ບົດບັນນາທິການ: ຈີນຕ້ອງປະຕິບັດຕາມ ພັນທະຂອງສາກົນຂອງຕົນ

ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ

ເມື່ອ 5 ປີກ່ອນ ສານໄກ່ເກ່ຍລະຫວ່າງປະເທດ ໄດ້ເປີດການພິຈາລະນາຄະດີ ເພື່ອແກ້ໄຂບັນຫາຂັດແຍ້ງ ກ່ຽວກັບຂໍ້ກຳນົດວ່າດ້ວຍກົດໝາຍທາງທະເລໄດ້ປະຕິເສດຕໍ່ການອ້າງກຳມະສິດເກີນຂອບເຂດທາງທະເລຂອງຈີນຢູ່ໃນທະເລຈີນໃຕ້ ໂດຍພົບເຫັນວ່າ ມັນບໍ່ສອດຄ່ອງກັບຂໍ້ຕົກລົງກ່ຽວກັບກົດໝາຍທາງທະເລຂອງອົງການສະຫະປະຊາຊາດ. ທະເລຈີນໃຕ້ ແມ່ນນຶ່ງໃນເສັ້ນທາງເດີນເຮືອ ທີ່ມີກຳປັ່ນໄປມາຫຼາຍທີ່ສຸດໃນໂລກ ຊຶ່ງເຕັມໄປດ້ວຍໝູ່ເກາະໝູ່ດອນ ທີ່ຄົນຢູ່ບໍ່
ໄດ້ ສາມາດແນມເຫັນກໍໃນຕອນນ້ຳທະເລລົງເທົ່ານັ້ນ ແລະຫາຍໄປໃນເວລານ້ຳຂຶ້ນ ຊຶ່ງຫຼາຍໆເກາະດອນແມ່ນຫ້ອມລ້ອມໄປດ້ວຍເຂດນ່ານນ້ຳທີ່ອຸດົມສົມບູນໄປດ້ວຍປູປາ. ນອກນັ້ນແລ້ວ ດິນແດນດັ່ງກ່າວອາດຈະເຕັມໄປດ້ວຍແຮ່ທາດນາໆຊະນິດ ຮວມທັງນ້ຳມັນ ແລະແກັສທຳມະຊາດ. ຈີນ ໄຕ້ຫວັນ ຟີລິບປິນ ມາເລ
ເຊຍ ບຣູນາຍຫວຽດນາມ ຕ່າງກໍອ້າງເອົາກຳມະສິດທາງທະເລ ແລະໝູ່ເກາະໝູ່ດອນໃນທະເລຈີນໃຕ້ກວມກັນ.

ນັບແຕ່ປີ 2013 ເປັນຕົ້ນມາ ສາທາລະນະລັດປະຊາຊົນຈີນໄດ້ເຮັດໃຫ້ການຂັດແຍ້ງຢູ່ໃນທະເລຈີນໃຕ້ເພີ້ມທະວີຄວາມຮ້າຍແຮງຂຶ້ນ ໂດຍທຳການຖົມເກາະຖົມດອນໃນຂອບເຂດທີ່ກວ້າງຂວາງ ແລະນຳໃຊ້ເກາະດອນທີ່ມີການຂັດແຍ້ງ ຢູ່ໃນທະເລຈີນໃຕ້ເພື່ອການທະຫານ. ນອກນັ້ນ ປັກກິ່ງຍັງໄດ້ເອົາມາດຕະການເກາະຜິດເພື່ອຂົ່ມຂູ່ ໃຫ້ປະເທດທີ່ອ້າງເອົາກຳມະສິດອື່ນໆໃນເຂດເອເຊຍຕາເວັນອອກ ສຽງໃຕ້​ ປະຕິບັດຕາມການຂະຫຍາຍດິນແດນ ແລະອ້າງເອົາກໍາມະສິດທາງທະ ເລຂອງຕົນ.

ລັດຖະມົນຕີການຕ່າງປະເທດສະຫະລັດ ທ່ານແອນໂທນີ ບລິງເກັນ ກ່າວຢູ່ໃນຖະແຫຼງການສະບັບນຶ່ງວ່າ “ບໍ່ມີບ່ອນໃດ ທີ່ກົດໝາຍທາງທະເລໄດ້ຮັບການຂົ່ມຂູ່ຫຼາຍໄປກວ່າຢູ່ທະເລຈີນໃຕ້. ສາທາລະນະລັດປະຊາຊົນຈີນ ຫຼື ສປ ຈີນ ຍັງສືບຕໍ່ບີບບັງ ຄັບ ແລະຂົ່ມຂູ່ປະເທດຕ່າງໆໃນເຂດເອເຊຍຕາເວັນອອກສຽງໃຕ້ທີ່ມີຊາຍຝັ່ງຕິດກັບທະເລ ຂົ່ມຂູ່ຕໍ່ອິດສະຫຼະພາບໃນການເດີນເຮືອຕໍ່ເສັ້ນທາງເດີນເຮືອທີ່ຫຼໍ່ແຫຼມສຳຄັນດັ່ງກ່າວຂອງໂລກ.”

ໃນເວລາທີ່ມີການຕັດສິນ ກ່ຽວກັບຄະດີທະເລຈີນໃຕ້ນັ້ນ ສານສາກົນ ກ່າວວ່າ ການເອົາມາດຕະການ ໂດຍຜ່ານກິດຈະກຳຕ່າງໆຂອງ ສປ ຈີນ ເຊັ່ນວ່າການສ້າງເກາະທຽມທີ່ເກາະດອນມິສຊີບ (Mischief Reef) ນັ້ນ ແມ່ນແຊກແຊງເຂົ້າໃນສິດທິອະທິປະໄຕ ກ່ຽວກັບເຂດເສດຖະກິດສະເພາະ ຂອງຟີລິບປິນ.

ທັງ ສປ ຈີນ ແລະຟີລິບປິນ ເພື່ອໃຫ້ເປັນໄປຕາມພັນທະຕ່າງໆຂອງສົນທິສັນ ຍາພາຍໃຕ້ຂໍ້ຕົກລົງທາງທະເລແລ້ວ ແມ່ນມີຂໍ້ຜູ້ໝັດທາງກົດໝາຍໃຫ້ປະຕິບັດຕາມການຕັດສິນນີ້ ແຕ່ ສປ ຈີນ ໄດ້ຄັດຄ້ານ ຕໍ່ການຕັດສິນດັ່ງກ່າວ ທັງໆທີ່ຕົນບໍ່ຢາກເຮັດ. ເຖິງຢ່າງໃດກໍດີ ສປ ຈີນ ໃນທີ່ສຸດຈີນໄດ້ປະຕິເສດຕໍ່ການຕັດ ສິນ ແລະບໍ່ຍອມປ່ຽນແປງໃນການປະພຶດປະຕິບັດຂອງຕົນ ເພື່ອໃຫ້ສອດຄ່່ອງກັບການຕັດສິນນີ້.

“ສະຫະລັດຂໍໃຫ້ການຢືນຢັນອີກຄັ້ງນຶ່ງ ຕໍ່ນະໂຍບາຍຂອງຕົນ ກ່ຽວກັບການອ້າງເອົາກຳມະສິດທາງທະເລ ຢູ່ໃນທະເລຈີນໃຕ້ ເມື່ອວັນທີ 13 ກໍລະກົດປີ 2020” ນັ້ນຄືຄໍາເວົ້າຂອງລັດຖະມົນຕີການຕ່າງປະເທດບລິງເກັນ ທີ່ໄດ້ກ່າວໄວ້ໃນຂະນະທີ່ທ່ານໃຫ້ການຢືນຢັນວ່າ ການໂຈມຕີໃດໆກໍຕາມດ້ວຍອາວຸດຕໍ່ກອງທັບ ກຳປັ່ນ ຫຼືເຮືອບິນຂອງຟີລິບປິນ ໃນທະເລຈີນໃຕ້ ຈະພາໃຫ້ສະຫະລັດນຳໃຊ້ ການໃຫ້ຄວາມໝັ້ນໝາຍ ພາຍໃຕ້ມາດຕາ 4 ຂອງສົນທິສັນຍາໃນການປ້ອງກັນປະເທດຮ່ວມ ລະຫວ່າງສະຫະລັດກັບຟີລິບປິນ ສະບັບປີ 1951.

ທ່ານລັດຖະມົນຕີບລິງເກັນ ກ່າວສະຫຼຸບວ່າ “ພວກເຮົາຂໍຮຽກຮ້ອງໃຫ້ສປ ຈີນປະຕິບັດຕາມພັນທະຂອງຕົນພາຍໃຕ້ກົດໝາຍລະຫວ່າງປະເທດ ຢຸດເຊົາການປະພຶດແບບທ້າທາຍເກາະຜິດ ແລະເອົາບາດກ້າວເພື່ອໃຫ້ການຄ້ຳປະກັນຕໍ່ປະຊາຄົມນາໆຊາດວ່າ ຕົນມີຄວາມໝັ້ນໝາຍຕໍ່ກົດໝາຍຄຸ້ມຄອງທາງທະເລທີ່ໃຫ້ ການເຄົາລົບຕໍ່ສິດທິຂອງທຸກໆປະເທດ ບໍ່ວ່າໃຫຍ່ແລະນ້ອຍ.”