Accessibility links

Breaking News

Rusiyalı hüquq müdafiəçisi Kara-Murza azad edilməlidir


Demokratiya tərəfdarı və insan haqları müdafiəçisi Vladimir Kara-Murza

Martın 13-də Moskvada rusiyalı demokratiya tərəfdarı və insan haqları müdafiəçisi Vladimir Kara-Murzanın qapalı məhkəməsi başlayıb.

Rusiya hakimiyyəti Kara-Murzanın Rusiyanın Ukraynanın genişmiqyaslı müdaxiləsinə qarşı verdiyi bəyanatlarla bağlı ona üç siyasi motivli ittiham irəli sürüb. Günahkar tanınsa, onu onilliklərlə həbs gözləyir.

Birləşmiş Ştatlar Kara-Murzanın dərhal və qeyd-şərtsiz azad edilməsinə çağırıb.

Kara-Murza 2022-ci ilin aprelində həbs edilib və o vaxtdan bəri həbsdə saxlanılır. O, Rusiya ordusu haqqında "saxta xəbərlər" yaymaqda ittiham edilib və sonradan ona "xarici agent" damğası vurulub. Onun qondarma cinayətləri siyahısına dövlətə xəyanət və "arzuolunmaz" təşkilatla əməkdaşlıq kimi əlavə ittihamlar əlavə edilib.

Öldürülən müxalifət lideri Boris Nemtsovun baş müşaviri olan Kara-Murza Rusiyada insan haqlarını cəsarətlə müdafiə edib və dəfələrlə Rusiya hakimiyyəti tərəfindən repressiyaların hədəfinə çevrilib. O, 2015 və 2017-ci illərdə ağır zəhərlənmələr keçirib və onun fikrincə, bu, onun birbaşa siyasi fəaliyyəti ilə bağlı olub.

Martın əvvəlində Birləşmiş Ştatlar altı Rusiya vətəndaşına qarşı Kara-Murzaya qarşı ciddi insan haqları pozuntularında iştirak etdiklərinə görə sanksiya tətbiq edib.

Maliyyə Nazirliyi üç nəfəri müəyyən edib: müharibə əleyhinə fikirlərini ifadə etdiyinə görə Kara-Murzaya qarşı cinayət işinin açılması haqda göstəriş verən Baş İstintaq İdarəsinin xüsusi tapşırıqlar üzrə müstəntiqi Andrey Andreyeviç Zadaçin; Kara-Murzanın həbs-qətimkan tədbiri üzrə məhkəmə prosesinə nəzarət edən və onun barəsində həbs-qətimkan tədbiri seçilməsinə qərar verən hakim Yelena Anatolyevna Lenskaya; və Kara-Murzaya qarşı iş üzrə Rusiya hökumətinin ekspert şahidi olmuş Danil Yuriyeviç Mixeyev.

Dövlət Departamenti Lenskaya və Zadaçinə qarşı viza məhdudiyyətləri elan edərək, onları və onların ailə üzvlərini ABŞ-a giriş hüququndan məhrum edib. Bundan əlavə, Dövlət Departamenti Rusiya hökumət rəsmiləri Oleq Mixayloviç Sviridenko, Diana İqorevna Mişşenko və İllya Pavloviç Kozlova sanksiya tətbiq edib.

Sviridenko Rusiya ədliyyə nazirinin müavinidir və cinayət işlərinin, o cümlədən Kara-Murzanın cinayət işlərinin aparılmasına nəzarət edir; Mişenko Kara-Murzanın həbsi ilə bağlı ilkin hökmü çıxaran və ona 15 sutka həbs cəzası verən hakimdir. Kozlov isə Kara-Murzanın Mişenkonun inzibati həbs qərarından verdiyi şikayəti rədd edən hakimdir.

Dövlət katibi Antoni Blinken yazılı bəyanatında yenidən Kara-Murzanın dərhal və qeyd-şərtsiz azad edilməsinə çağırıb və vurğulayıb ki, Birləşmiş Ştatlar "Vladimir Putinin tənqidçilərini susdurmaq cəhdlərinin Ukraynaya qarşı ağlasığmaz ölümlərə, zorakılığa və dağıntılara səbəb olmaqda davam edən müharibə haqda həqiqəti gizlətməsinə nail ola bilməməsini təmin etməyi öhdəsinə götürür".

XS
SM
MD
LG