តទៅនេះ ជាបទវិចារណកថាដែលឆ្លុះបញ្ចាំងពីទស្សនៈរបស់រដ្ឋាភិបាលសហរដ្ឋអាមេ រិក
«នេះប្រាកដជាពេលវេលាត្រឹមត្រូវដើម្បីវាយតម្លៃទំនាក់ទំនងរវាងសហរដ្ឋអាមេរិកនិងឥណ្ឌា»។
នេះបើតាមការប្រកាសរបស់លោក Richard Vermaអនុរដ្ឋមន្ត្រីការបរ ទេសសហរដ្ឋអាមេរិកទទួលបន្ទុកការចាត់ចែងនិងធនធាននៅក្នុងកំណត់សម្គាល់មួយទៅកាន់វិទ្យាស្ថានHudson។ លោកបានថ្លែងទៀតថា៖ «យើងឥឡូវនេះកំពុងចូលដំណាក់កាលជឿនលឿនដែលមានរយៈពេលប្រហែល២៥ឆ្នាំ។ នេះជាការជឿនលឿនដែលគេមិនអាចនឹកស្មានដល់កាលពីប៉ុន្មានទសវត្សរ៍មុន»។
ការជឿនលឿននេះត្រូវបានជំរុញដោយការផ្លាស់ប្តូរនៃនយោបាយនៅក្នុងប្រទេសទាំង២នៅក្នុងផ្នែកសំខាន់ៗរួមមានថាមពល សន្តិសុខនិងពាណិជ្ជកម្ម។
តាមការពិត គឺលោកប្រធានាធិបតី Bill Clintonដែលបានបំបែកគោលនយោបាយរវាងសហរដ្ឋអាមេរិកនិងឥណ្ឌា និងសហរដ្ឋអាមេរិកនិងប៉ាគីស្ថាន។ ការណ៍នេះធ្វើឱ្យមានកិច្ចព្រមព្រៀងនុយក្លែអ៊េរស៊ីវិលរវាងសហរដ្ឋអាមេរិកនិងឥណ្ឌា ជាកិច្ចផ្តួចផ្តើមដ៏សំខាន់មួយ ដើម្បីផ្គត់ផ្គង់ថាមពលនុយក្លែអ៊េរប្រកបដោយសុវត្ថិភាពនិងទុកចិត្តបានដល់ឥណ្ឌា។ ហើយនៅទីបំផុតវាបាននាំដល់ កិច្ចសហប្រតិបត្តិការនុយក្លែអ៊េរស៊ីវិលមួយបាននាំទៅកាន់ការជឿនលឿនថ្មីមួយនៅក្នុង
កិច្ចសហប្រតិបត្តិការការពារជាតិ។ លោកអនុរដ្ឋមន្ត្រី Vermaបានពន្យល់ថា៖
«យោធាទាំង២របស់យើងបានយល់គ្នាទៅវិញទៅមក។ រយៈពេលមិនយូរប៉ុន្មានទេដែលយើងប្រាកដជាមិនត្រូវបានអនុញ្ញាតឱ្យនិយាយអំពីអន្តរប្រតិបត្តិការឬការរួមគ្នា។ យើងឥឡូវនេះអនុវត្តនិងហ្វឹកហាត់ជាមួយគ្នា។ យើងឥឡូវនេះកំពុងអភិវឌ្ឍន៍និងកំពុងផលិតរួមគ្នាប្រព័ន្ធជឿនលឿនបំផុតខ្លះរបស់ពិភពលោក។ ទាំងអស់នេះនៅក្នុងឈ្មោះនៃការលើកស្ទួយសន្តិភាពនិងស្ថិរភាពនៅក្នុងតំបន់ឥណ្ឌូប៉ាស៊ីហ្វិកនិងហួសពីនោះ»។
ការណ៍នេះនាំឱ្យសម្រេចជាដុំកំភួនមួយទៀតគឺការខំប្រឹងប្រែងរួមនៅក្នុងការប្រយុទ្ធការប្រែប្រួលអាកាសធាតុ។ មានការងារត្រូវធ្វើនៅឡើយ។ លោកអនុរដ្ឋមន្ត្រី Verma បាននិយាយទៀតថា៖ «ក៏ប៉ុន្តែ នៅពេលដែលប្រទេសបញ្ចេញឧស្ម័នធំបង្អស់២នៃប្រ ទេសបញ្ចេញឧស្ម័នធំបង្អស់៣ធ្វើការជាមួយគ្នាប្រកបដោយការស្ថាបនានៅលើឆាកអន្តរជាតិ វាបញ្ជូនសញ្ញាដ៏ខ្លាំងមួយអំពីសារៈសំខាន់និងភាពបន្ទាន់នៃបញ្ហានេះទៅ កាន់ប្រទេសផ្សេងៗទៀតនិងទៅកាន់ឧស្សាហកម្មឯកជនដើម្បីដោះស្រាយបញ្ហាបន្ទាន់នេះនៅពេលខាងមុខ។
ឥទ្ធិពលសេដ្ឋកិច្ចរវាងផ្នែកឯកជនរបស់សហរដ្ឋអាមេរិកនិងឥណ្ឌាគួរឱ្យស្ញើចសរសើរដូចគ្នា។ លោកអនុរដ្ឋមន្ត្រី Verma ថ្លែងទៀតថា៖ «បរិមាណពាណិជ្ជកម្មទៅវិញទៅមករបស់យើងបានកើនឡើងដប់ដងចាប់ពីឆ្នាំ២០០០មកដល់សព្វថ្ងៃនេះ។ ពាណិជ្ជកម្មរវាងសហរដ្ឋអាមេរិកនិងឥណ្ឌាបានបង្កើតការងារចំនួន៤២៥.០០០។
នេះបើតាមរដ្ឋបាលពាណិជ្ជកម្មអន្តរជាតិរបស់ក្រសួងពាណិជ្ជកម្មសហរដ្ឋអាមេរិក។ ចូរក្រឡេកមើលបីបួនខែកន្លងមកនេះ ដោយមានការតាំងចិត្តថ្មីចាប់ពី Micronដល់ការស្ថាបនារោងចក្រមួយដែលមានតម្លៃ៨២៥លានដុល្លារនៅក្នុងរដ្ឋ Gujaratប្រទេសឥណ្ឌា ដើម្បីផលិតបន្ទះឈីប semiconductors។ ចូលមើលការសន្យាដែលមានទឹកប្រាក់៥០០ លានដុល្លាររបស់សាជីវកម្មអភិវឌ្ឍន៍ហិរញ្ញវត្ថុ ដើម្បីជួយទ្រទ្រង់ការខំប្រឹងប្រែងរបស់កម្មវិធី First Solar នៅក្នុងប្រទេសឥណ្ឌា ដើម្បីស្ថាបនាបន្ទះស្រូបកម្តៅពន្លឺព្រះអាទិត្យ»។
លោកអនុរដ្ឋមន្ត្រី Verma បានប្រកាសទៀតថា៖ «ខ្ញុំគិតថា យើងអាចនិយាយថា យើងបានចូលក្នុងសករាជមួយនៃការរួមបញ្ចូលគ្នាក្នុងទំនាក់ទំនងអាមេរិក-ឥណ្ឌា គឺការរួមបញ្ចូលគ្នាអំពីថា តើយើងធ្វើការជាមួយគ្នាយ៉ាងដូចម្តេច ការរួមគ្នាថាតើពលរដ្ឋរបស់យើងវាយតម្លៃការគំរាមកំហែងសាកលនិងឱកាសរួមគ្នាយ៉ាងដូចម្តេច និងការរួមគ្នាថាតើពលរដ្ឋរបស់យើងរស់នៅនិងធ្វើការជាមួយគ្នាយ៉ាងដូចម្តេច»៕