Bu il qlobal su böhranını qabaqcadan görən və onun nəticələrini dərk edən ABŞ siyasətçisi, senator Pol Saymonun adını daşıyan “Dünya üçün su” aktının onuncu ildönümünü qeyd edilir.
O, ABŞ Konqresində dünyanın ən həssas icmalarının su və kanalizasiyaya çıxışının artırılmasına təkan verib.
USAID-in administratoru Samanta Pauer onun məhv olmaqda olan Aral dənizinə səfərini xatırladaraq deyib ki, senator Saymon artan xəstəlik və yerdəyişmə səviyyələri ilə ölkədə və xaricdə qeyri-sabitliyin artması ilə "yaxınlaşan, susuz fırtına"nın gələcəyindən qorxurdu. Senator Saymon səylərinin nəticə verdiyini görməsə də, 2005-ci ildə senator Pol Saymonun yosulların suya çıxış aktı qanuna çevrilib.
Onun məqsədi “inkişaf etməkdə olan ölkələr üçün təhlükəsiz su və kanalizasiyaya çıxışını Birləşmiş Ştatların xarici yardım proqramlarının xüsusi siyasətinə çevirmək” idi. Doqquz il sonra “Dünya üçün su” aktının qəbulu ilə o, inkişaf edən qlobal Su, Kanalizasiya və Gigiyena proqramlarını əhatə edəcək şəkildə yenilənib. Bunu həyata keçirmək ABŞ Beynəlxalq İnkişaf Agentliyinə (USAID) həvalə edilib.
Administrator Pauer deyib: “Bu inanılmaz “Dünya üçün su” aktı qanuna çevrildikdən sonra USAID 42 milyon insana təmiz su, 38 milyon insan isə kanalizasiya xidmətlərindən istifadə etməyə kömək edib”.
Buna baxmayaraq, bu gün suya çıxışın olmaması bütün dünyada görünməmiş böhranlara səbəb olur.
“2010-cu ildən 2019-cu ilə qədər su dünya üzrə 300-ə yaxın münaqişənin əsas səbəbi olub. Bu, yalnız başlanğıcdır” - deyə, Pauer bildirib.
Birləşmiş Millətlər Təşkilatının hesablamalarına görə, su qıtlığı bu onilliyin sonuna qədər 700 milyona yaxın insanın köç və miqrasiyasına səbəb olacaq. ABŞ-ın su və kanalizasiyaya yardımının bir hissəsi olaraq, 2008-ci ildən USAID 70 milyon insanın içməli su xidmətlərinə çıxış əldə etməsinə kömək edir, təxminən 55 milyon insanı davamlı kanalizasiya ilə təmin etməyə çalışaraq, 2018-ci ildən kanalizasiya və su sektorlarına yeni maliyyələşmə üçün 590 milyon dollar səfərbər edib.
“Ancaq indi dincəlmək vaxtı deyil. Su qıtlığı böyük problemdir, çünki ekstremal hava və istilər keçmişdə su qıtlığından o qədər də narahat olmamış bir çox icmalara təsir göstərir. Biz qlobal su təhlükəsizliyini təşviq etmək, hər bir insana təmiz su, kanalizasiya və gigiyena üçün universal hüququnu həyata keçirməyə kömək etmək öhdəliyimizi bir daha təsdiq etməliyik" - deyə, Pauer bildirib.