ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ການບຸກໂຈມຕີຢູເຄຣນຂອງຣັດເຊຍ ຍັງດຳເນີນຕໍ່ໄປ ເຮັດໃຫ້ມັນມີຄວາມກະຈ່າງແຈ້ງຕື່ມຂຶ້ນວ່າ ວລາດີເມຍ ປູຕິນ ພວມພະຍາຍາມສະແດງໃຫ້ເຫັນວ່າ ມີການແນເປົ້າໝາຍໃສ່ພົນລະເຮືອນຊາວຢູເຄຣນ ນັ້ນຄືຄຳເວົ້າຂອງລັດຖະມົນຕີການຕ່າງປະເທດສະຫະລັດ ທ່ານແອນໂທນີ ບລິງເກັນ.
“ການໂຈມຕີຂອງຣັດເຊຍ ໄດ້ຖືກໂຮງຮຽນ ໂຮງໝໍ ແລະຕຶກອາຄານບ້ານເຮືອນ ທີ່ຢູ່ອາໄສ. ພວກເຂົາພວມທຳລາຍພື້ນຖານໂຄງລ່າງສຳຄັນ ທີ່ສະໜອງນ້ຳໃຫ້ແກ່ປະຊາຊົນຫຼາຍໆລ້ານຄົນ ໃນທົ່ວປະເທດຢູເຄຣນ ແກັສ ເພື່ອໃຫ້ປະຊາຊົນເຫຼົ່ານີ້ບໍ່ໃຫ້ໜາວຕາຍຍ້ອນອາກາດເຢັນຈັດແລະໄຟຟ້າ. ລົດເມ ລົດຕ່າງໆແລະ ລົດໂຮງໝໍໄດ້ຖືກຍິງທຳລາຍ. ຣັດເຊຍໄດ້ກະທຳສິ່ງເຫຼົ່ານີ້ ໃນທຸກໆວັນ ທົ່ວປະເທດຢູເຄຣນ.”
ລັດຖະມົນຕີການຕ່າງປະເທດບລິງເກັນ ກ່າວວ່າ “ສິ່ງເຫຼົ່ານີ້ ບໍ່ແມ່ນເປົ້າໝາຍທາງທະຫານ ມັນເປັນບ່ອນທີ່ປະຊາຊົນເຮັດວຽກ ແລະຄອບຄົວ ພັກພາອາໄສ. ການໂຈມຕີຂອງຣັດເຊຍໄດ້ສັງຫານພົນລະເຮືອນຢ່າງນ້ອຍຫຼາຍຮ້ອຍຄົນ ຮວມທັງພວກເດັກນ້ອຍ ແລະອີກຫຼາຍຮ້ອຍຄົນໄດ້ຮັບບາດເຈັບ ແລະ (ທ່ານນາງມີ ແຊລ ບາເຊີແລັດ ຂ້າຫຼວງໃຫຍ່ ດ້ານອົບພະຍົບຂອງສະຫະປະຊາຊາດ) ກ່າວວ່າ ທ່ານນາງຄາດວ່າ ໂຕເລກທີ່ແທ້ຈິງນັ້ນ ແມ່ນສູງກວ່ານີ້ຫຼາຍຕໍ່.”
ເມື່ອມີການຖາມວ່າ ຣັດເຊຍຈົງໃຈແນເປົ້າໝາຍໃສ່ພົນລະເຮືອນແທ້ບໍ ລັດຖະມົນຕີບລິງເກັນ ກ່າວວ່າ ທີ່ຈິງແລ້ວ ລາວເຮັດແທ້.
“ແນ່ນອນ ໃນໄລຍະຜ່ານມາ ພວກເຮົາໄດ້ເຫັນວ່າ ນຶ່ງໃນວິທີການເຮັດສົງຄາມຂອງຣັດເຊຍກໍຄືສ້າງຄວາມໂຫດຮ້າຍສຸດຂີດ ໃນການພະຍາຍາມທີ່ຈະຂົ່ມຂວັນ ປະຊາຊົນຂອງປະເທດໃດປະເທດນຶ່ງ ແລະນັ້ນ ຢ່າງໜ້ອຍແລ້ວ ແມ່ນຮວມທັງການແນເປົ້າໝາຍແບບບໍ່ເລືອກໜ້າແລະອາດເປັນການຕັ້ງໃຈທີ່ຈະແນເປົ້າໝາຍ ແບບນັ້ນເຊັ່ນກັນ.”
ໃນການກ່າວຄຳປາໄສຕໍ່ກອງປະຊຸມສະພາສິດທິມະນຸດຄັ້ງທີ 49 ເມື່ອວັນທີ 1 ມີນາຜ່ານມານີ້ ລັດຖະມົນຕີບລິງເກັນ ກ່າວວ່າ ປະຊາຄົມຂອງປະເທດຕ່າງໆ “ຕ້ອງໄດ້ສົ່ງຂ່າວແບບເດັດດ່ຽວແລະເປັນເອກກະພາບກັນວ່າ ປະທານາທິບໍດີປູຕິນຄວນຈະຢຸດເຊົາ ຢ່າງບໍ່ມີເງື່ອນໄຂ ຕໍ່ການໂຈມຕີແບບບໍ່ມີການເກາະຜິດແລະຖອນທະຫານໃນທັນທີ ອອກໄປຈາກຢູເຄຣນ.”
“ພວກເຮົາຕ້ອງປະນາມ ຢ່າງໜັກແໜ້ນແລະຢ່າງຈະແຈ້ງ ຕໍ່ການພະຍາຍາມຂອງຣັດເຊຍທີ່ຈະໂຄ່ນລົ້ມລັດຖະບານທີ່ໄດ້ຖືກເລືອກຂຶ້ນມາແບບປະຊາທິປະໄຕ ພ້ອມທັງການລະເມີດສິດທິມະນຸດ ແລະລະເມີດກົດໝາຍສາກົນຢ່າງຮ້າຍ ແຮງ ແລະພວກເຮົາຕ້ອງໄດ້ເອົາບາດກ້າວ ເພື່ອໃຫ້ພວກກໍ່ການ ເປັນຜູ້ຮັບຜິດຊອບ.”
“ພວກເຮົາຕ້ອງໄດ້ເນັ້ນຢ້ຳເຖິງພັນທະຂອງຣັດເຊຍ ເຖິງແມ່ນໃນການຮຸກຮານທີ່ບໍ່ຖືກຕ້ອງກົດໝາຍຂອງພວກເຂົາກໍຕາມຕ້ອງໃຫ້ການເຄົາລົບຕໍ່ກົດໝາຍມະນຸດສະທຳລະຫວ່າງປະເທດ. ພວກເຮົາຕ້ອງປະຕິເສດ ຕໍ່ການພະຍາຍາມຂອງຣັດ ເຊຍ ທີ່ຈະໃຫ້ເຫດຜົນແບບຜິດໆກ່ຽວກັບການໂຈມຕີນີ້ວ່າເປັນການປົກປ້ອງສິດທິມະນຸດ ໂດຍໃຊ້ຄຳເວົ້າໄປໃນທາງຜິດ ທີ່ພວກເຮົາຂໍສະຫງວນໄວ້ຕໍ່ການກໍ່ອາຊະຍກຳທີ່ຮ້າຍແຮງສຸດ ແລະບໍ່ໃຫ້ການເຄົາລົບຕໍ່ພວກເຄາະຮ້າຍຂອງອາຊະຍາກຳເຫຼົ່ານັ້ນ.”
ລັດຖະມົນຕີບລິງເກັນກ່າວວ່າ “ ໃນທີ່ສຸດພວກເຮົາຕ້ອງໄດ້ກົດດັນໃຫ້ວັງເຄຣັມລິນ ເຄົາລົບນັບຖືສິດທິມະນຸດຂອງປະຊາຊົນຊາວຣັດເຊຍທັງໝົດ ຮວມທັງສິດທິຂອງປະຊາຊົນໃນການສະແດງອອກຢ່າງສັນຕິກ່ຽວກັບຄວາມບໍ່ພໍໃຈ ແລະໃຫ້ພວກນັກຂ່າວສາມາດລາຍງານຂ່າວໄດ້ ແລະສະໜອງຂໍ້ມູນໃຫ້ແກ່ບັນດາຄອບຄົວຂອງພວກທະຫານຣັດເຊຍ ທີ່ສົມຄວນຮູ້ກ່ຽວກັບຊະຕາກຳຂອງຜູ້ທີ່ເຂົາເຈົ້າຮັກທີ່ໄດ້ເສຍຊີວິດໄປ ໃນສົງຄາມທາງເລືອກຂອງປະທານາທິບໍດີປູຕິນ.”
“ພວກເຮົາພວມຈັບຕາເບິ່ງຢ່າງໃກ້ຊິດ ໃນສິ່ງທີ່ພວມເກີດຂຶ້ນຢູ່ໃນຢູເຄຣນເວລານີ້ ຮວມທັງວ່າ ແມ່ນຫຍັງໄດ້ເກີດຂຶ້ນຕໍ່ພົນລະເຮືອນ. ພວກເຮົາໄດ້ລຳດັບເຫດການ. ພວກເຮົາໄດ້ຈົດບັນທຶກໄວ້ ແລະພວກເຮົາຢາກຄ້ຳປະກັນວ່າ ທັງໝົດນັ້ນ ມັນກໍມີຄວາມຮັບຜິດຊອບສຳລັບເລື້ອງນີ້.