ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ບັນດາປະເທດສະມາຊິກຂອງອົງການສະຫະປະຊາຊາດໄດ້ປະຊຸມກັນເປັນ ເວລາ 3 ມື້ ໃນທ້າຍເດືອນມີນາ ໃນຄວາມພະຍາຍາມເພື່ອເລັ່ງເລັດຄວາມກ້າວໜ້າໄປສູ່ການພັດທະນາແບບຍືນຍົງ ເປົ້າໝາຍທີ 6 ຂອງອົງການສະຫະປະຊາຊາດ ການເຂົ້າເຖິງນ້ຳສະອາດ ແລະສຸຂາພິບານ ພາຍໃນປີ 2030.
ໃນປັດຈຸບັນ ຄວາມກ້າວໜ້າໃນດ້ານນີ້ແມ່ນບໍ່ຄ່ອຍດີປານໃດ. ອີງຕາມອົງການອະນາໄມໂລກແລ້ວ ປະມານ 2 ພັນລ້ານຄົນໃນທົ່ວໂລກ ຫຼືນຶ່ງ ໃນທຸກໆສີ່ຄົນໃດ ບໍ່ສາມາດເຂົ້າເຖິງນ້ຳດື່ມທີ່ປອດໄພ. ເກືອບ 3 ພັນ 600 ລ້ານຄົນຄືເກືອບເຄິ່ງນຶ່ງຂອງປະຊາກອນໂລກ ບໍ່ມີສຸຂາພິບານທີ່ປອດໄພ. ເນື່ອງຈາກນ້ຳທີ່ບໍ່ສະອາດ ແລະການມີສຸຂາພິບານ ທີ່ບໍ່ພຽງພໍ ປະມານ 1 ພັນ 400 ລ້ານຄົນ ຈຶ່ງເສຍຊີວິດຍ້ອນພະຍາດທີ່ມານຳນ້ຳໃນແຕ່ລະປີ ຂະນະທີ່ອີກ 74 ລ້ານຄົນແມ່ນມີອາຍຸສັ້ນກວ່າປົກກະຕິ. ສະຖານະການຈະຮ້າຍແຮງລົງຕື່ມ ຖ້າຫາກອະນຸຍາດໃຫ້ວິກິດການນີ້ດຳເນີນຕໍ່ໄປ ຄວາມຕ້ອງການນ້ຳຂອງໂລກ ຈະເພີ້ມຂຶ້ນຕື່ມ 55 ເປີເຊັນ ພາຍໃນປີ 2050.
ນັ້ນຄືຜົນທີ່ວ່າເປັນຫຍັງ ລັດຖະບານຂອງປະທານາທິບໍດີໄບເດັນແລະທ່ານນາງແຮຣິສ ຈຶ່ງໄດ້ຕັດສິນໃຈ ລົງທຶນເປັນຈຳນວນມະຫາສານໃນຄວາມໝັ້ນຄົງກ່ຽວກັບນ້ຳຂອງໂລກ.
ລັດຖະມົນຕີກະຊວງຊັບພະຍາກອນທຳມະຊາດຂອງສະຫະລັດ ທ່ານນາງເດັບ ຮາແລນ ໃນມື້ທຳອິດຂອງກອງປະຊຸມກ່ຽວກັບເລື້ອງນ້ຳກ່າວວ່າ “ເພື່ອຮັບມືໃນເວລານີ້ ລັດຖະບານຂອງທ່ານໄບເດັນ ແລະທ່ານນາງແຮຣິສ ໄດ້ລິເລີ້ມການ ຮັບມືໂດຍທຸກພະແນກການຂອງລັດຖະບານເພື່ອຄ້ຳປະກັນແຫຼ່ງນ້ຳທີ່ມີຄວາມ ຈຳເປັນ ສຳລັບພວກຮຸ້ນຄົນໃນປັດຈຸບັນແລະອະນາຄົດ” ຊຶ່ງທ່ານນາງກ່າວຕື່ມວ່າ:
“ຂ້າພະເຈົ້າຮູ້ສຶກເປັນກຽດທີ່ໄດ້ປະກາດໃຫ້ຮູ້ວ່າ ໃນຖານະທີ່ເປັນສ່ວນນຶ່ງຂອງຄວາມໝັ້ນໝາຍຂອງພວກເຮົາຕໍ່ວາລະກອງປະຊຸມກ່ຽວກັບແຜນປະຕິບັດງານເລື້ອງນ້ຳ ສະຫະລັດປະກອບສ່ວນ 49 ຕື້ໂດລາ ໃນການລົງທຶນເພື່ອຄ້ຳປະກັນວ່າ ນ້ຳທີ່ໄດ້ຮັບຈາກການປັບໂຕຂອງດິນຟ້າອາກາດແລະສຸຂາພິບານຍັງສືບຕໍ່ເປັນບູລິມະສິດຢູ່ໃນທົ່ວໂລກ.
ນີ້ແມ່ນຮວມທັງ ການເປີດເຜີຍແຜນປະຕິບັດງານ ຂອງທຳນຽບຂາວ ກ່ຽວກັບຄວາມໝັ້ນຄົງໃນເລື້ອງນ້ຳຂອງໂລກ ແລະແຜນຍຸດທະສາດກ່ຽວກັບເລື້ອງນ້ຳຂອງໂລກ. ທັງສອງຢ່າງນີ້ຈະເສີມຄວາມເຂັ້ມແຂງໃຫ້ແກ່ລະບົບຂອງທ້ອງຖິ່ນແລະຂອງໂລກ ເພື່ອຕອບສະໜອງຕໍ່ຄວາມຕ້ອງການຂອງປະຊາຄົມ ທີ່ບໍ່ອາດ ສາມາດເຂົ້າເຖິງແຫຼ່ງຊັບພະຍາກອນໄດ້ຢ່າງພຽງພໍ.”
ລັດຖະມົນຕີຮາແລນ ກ່າວວ່າ “ນ້ຳແມ່ນຊີວິດ ມັນມີຄວາມຈຳເປັນຕໍ່ທຸກສິ່ງທຸກຢ່າງທີ່ພວກເຮົາກະທຳ ນັບແຕ່ເຮັດກິນແລະລ້ຽງລູກຂອງພວກເຮົາ ເພື່ອຈະປູກພືດຜັກແລະຍຸຕິການແຜ່ລະບາດຂອງເຊື້ອໄວຣັສທີ່ຮ້າຍແຮງໃນລະຫວ່າງທີ່ເກີດໂຣກລະບາດນັ້ນ. ເປົ້າໝາຍຂອງການພັດທະນາແບບຍືນຍົງທີ 6 ແມ່ນຈຸດສູນກາງຂອງກອງປະຊຸມເພື່ອໃຫ້ບັນລຸເປົ້າໝາຍຂອງໂລກທັງໝົດ ແຕ່ພວກເຮົາຍັງມີເສັ້ນທາງອີກໄກຢູ່ຕໍ່ໜ້າ ນັ້ນຄືຄຳເວົ້າຂອງທ່ານນາງ.
“ໄພແຫ້ງແລ້ງແລະຜົນກະທົບອື່ນໆຈາກວິກິດການດິນຟ້າອາກາດ ຮູ້ດີວ່າບໍ່ມີພົມແດນແລະປະຊາຄົມທີ່ມີຊັບພະຍາກອນໜ້ອຍທີ່ສຸດສຳລັບປົກປ້ອງເຂົາເຈົ້າແມ່ນໄດ້ຮັບຜົນກະທົບທີ່ຮ້າຍແຮງສຸດ. ນີ້ຈຶ່ງເຮັດໃຫ້ ການດຳເນີນຄວາມພະຍາຍາມຮ່ວມ ທີ່ປະກອບດ້ວຍທຸກໆຝ່າຍຍິ່ງມີຄວາມສຳຄັນຕື່ມຂຶ້ນ.”
ລັດຖະມົນຕີຮາແລນ ກ່າວວ່າ “ຮ່ວມກັນແລ້ວ ປະເທດຂອງພວກເຮົາພວມປະເຊີນໜ້າກັບໂອກາດເວລາທີ່ສຳຄັນໃນວຽກງານຂອງພວກເຮົາ ເພື່ອແກ້ໄຂບັນຫາທີ່ເຊື່ອມຕໍ່ກັນລະຫວ່າງດິນຟ້າອາກາດ ແລະວິກິດການນ້ຳ. ເປົ້າໝາຍການພັດທະນາແບບຍືນຍົງຂອງພວກເຮົາ ແມ່ນ ຊຶ່ງເປັນຈຸດສູນກາງນັ້ນ ການມີຄຸນຄ່າຮ່ວມກັນ ເພື່ອຂະຫຍາຍໂອກາດທາງດ້ານເສດຖະກິດ ການປົກປັກຮັກສາໂລກຂອງເຮົາ ຢຶດໝັ້ນແລະປ້ອງກັນສິດທິມະນຸດ ແລະເຮັດໃຫ້ເປັນທີ່ແນ່ໃຈວ່າ ບໍ່ມີບຸກຄົນໃດ ຫຼືປະຊາຄົມໃດ ຖືກປະປ່ອຍໄວ້ຢູ່ທາງຫຼັງ.”