ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ສະຫະລັດແມ່ນປະເທດທຳອິດ ທີ່ຖືກສ້າງຕັ້ງຂຶ້ນມາດ້ວຍຄວາມໝັ້ນໝາຍເພື່ອສິດທິສາກົນ ຂອງມະນຸດທຸກໆຄົນ. ລັດຖະມົນຕີກະຊວງການຕ່າງປະເທດສະຫະລັດ ທ່ານໄມຄ໌ ພອມພຽວ ກ່າວໃນຄຳປາໄສ ຢູ່ອິນໂດເນເຊຍວ່າ “ພື້ນ ຖານທີ່ສຸດ ຂອງສິດທິເຫຼົ່ານີ້ ກໍຄືສິດທິໃນການມີອິດສະຫຼະພາບແຫ່ງຈິດສຳນຶກ ຮວມທັງສິດເສລີພາບທາງດ້ານສາສະໜາ.”
“ການເຄົາລົບຂອງອາເມຣິກາ ຕໍ່ສິດທິທີ່ພະເຈົ້າຊົງປະທານໃຫ້ ແມ່ນລັກສະນະພິເສດຂອງຈິດວິນຍານແຫ່ງຊາດພວກເຮົາ” ລັດຖະມົນຕີພອມພຽວປະກາດວ່າ:
“ນັ້ນຄືເຫດຜົນທີ່ວ່າ ເປັນຫຍັງອາເມຣິກາ ຈຶ່ງຢືນຢູູ່ສູງກວ່າໝູ່ໃນບັນດາປະເທດປະຊາທິປະໄຕຕາເວັນຕົກທີ່ໃຫ້ການສະໜັບສະໜຸນແກ່ຄວາມເປັນເອກກະລາດ
ຂອງອິນໂດເນເຊຍຈາກການປົກຄອງແບບຫົວເມືອງຂຶ້ນແລະກໍເປັນຜູ້ສະໜັບ ສະໜຸນຢ່າງແຂງຂັນຕໍ່ການຫັນປ່ຽນໄປສູ່ປະຊາທິປະໄຕຂອງອິນໂດເນເຊຍ ໃນໄລ
ຍະສອງທົດສະວັດທີ່ຜ່ານມານີ້. ຄວາມຈິງທີ່ວ່າປະຊາຊົນຂອງພວກເຮົາໃຫ້ການ
ສະໜັບສະໜຸນຕໍ່ສິດເສລີພາບ ແລະຍຶດໝັ້ນໃນປະເພນີການໂຍະຍານຜ່ອນຜັນນັ້ນ ແມ່ນພິເສດຫຼາຍ.”
ລັດຖະມົນຕີການຕ່າງປະເທດພອມພຽວກ່າວວ່າ “ຈິດວິນຍານທີ່ມີມາຕາມປະເພ ນີຂອງອິນໂດເນເຊຍໃນການໃຫ້ຄວາມໂຍະຍານຜ່ອນຜັນແລະຄວາມຫຼາກຫຼາຍນັ້ນ ຕ້ອງໄດ້ຮັບຄວາມອຸບປະຖຳຄ້ຳຊູ ໃນປັດຈຸບັນນີ້ ຫຼາຍກວ່າເວລາອື່ນໃດທັງໝົດ.” ທ່ານລັດຖະມົນຕີພອມພຽວ ກ່າວຕື່ມວ່າ:
“ການກ່າວຫາກ່ຽວກັບການໝິ່ນປະໝາດສາສະໜາທີ່ໄດ້ທຳລາຍຊີວິດຂອງ ຜູ້ຄົນນັ້ນ ໄດ້ກາຍເປັນເລື້ອງທຳມະດາຫຼາຍຂຶ້ນ. ການຈຳແນກກີດກັນຕໍ່ພວກທີ່ນັບຖືສາສະໜາ ທີ່ບໍ່ແມ່ນຂອງທາງການ ເຮັດໃຫ້ການນັບຖືສາສະໜາຂອງພວກເຂົາ ເຈົ້າກາຍເປັນພົນລະເມືອງຊັ້ນສອງ ທີ່ໄດ້ຖືກລ່ວງລະເມີດ ແລະຕັດຮອນສິດທິ.”
ລັດຖະມົນຕີການຕ່າງປະເທດພອມພຽວໄດ້ກ່າວຮຽກຮ້ອງຕໍ່ໄປ “ໃຫ້ພວກຜູ້ນຳທາງສາສະໜາ ອອກມາຖະແຫຼງໃນນາມຂອງປະຊາຊົນຈາກທຸກໆສາສະໜາ ເວລາສິດທິຂອງພວກເຂົາເຈົ້າຖືກລ່ວງລະເມີດ. ພວກເຮົາຕ້ອງການ ຢາກໃຫ້ຜູ້ນຳສາສະໜາອອກມາເປັນພະຍານຫຼາຍຂຶ້ນກ່ຽວກັບເລື້ອງສິນລະທຳ.”
ນຶ່ງໃນສະຖານທີ່ເຫຼົ່ານັ້ນກໍແມ່ນປະເທດມຽນມາບ່ອນທີ່ພວກທະຫານໄດ້ທຳການ
ກົດຂີ່ຢ່າງຮຸນແຮງຕໍ່ຊາວໂຣຮິງຢາ ແລະພວກຊົນກຸ່ມນ້ອຍອື່ນໆ. ອິນໂດເນເຊຍ
ໄດ້ຊຸກຍູ້ໃຫ້ອາຊ່ຽນ ຍຶດໝັ້ນໃນພັນທະທາງດ້ານມະນຸດສະທຳຂອງຕົນ ແຕ່ສ້າງ
ຄວາມກ້າວໜ້າໃຫ້ແກ່ຄວາມເປັນທຳ ທີ່ກຳລັງຕົກຢູ່ໃນສະພາບບໍ່ໄປບໍ່ມາ ນັ້ນຄືຄຳເວົ້າຂອງລັດຖະມົນຕີການຕ່າງປະເທດພອມພຽວ.
ແຕ່ລັດຖະມົນຕີການຕ່າງປະເທດພອມພຽວ ເຕືອນວ່າ ໄພຂົ່ມຂູ່ທີ່ຮ້າຍແຮງສຸດ ໃນການລ່ວງລະເມີດ ຕໍ່ສິດເສລີພາບໃນການນັບຖືສາສະໜາ ໃນອະນາຄົດນັ້ນ
ແມ່ນການເຮັດສົງຄາມ ຂອງພັກຄອມມູນິສຈີນ ຕ້ານພວກທີ່ເຊື່ອຖືໃນທຸກໆສາສະໜາ ເຊັ່ນຊາວມຸສລິມ ຊາວພຸດ ຊາວຄຣິສຕ໌ ແລະພວກທີ່ນັບຖືຟາລຸນກົງກໍເຊັ່ນດຽວກັນ.
ລັດຖະມົນຕີພອມພຽວ ກ່າວສະຫຼຸບວ່າ “ສິດທິທີ່ພະເຈົ້າຊົງມອບໃຫ້ມາແຕ່ເກີດນັ້ນແມ່ນສິດທິໂດຍກຳເນີດຂອງທຸກໆຄົນ. ນັ້ນຄືເຫດຜົນທີ່ວ່າເປັນຫຍັງປະຊາ ຊົນທີ່ມີອິດສະຫຼະພາບ ຈາກປະເທດທີ່ເສລີ ຕ້ອງໄດ້ປົກປ້ອງສິດທິເຫຼົ່ານັ້ນ.”