ئەمەریکا پابەندە بە خێراکردنی گەشەپێدانی بەردەوام

ئەم وتارەی لە دەنگی ئەمەریکا بڵاوکراوەتەوە ڕاوبۆچوونی حکومەتی ئەمەریکایە

باڵیۆز جوان پلایستد دەڵێت، "ئێمە هەوڵەکانمان دوو هێندە دەکەینەوە بۆ پاراستنی دەستکەوتەکانی گەشەپێدان کە بە زەحمەت بەدەست هێنراون و یارمەتیدانی هاوبەشەکانی وڵاتانی بەرەو ڕسکانچوو بۆ دابینکردنی پێداویستییە بەپەلەکانیان."

ئەمەریکا پابەندە بە خێراکردنی گەشەپێدانی بەردەوام

باڵیۆز جوان پلایستد، ڕاوێژکاری ئەمەریکا لە دیبەیتی گشتی کۆمیتەی دووەمی نەتەوە یەکگرتووەکان بۆ گەشەپێدانی بەردەوام وتی " پشتیوانیکردنی گەشەپێدانی بەردەوام یەکێکە لە زیرەکترین وەبەرهێنانەکان کە دەتوانین لە داهاتووەکانی هەرەوەزیماندا بیکەین."

ئەمەریکا هێشتا پابەندە بە خێراپێکردنی پێشکەوتنەکان لە کارنامەی 2030 و ئامانجەکانی گەشەپێدانی بەردەوام. باڵیۆز پلایستید وتی " ئەم 17 ئامانجە بانگهێشتنامەکانی جیهان بەرجەستەدەکات بۆ کۆتاییهێنان بە هەژاری و پاراستنی هەسارەکە و پاراستنی شکۆی هەموو تاکەکان و هیچ کەس بەلاوە نەنریت ."

باڵیۆز پلایستید وتی لە 18ی مانگی نۆدا ئەمەریکا ستراتیژی نوێی خۆی بۆ گەشەپێدانی جیهانی بڵاوکردەوە.
باڵیۆز پلایستید وتی " بەم ستراتیژە، ئێمە هەوڵەکانمان دوو هێندە دەکەینەوە بۆ پاراستنی دەستکەوتەکانی گەشەپێدان کە بە زەحمەت بەدەست هێنراون و یارمەتیدانی هاوبەشەکانی وڵاتانی بەرەو ڕسکانچوو بۆ دابینکردنی پێداویستییە بەپەلەکانیان، بە سوود ەرگرتن لە ڕێی تەواوی کۆمەڵێ لە ئامرازەکان و سەرچاوەکان و شارەزاییەکانمان. جیهان هێشتا لەگەڵ چەندان قەیراندا لە ململانێدایە – هەروەها لەگەڵ کاریگەرییە بەردەوامەکانی پەتای کۆڤید-19 و نەبوونی ئاسایشی خۆراک و حاڵەتە فریاگوزارییە مرۆییەکان لە سەرانسەری جیهان و هەروەها پەرەسەندنی ململانێکانی هاوکات. دەبێت ئێمە هەموو هەوڵێک بدەین بۆ گێڕانەوەی دەستکەوتە لەدەستچووەکانی گەشەپێدان و خێرایی پێکردن بە پێشکەوتنی هەرەوەزی بەرەو گەیشتن بە [ئامانجەکانی گەشەپێدانی بەردەوام] لە ڕێگەی بنیاتنانی سیستمەکانی زیاتر بەهێز و خۆڕاگرەوە."

باڵیۆز پلایستید ڕوونیکردەوە کە ستراتیژیەتی ئەمەریکا بۆ گەشەپێدانی جیهانی پێنج بایەخی سەرەکی بۆ خێرایی پێکردنی گەشەپێدانی جیهانی بە گوێرەی کارنامەی ساڵی 2030 دیاریدەکات.

"یەکەم ، کەمکردنەوەی هەژاری لە ڕێگەی گەشەی ئابووری گشتگیر و بەردەوام و پەرەپێدانی ژێرخانی کوالیتی باش؛ دووەم: وەبەرهێنان لە بواری تەندروستی و ئاسایشی خۆراک و سەرمایەی مرۆیی؛ سێ، داماڵینی کاربۆن لە ئابووری و زیادکردنی خۆڕاگری کەشوهەوا؛ چوارەم، پێشخستنی دیموکراسی و مافەکانی مرۆڤ و حوکمڕانی باش و چارەسەرکردنی لاوازی و ململانێ؛ و پێنج، وەڵامدانەوەی پێداویستییە مرۆییەکان".

ئەمەریکا وەک گەورەترین تاکە وڵاتی بەخشەر بۆ هاوکاری مرۆیی دەمێنێتەوە. لە سێ ساڵی یەکەمی بەڕێوەبەرایەتی بایدن هێرسدا، ئەمەریکا زیاتر لە 150 ملیار دۆلاری وەک یارمەتی دەرەکی دابین کرد و بە ملیارەها دۆلاری دیکەی خستە وەبەرهێنانی کەرتی تایبەتەوە.

ویلایەتە یەکگرتووەکانی ئەمەریکا لە دیدگای نەگۆڕی خۆی بۆ داهاتوو بەردەوام دەبێت کە تێیدا منداڵان برسی نەبن، هەموو کەسێک دەستی بە چاودێری تەندروستی و پەروەردەدا بگات، توانا بدرێتە کرێکاران، ژینگە بپارێزرێت، خاوەن کارەکان بتوانن دەستیان بە دەرفەتدا ڕابگات و ڕێگری لە ململانێکان بکرێت و دیموکراسیەکان کۆمەڵگەیەکی باشتر بۆ هەمووان برەخسێنن .

بەدەستهێنانی ئامانجەکانی گەشەپێدانی بەردەوام واتای بنیاتنانی سیستمەکانی بەهێزترە لە پێناو هەوڵدان بۆ جیهانێک کە زیاتر ئازاد و دادپەروەرانە و خۆشگوزەرانە و هەروەها ئاسایشتر بێت. ئەمەریکا ئاهەنگ بۆ دەستکەوتەکانی گەشەپێدانە دەگێڕێت کە بەزەحمەت پێکەوە بەدەست هێنراون و سورە لەسەر کارکردن بەرەو داهاتوویەکی زیاتر بەردەوام بۆ هەمووان.