ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ສະຫະລັດມີຄວາມໝັ້ນໝາຍທີ່ຈະແຈກຢາຍການຊ່ວຍເຫຼືອຢາວັກຊີນກັນໂຄວິດ-19 ໃຫ້ແກ່ທົ່ວໂລກ ໂດຍໄວເທົ່າທີ່ຈະໄວໄດ້ ເພື່ອຢຸດເຊົາການແຜ່ລະບາດຂອງໂຣກຕິດຕໍ່ດັ່ງກ່າວ. ເມື່ອໄວໆມານີ້ ອົງການຊ່ວຍເຫຼືອສາກົນຂອງສະຫະລັດ ຫຼືຢູເສດກໍໄດ້ປະກາດໃຫ້ການຊ່ວຍເຫຼືອເພີ້ມຕື່ມ 11 ລ້ານ 3 ແສນໂດ ລາ ແກ່ຟີລິບປິນ ເພື່ອຮັບມືກັບໂຄວິດ-19 ດ້ວຍການສະໜັບສະໜຸນ ການສັກຢາວັກຊີນຂອງປະເທດດັ່ງກ່າວ. ນອກນັ້ນແລ້ວ ການຊ່ວຍເຫຼືອນີ້ຍັງຈະໃຫ້ການສະໜັບສະໜຸນທາງດ້ານການເງິນ ແກ່ແຜນການຮັບມືຂອງຟີລິບປິນຕໍ່ການກວດ
ການຄຸ້ມຄອງ ແລະການປິ່ນປົວພະຍາດໂຄວິດ-19 ໂດຍສະເພາະໃນໝູ່ປະຊາ ຊົນທີ່ມີຄວາມຫຼໍ່ແຫຼມທີ່ສຸດ. ການສະໜັບສະໜຸນດັ່ງກ່າວ ຈະເຮັດໃຫ້ການຊ່ວຍຂອງອົງການຢູເສດ ກະຊວງການຕ່າງປະເທດ ແລະ ກະຊວງປ້ອງກັນປະເທດຂອງສະຫະລັດທັງໝົດແກ່ຟີລິບປິນ ໃນດ້ານໂຄວິດ-19 ຕົກເປັນເງິນຫຼາຍກວ່າ 39 ລ້ານໂດລາ ນັບຕັ້ງແຕ່ໂຣກຕິດຕໍ່ດັ່ງກ່າວໄດ້ເລີ້ມມີການລະບາດ.
ການຊ່ວຍເຫຼືອນີ້ ຈະຖືກຕ້ອນຮັບຢູ່ໃນປະເທດທີ່ໄດ້ຮັບຜົນທົບຢ່າງໜັກຈາກໂຄວິດ-19. ຟີລິບປິນແມ່ນຮວມຢູ່ໃນບັນດາປະເທດທີ່ມີກໍລະນີຕິດເຊື້ອແລະເສຍຊີ ວິດຫຼາຍທີ່ສຸດຍ້ອນໄວຣັສໂຄໂຣນາຢູ່ໃນເອເຊຍ ແລະພວມຕໍ່ສູ້ກັບໂຣກລະບາດດັ່ງກ່າວ ມາຕັ້ງແຕ່ເດືອນມີນາປີກາຍ ອີງຕາມລາຍງານຂ່າວ. ກໍລະນີຕ່າງໆໃນເດືອນແລ້ວນີ້ ແມ່ນປະກອບເປັນນຶ່ງສ່ວນຫ້າ ຂອງພວກທີ່ຕິດເຊື້ອທັງໝົດ 2 ລ້ານ 3 ແສນກໍລະນີ ໃນຟີລິບປິນມາຈົນຮອດປັດຈຸບັນນີ້ ໃນຂະນະທີ່ຜູ້ເສຍຊີວິດທັງໝົດແມ່ນກາຍ 36,600 ຄົນ ອີງຕາມສະຖິຕິທີ່ມີການລາຍງານເມື່ອໄວໆມານີ້.
ອັນເປັນສ່ວນນຶ່ງໃນການໃຫ້ຄຳໝັ້ນສັນຍາຂອງປະທານາທິບໍດີໂຈ ໄບເດັນ ທີ່ຈະເປັນຄັງຢາວັກຊີນຂອງໂລກນັ້ນ ສະຫະລັດໄດ້ບໍລິຈາກຢາດັ່ງກ່າວໄປແລ້ວຫຼາຍກວ່າ 9 ລ້ານໂດສໃຫ້ແກ່ຟີລິບປິນເພື່ອຊ່ວຍປົກປັກຮັກສາຊີວິດແລະຢຸດເຊົາການແຜ່ລະບາດຂອງພະຍາດໂຄວິດ ອັນເປັນສ່ວນນຶ່ງຂອງຈຳນວນຫຼາຍກວ່າ 16 ລ້ານໂດສ ທີ່ສະໜອງໂດຍຜ່ານອົງການໂຄແວັກສ໌. ນອກເໜືອໄປຈາກນັ້ນອົງການຢູເສດຍັງໄດ້ໃຫ້ການສະໜັບສະໜຸນແກ່ພວກພະນັກງານແຖວໜ້າປະມານ 44 ພັນຄົນ ແລະເສີມຄວາມເຂັ້ມແຂງໃຫ້ແກ່ໂຮງໝໍແລະສຸກສາ ລາຫຼາຍກວ່າ 800 ແຫ່ງ ຕະຫຼອດທັງຈັດຫາອຸບປະກອນ ແລະເຄື່ອງໃຊ້ທີ່ຈຳ ເປັນຕ່າງໆເຊັ່ນເຄື່ອງປ້ອງກັນພີພີອີ ເຄື່ອງກວດ ຢາປົວແລະອຸບປະກອນສຸຂະອະນາໄມແລະຜະລິດຕະພັນເພື່ອຊ່ວຍຊີວິດອື່ນໆ ເພື່ອສະໜັບສະໜຸນ ໃນການຮັບມື ກັບໂຄວິດ-19 ຂອງຟີລິບປິນ.
ອົງການຢູເສດ ຍັງໃຫ້ການສະໜັບສະໜຸນຕໍ່ໂຄງການກຽມຄວາມພ້ອມແລະການບໍລິການສັກຢາວັກຊີິນແລະກໍສືບຕໍ່ໃຫ້ການສະໜັບສະໜຸນພະແນກການໃນທ້ອງຖິ່ນຂອງລັດຖະບານ ແລະເຈົ້າໜ້າທີ່ສາທາລະນະສຸກ ຮວມທັງພວກພະນັກງານຮັກສາສຸຂະພາບແຖວໜ້າເພື່ອຫຼຸດຜ່ອນການແຜ່ລະບາດເພີ້ມຕື່ມ ໃຫ້ບູລິມະສິດໃນການສັກຢາວັກຊີນຂອງປະຊາຊົນ ຊ່ວຍປິ່ນປົວພວກຄົນເຈັບທີ່ຕິດໂຄວິດ ບໍ່ວ່າພວກເຂົາເຈົ້າຈະຢູ່ໂຮງໝໍ ຫຼືຢູ່ທີ່ເຮືອນ ແລະອື່ນໆອີກ.
ໃນປີນີ້ ອົງການຢູເສດສະຫຼອງການເປັນພາຄີຄົບຮອບ 60 ປີກັບຟີລິບປິນ. ໃນຮອບຊາວປີທີ່ຜ່ານມານີ້ ອົງການຢູເສກລົງທຶນ ຫຼາຍກວ່າ 600 ລ້ານໂດລາ ຢູ່ໃນພາກສ່ວນສາທາລະນະສຸກຂອງຟີລິບປິນ ດ້ວຍການສ້າງຄວາມເຂັ້ມແຂງໃຫ້ແກ່ພື້ນຖານເພື່ອໃຫ້ມີການຕອບຮັບແບບມີປະສິດທິຜົນເພີ້ມຂຶ້ນຕໍ່ໂຄວິດ-19.