Accessibility links

Breaking News

ບົດບັນນາທິການ: ການໂຈມຕີຂອງພວກກໍ່ການຮ້າຍ ຢູ່ນະຄອນແບັກແດດ


ການໂຈມຕີສະຫຼະຊີບ ຢູ່ແບັກແດດ

ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ

please wait

No media source currently available

0:00 0:04:25 0:00


ກຸ່ມລັດອິສລາມໄດ້ອ້າງເອົາຄວາມຮັບຜິດຊອບຕໍ່ການໂຈມຕີທີ່ໜ້າຢ້ານກົວເມື່ອໄວໆມານີ້ ຂອງພວກກໍ່ການຮ້າຍ ທີ່ມີຂຶ້ນຢູ່ນະຄອນແບັກແດດ. ເມື່ອວັນທີ 21 ມັງກອນຜ່ານມາ ພວກໂຈມຕີສະຫຼະຊີບ 2 ຄົນ ໄດ້ບີບຄະນວນລະເບີດທີ່
ຫ້າງໃສ່ເສື້ອແວັດຂອງພວກເຂົາ ໃຫ້ແຕກຂຶ້ນ ຢູ່ໃນເຂດໃຈກາງ ນະຄອນຫຼວງແບັກແດດ. ມີ 30 ກວ່າຄົນໄດ້ເສຍຊີວິດ ແລະອີກບໍ່ຕໍ່າກວ່າ 100 ຄົນໄດ້ຮັບບາດເຈັບ ຢູ່ຕະຫຼາດແຫ່ງນຶ່ງ ໃນບໍລິເວນຈະຕຸລັດຕາຢາຣານ. ການໂຈມຕີດັ່ງ ກ່າວໄດ້ມີການວາງແຜນ ແລະລົງມື ເພື່ອໃຫ້ມີຜູ້ບາດເຈັບລົ້ມຕາຍຫຼາຍທີ່ສຸດ.

ການໂຈມຕີທີ່ຮ້າຍແຮງຕໍ່ພົນລະເຮືອນຢູ່ນະຄອນຫຼວງແບັກແດດແບບນີ້ ແມ່ນບໍ່ຄ່ອຍໄດ້ເຫັນກັນປານໃດ ໃນໄລຍະສອງສາມປີຜ່ານມານີ້. ນະຄອນດັ່ງກ່າວໄດ້ຄ່ອຍໆກັບຄືນສູ່ສະພາບປົກກະຕິ ຫຼັງຈາກກຸ່ມລັດອິສລາມ ໄດ້ເຂົ້າຄວບຄຸມດິນ ແດນບາງສ່ວນ ໃນປະເທດອີຣັກແລະຊີເຣຍ ໄດ້ສິ້ນສຸດລົງໂດຍການໄດ້ຮັບໄຊ ຊະນະຕໍ່ກຸ່ມໄອຊິສ ຂອງກຳລັງແນວໂຮມຈາກທົ່ວໂລກ ພາຍໃຕ້ການນຳ ຂອງ ສະຫະລັດ. ກຸ່ມກໍ່ການຮ້າຍດັ່ງກ່າວໄດ້ສູນເສຍທີ່ໝັ້ນແຫ່ງສຸດທ້າຍຂອງຕົນ ທີ່ ເມືອງຣັກກາໃນປີ 2019 ເຖິງແມ່ນພວກທີ່ຍັງຫຼົງເຫຼືອ ຍັງສືບຕໍ່ທຳການໂຈມຕີ ທັງຢູ່ໃນປະເທດຊີເຣຍ ແລະປະເທດອີຣັກກໍຕາມ.

ສະຫະລັດ ໄດ້ຫຼຸດກຳລັງຂອງຕົນ ຢູ່ໃນປະເທດອີຣັກລົງ. ລັດຖະມົນຕີກະຊວງປ້ອງກັນປະເທດລອຍອອສຕິນ ກ່າວໃນລະຫວ່າງການຮັບຟັງຄຳໃຫ້ການ ເພື່ອຮັບຮອງເອົາການແຕ່ງຕັ້ງທ່ານ ເມື່ອໄວໆມານີ້ວ່າ ທ່ານຍັງສືບຕໍ່ ມີຄວາມເປັນຫ່ວງກ່ຽວກັບໄພຂົ່ມຂູ່ຂອງກຸ່ມລັດອິສລາມຢູ່ໃນອີຣັກແລະໃນແຫ່ງອື່ນໆ. ທ່ານໄດ້ກ່າວຕໍ່ຄະນະກຳມະການກອງທັບຂອງສະພາສູງວ່າ “ຂ້າພະເຈົ້າໃຫ້ການສະໜັບສະໜຸນຕໍ່ການຮັກສາກຳລັງທະຫານສະຫະລັດຈຳນວນນ້ອຍໆໄວ້ ເພື່ອທຳການປະຕິບັດງານແບບຈຳກັດ ທີ່ເພັ່ງເລັງໃສ່ການໃຫ້ຄຳແນະນຳແລະຊ່ວຍເຫຼືອໜ່ວຍຕໍ່ຕ້ານພວກກໍ່ການຮ້າຍຂອງອີຣັກ ຮັບມືກັບໄພຂົ່ມຂູ່ທີ່ຍັງມີຢູ່ຕໍ່ມາຈາກກຸ່ມໄອຊິສ.”

ໂຄສົກຂອງກຳລັງແນວໂຮມຈາກທົ່ວໂລກເພື່ອເອົາຊະນະກຸ່ມໄອຊິສພັນເອກ ເວນ ມາຣັອດໂຕ (Wayne Marotto) ຂຽນລົງໃນທວີດເຕີ້ວ່າ ການໂຈມຕີສະຫລະຊີບ 2 ຄັ້ງທີ່ນະຄອນຫຼວງແບັກແດດ “ແມ່ນອີກເຫດການນຶ່ງທີ່ໄດ້ສັງຫານພວກເພື່ອນຮ່ວມຊາດຊາວອີຣັກດ້ວຍກັນ ໂດຍພວກກໍ່ການຮ້າຍ ແລະເຮັດໃຫ້ພວກທີ່ຊອກສະແຫວງຫາສັນຕິພາບ ຕົກຢູ່ໃນອັນຕະລາຍ.”

ສະຖານທູດສະຫະລັດ ໃນນະຄອນຫຼວງແບັກແດດ ເອີ້ນການໂຈມຕີນີ້ວ່າ “ເປັນການກະທຳທີ່ໜ້າຕ້ອງຕິຂອງພວກຂີ້ຂາດຕາຂາວ ທີ່ເນັ້ນໃຫ້ເຫັນເຖິງໄພອັນຕະລາຍຂອງການກໍ່ການຮ້າຍ ທີ່ຊາວອີຣັກຈຳນວນຫຼາຍໆລ້ານຄົນຍັງສືບຕໍ່ປະເຊີນໜ້າຢູ່ນັ້ນ.”

ໃນຖະແຫຼງການທີ່ອອກໂດຍຜູ້ຮັກສາການລັດຖະມົນຕີກະຊວງການຕ່າງປະເທດທ່ານແດນຽລ ສມິດທ໌ (Daniel Smith) ໄດ້ປະນາມ “ດ້ວຍຄວາມເວົ້າທີ່ແຮງສຸດເທົ່າທີ່ເປັນໄປໄດ້ ຕໍ່ການໂຈມຕີກໍ່ການຮ້າຍໃນວັນທີ 21 ມັງກອນຢູ່ນະຄອນຫຼວງແບັກແດດ.

ທ່ານສມິດທ໌ ຂຽນວ່າ “ມັນເປັນການກະທຳທີ່ໂຫດຮ້າຍໃນການສັງຫານໝູ່ ແລະການເຕືອນຄວາມຊົງຈຳທີ່ມີເຫດຜົນທີ່ວ່າ ການກໍ່ການຮ້າຍແມ່ນຍັງສືບຕໍ່ເປັນໄພຂົ່ມຂູ່ຕໍ່ຊີວິດຂອງຊາວອີຣັກຜູ້ທີ່ບໍ່ມີຄວາມຜິດ. ພວກເຮົາຂໍສະແດງຄວາມເສົ້າສະ ຫຼົດໃຈຢ່າງເລິກເຊິ່ງ ມາຍັງຄອບຄົວຂອງພວກເຄາະຮ້າຍ ແລະຫວັງວ່າບາດແຜເຫຼົ່ານັ້ນຈະໄດ້ຮັບການປິ່ນປົວ ໃຫ້ຫາຍດີຄືນໂດຍໄວວາທີ່ສຸດ.”

XS
SM
MD
LG