່ບັນຫາຕ່າງໆທີ່ກຳລັງເປັນຕົວແປໃນສັດຕະວັດທີ 21 ນີ້.”
ອັນທຳອິດ ແມ່ນວິກິດການຢູ່ໃນເຂດຕາເວັນອອກກາງ ຊຶ່ງທ່ານ
ບລິງເກັນ ກ່າວວ່າ “ບັນດາລັດຖະມົນຕີກຸ່ມ G7 ໄດ້ເນັ້ນຢໍ້າເຖິງການສະໜັບສະໜຸນຢ່າງແຂງຂັນຂອງພວກເຮົາ ສຳລັບສິດທິແລະພັນທະຂອງອິສຣາແອລ ເພື່ອປ້ອງກັນຕົນເອງ ແລະຫາທາງທີ່ຈະຮັບປະກັນວ່າ ການໂຈມຕີ ໃນວັນທີ 7 ຕຸລາ ສາມາດເກີດຂຶ້ນໄດ້ອີກຢ່າງເດັດຂາດ, ອີງຕາມກົດໝາຍດ້ານມະນຸດສະທຳຂອງສາກົນ.”
ບັນດາລັດຖະມົນຕີ ຍັງໄດ້ຕົກລົງເຫັນດີ, ທ່ານລັດຖະມົນຕີ ບລິງເກັນ ກ່າວ, ທີ່ວ່າ ໃຫ້ໂຈະເພື່ອດ້ານມະນຸດສະທຳ ທີ່ຈະຊ່ອຍ “ຕໍ່ການປົກປ້ອງພົນລະເຮືອນຊາວປາແລັສໄຕນ໌, ເພີ້ມການລັ່ງໄຫລຂອງການຊ່ອຍເຫຼືອດ້ານມະນຸດສະທຳຢ່າງຕໍ່ເນື່ອງ, ຕໍ່ການອະນຸຍາດໃຫ້ພົນລະເມືອງຂອງພວກເຮົາ ແລະຊາວຕ່າງຊາດ ອອກມາໄດ້, ແລະ ຕໍ່ການອຳນວຍຄວາມສະດວກໃນການປ່ອຍພວກໂຕປະກັນ.”
ທ່ານບລິງເກັນເວົ້າວ່າ “ໃນທີ່ສຸດ ມີພຽງທາງດຽວທີ່ຈະຮັບປະກັນວ່າ ວິກິດການນີ້ ບໍ່ເກີດຂຶ້ນໄດ້ອີກຢ່າງເດັດຂາດ ແມ່ນໃຫ້ເລີ້ມຕົ້ນກຳນົດເງື່ອນໄຂຕ່າງໆ ສຳ ລັບສັນຕິພາບທີ່ຍືນຍົງ ແລະ ໝັ້ນຄົງ....ສິ່ງທັງຫຼາຍເຫຼົ່ານີ້ ຕ້ອງລວມທັງສຽງແລະຄວາມມຸ້ງໝັ້ນຂອງປະຊາຊົນຊາວປາແລັສໄຕນ໌ ຢູ່ໃນຈຸດສູນການຂອງການປົກຄອງຫຼັງວິກິດການ ຢູ່ໃນເຂດກາຊາ.”
ຈຸດເພັ່ງເລັງທີ່ສຳຄັນອີກອັນນຶ່ງ ຂອງກອງປະຊຸມດັ່ງກ່າວ ແມ່ນການສະໜັບສະໜຸນທີ່ຍືນຍົງສຳລັບຢູເຄຣນ ຂອງກຸ່ມ G7.
ຊຶ່ງທ່ານບລິງເກັນເວົ້າວ່າ “ກຸ່ມ G7 ໄດ້ນຳໜ້າໂລກໃນການກະຕຸ້ນ ແລະຊຸກຍູ້ໃຫ້ເອົາມາດຕະການສະໜັບສະໜຸນ. ແລະຂະນະທີ່ພວກເຮົາກ່າວຕໍ່ລັດຖະມົນຕີການຕາງປະເທດຂອງຢູເຄຣ ຄູເລບາ ໃນມື້ນີ້ ຢູເຄຣນ ສາມາດເພິ່ງພາພວກເຮົາໄດ້.”
ທ່ານລັດຖະມົນຕີ ບລິງເກັນ ໄດ້ໃຫ້ຂໍ້ສັງເກດວ່າ ບັນດາລັດຖະມົນຕີກຸ່ມ G7 ຍັງໄດ້ປຶກສາຫາລື ເລື້ອງເຂດອິນໂດ-ປາຊີຟິກ ແລະບາດກ້າວຕ່າງໆ ທີ່ພວກເພິ່ນກຳລັງຈະເອົາຮ່ວມກັນ ເພື່ອຮັບມືກັບຄວາມທ້າທາຍທັງຫຼາຍຕໍ່ວິໄສທັດທີ່ມີຮ່ວມກັນ ຂອງຄວາມເສລີ, ການເປີດກວ້າງ ແລະຄວາມຈະເລີນຮຸ່ງເຮືອງໃນພາກພື້ນດັ່ງກ່າວ. ຄວາມທ້າທາຍທັງຫຼາຍເຫຼົ່ານັ້ນ ລວມມີ ການກະທຳຕ່າງໆຂອງ ສປ ຈີນ ຢູ່ໃນທະເລຈີນໃຕ້ ແລະທະຈີນຕາເວັນອອກ ແລະຄວາມພະ ຍາຍາມບີບບັງຄັບໃຫ້ປ່ຽນສະຖານະທີ່ເປັນຈິງໃນປັດຈຸບັນຕໍ່ໄຕ້ຫວັນ. ການປຶກສາຫາລື ຍັງເພັ່ງເລັງໃສ່ເລື້ອງການປະຕິບັດແບບເກາະຜິດ ແລະການຍິງລູກສອນໄຟ ຂອງ ສປປ ເກົາຫຼີ ແລະການຮ່ວມມືທາງດ້ານທະຫານທີ່ອັນຕະລາຍລະຫວ່າງ ສປປ ເກົາຫຼີ ແລະຣັດເຊຍ.
“ຢູ່ໃນຊ່ວງທີ່ເປັນຈຸດຫັນປ່ຽນນີ້ ໃນການສູ້ຊົນຂອງການປົກປ້ອງຄວາມເປັນລະບຽບລະຫວ່າງປະເທດ, ພວກເຮົາກຳລັງຢືນຢູ່ຄຽງກັນຢ່າງເຂັ້ມແຂງສຳລັບວິໄຊທັດຂອງພວກເຮົາໃນຄວາມເສລີທີ່ຫຼາຍຂຶ້ນຕື່ມ, ປອດໄພ, ເປີດກວ້າງ, ແລະໂລກທີ່ຈະເລີນຮຸ່ງເຮືອງ” ທ່ານລັດຖະມົນຕີ ບລິງເກັນ ໄດ້ປະກາດ.
ທ່ານກ່າວຕໍ່ໄປວ່າ “ແລະພວກເຮົາບໍ່ໄດ້ຢືນຢູ່ພຽງລຳພັງ. ພວກເຮົາໄດ້ສ້າງກຸ່ມພັນທະມິດທີ່ພິເສດ ໂດຍມີບັນດາພັນທະມິດ ແລະບັນດາຄູ່ພາຄີ ຜູ້ທີ່ໄດ້ແບງຫາບພາລະສ່ວນຂອງພວກເຂົາເຈົ້າເອງ. ແລະພວກເຮົາອອກໄປຈາກກອງປະຊຸມ ກຸ່ມ G7 ນີ້ ແຂ່ງແກ່ນຂຶ້ນກວ່າເກົ່າ ແລະມີຄວາມສາມັກຄີຫຼາຍຂຶ້ນໃນການແກ້ໄຂຄວາມທ້າທາຍທັງຫຼາຍຂອງມື້ນີ້.”