ບົດບັນນາທິການ: ຄວາມສຳພັນລະຫວ່າງສະຫະລັດ ກັບອິນເດຍ ພວມຈະເລີນເຕີບໂຕ
ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ປະທານາທິບໍດີໂຈ ໄບເດັນ ເອີ້ນຄວາມສຳພັນຂອງສະຫະລັດກັບອິນເດຍວ່າ “ເປັນຄວາມສຳພັນທີ່ຫຼໍ່ແຫຼມສຳຄັນ” ຂອງສັດຕະວັດທີ 21.
“ຖະໜົນທີ່ພວກເຮົາໄດ້ເດີນທາງ ໃນໄລຍະ 25 ປີຜ່ານມານີ້ ແມ່ນມີລັກສະນະທີ່ຂ້ອນຂ້າງພິເສດ ລັດຖະມົນຕີກະຊວງຕ່າງປະເທດສະຫະລັດ" ທ່ານແອນໂທນີ ບລິງເກັນ ໄດ້ປະກາດ ທີ່ກອງປະຊຸມສຸດຍອດ ກ່ຽວກັບຄວາມຄິດອິນເດຍຂອງສະພາທຸລະກິດສະຫະລັດແລະອິນເດຍ.
“ພຽງແຕ່ນຳມາວາງໄວ້ ພວກເຮົາເຫັນວ່າ ຄວາມສຳພັນທີ່ສຳຄັນນີ້ ແມ່ນມີລັກສະນະພິເສດ ທີ່ເຊື່ອມໂຍງ ລະຫວ່າງປະເທດປະຊາທິປະໄຕ ທີ່ເກົ່າແກ່ທີ່ສຸດແລະໃຫຍ່ທີ່ສຸດໃນໂລກ ໂດຍມີພັນທະອັນພິເສດໃນເວລານີ້ ເພື່ອສະແດງໃຫ້ເຫັນວ່າ ລັດຖະບານຂອງພວກເຮົາສາມາດນຳມາ ແລະໃຫ້ສິດອຳນາດແກ່ປະຊາຊົນຂອງພວກເຮົາທຸກໆຄົນ.”
ພວກເຮົາມອງເຫັນຄວາມສຳຄັນໃນການເປັນພາຄີຂອງການມີພັນທະຮ່ວມກັນ ເພື່ອແກ້ໄຂບັນຫາທ້າທາຍຢູ່ໃນພູມີພາກແລະໃນໂລກ” ລັດຖະມົນຕີບລິງເກັນ ກ່າວ. ແຕ່ໃນຈຸດ “ໃຈກາງຂອງຄວາມສຳພັນຍຸດທະສາດ ລະຫວ່າງປະເທດຂອງພວກເຮົາທັງສອງ ແມ່ນຄວາມສຳພັນ ທາງດ້ານເສດຖະກິດ.”
“ໃນປີກາຍນີ້ ດັ່ງທີ່ທ່ານຮູ້ ການຄ້າລະຫວ່າງປະເທດຂອງພວກເຮົາທັງສອງໄດ້ບັນລຸຈຸດສູງສຸດເປັນປະຫວັດການ 191 ຕື້ໂດລາ ເຮັດໃຫ້ສະຫະລັດກາຍເປັນຄູ່ການຄ້າທີ່ໃຫຍ່ທີ່ສຸດຂອງອິນເດຍ. ເວລານີ້ບັນດາບໍລິສັດຂອງອາເມຣິກັນໄດ້ລົງທຶນບໍ່ຕ່ຳກວ່າ 54 ຕື້ໂດລາຢູ່ໃນອິນເດຍ ນັບແຕ່ດ້ານການຜະລິດ ຕະຫຼອດຈົນດ້ານສື່ສານຄົມມະນາຄົມ. ຢູ່ໃນສະຫະລັດ ບັນດາບໍລິສັດຂອງອິນເດຍກໍໄດ້ລົງທຶນ 40 ຕື້ໂດລາໃນດ້ານໄອທີ ດ້ານເພຊັດສະກຳ ແລະອື່ນໆອີກ ເພື່ອສະໜັບສະໜຸນວຽກເຮັດງານທຳ 425,000 ໜ້າວຽກ ແຕ່ລັດຄາລີຟໍເນຍໄປຫາຈໍເຈຍ.”
ນອກນັ້ນ ອິນເດຍຍັງໄດ້ເຂົ້າຮ່ວມສາມຫຼັກການຂອງຂອບເສດຖະກິດອິນໂດປາຊີຟິກ ຄືໃຫ້ຄວາມໝັ້ນໝາຍເພື່ອເສີມສ້າງຕ່ອງໂສ້ອຸບປະທານທີ່ປັບໂຕໄດ້ຫຼາຍຂຶ້ນ ຍາດເອົາໂອກາດ ເພື່ອນຳໃຊ້ພະລັງງານທີ່ສະອາດ ແລະປາບປາມການສໍ້ລາດບັງຫຼວງ.
ສະຫະລັດແລະອິນເດຍໄດ້ຍົກລະດັບແລະຂະຫຍາຍການເປັນພາຄີຍຸດທະສາດດ້ານເທັກໂນໂລຈີ ໃນທຸກລະດັບ ຍ້ອນປະເທດທັງສອງຕ່າງກໍເຊື່ອວ່າ ການນຳໃຊ້ເທັກໂນໂລຈີຄວນມີການແຈ້ງໃຫ້ຊາບກ່ຽວກັບຫຼັກຄຸນຄ່າປະຊາທິປະໄຕແລະໃຫ້ການເຄົາລົບຕໍ່ສິດທິມະນຸດ.
ຈຸດສຳຄັນສຸດຂອງການຮ່ວມມືນີ້ ແມ່ນຕ່ອງໂສ້ອຸບປະທານທີ່ຫຼາກຫຼາຍແລະລົງເລິກ ດ້ວຍປະເທດຕ່າງໆທີ່ໄວ້ເນື້ອເຊື່ອໃຈໄດ້ ໃນຂະນະທີ່ຕ້ອງຫຼຸດຜ່ອນໃນຍຸດທະສາດໃນການເພິ່ງພາປະເທດອື່ນ.
ໃນທີ່ສຸດສະຫະລັດແລະອິນເດຍ ພວມພາກັນລົງທຶນໃນປະຊາຊົນຂອງຕົນ ລັດຖະມົນຕີບລິງເກັນກ່າວ:
“ລະບົບການສຶກສາຂອງສະຫະລັດ ແລະອິນເດຍ ໄດ້ຜະລິດພວກຜູ້ນຳຈຳນວນນຶ່ງສຳລັບບັນດາບໍລິສັດທີ່ໂດດເດັ່ນມີຊື່ສຽງ.. ຊາວອາເມຣິກັນເຊື້ອສາຍອິນເດຍ ໄດ້ສ້າງນຶ່ງສ່ວນສາມ - ນຶ່ງສ່ວນສາມ ຂອງບໍລິສັດຕັ້ງໃໝ່ທັງໝົດໂດຍພວກຄົນເຂົ້າເມືອງໃນສະຫະລັດ….. ແລະບາງທີສິ່ງສຳຄັນສຸດສຳລັບອະນາຄົດ ສຳລັບ ອະນາຄົດຂອງຄວາມສຳພັນລະຫວ່າງປະເທດຂອງພວກເຮົາ - ພວກເຮົາມີນັກສຶກສາອິນເດຍ ຫຼາຍກວ່າ 200,000 ຄົນ ພວມຮຽນຢູ່ຕາມມະຫາວິທະຍາໄລແຫ່ງຕ່າງໆຂອງອາເມຣິກາ ເຮັດໃຫ້ອິນເດຍເປັນແຫຼ່ງທີ່ມາອັນດັບສອງຂອງນັກສຶກສາລະຫວ່າງປະເທດ ຢູ່ໃນສະຫະລັດ.”
ສະຫະລັດແລະອິນເດຍ ຈະສືບຕໍ່ເຮັດວຽກຮ່ວມກັນເພື່ອສ້າງຄວາມກ້າວໜ້າໃຫ້ແກ່ຄວາມໂປ່ງໃສ ຊຸກຍູ້ການເຂົ້າເຖິງຕະຫຼາດ ແລະເສີມຂະຫຍາຍປະຊາທິປະໄຕ ເພື່ອຈະໃຫ້ປະຊາຊົນຂອງຕົນນຳໃຊ້ຄວາມສາມາດໄດ້ຢ່າງເຕັມທີ່.