ABŞ Dövlət katibi Antoni Blinken İqtisadi Rifah naminə Amerika Tərəfdaşlığının regional xarici işlər nazirlərinin bu yaxınlarda keçirilən toplantısında bəyan edib ki, Qərb yarımkürəsinin xalqlarını tarix və coğrafiya, ailə və icma, ticarət birləşdirir.
Blinken bildirib ki, iki il əvvəl təməli qoyulan və 12 dövləti əhatə edən tərəfdaşlıq “bütün ölkələrimiz və bütün xalqlarımız üçün daha təhlükəsiz, daha firavan, daha demokratik gələcək üçün ortaq ümidlərə bağlıdır. Bu tərəfdaşlıq iqtisadi əlaqələrimizin müasirləşdirilməsi, iqtisadiyyatlarımızı aşağıdan yuxarı və ortadan yuxarıya doğru inkişaf etdirmək üçün daha geniş səylərin bir hissəsidir. Rəqabət qabiliyyətimizi artırmağın yolunun işçilərimizin, eləcə də iqlimimizin müdafiəsini gücləndirmək olduğunu nümayiş etdirmək; təchizat zəncirlərimizi daha davamlı etmək; rəqəmsal infrastrukturumuzun etibarına, təhlükəsizliyinə və açıqlığına sadiq olmaq” - deyə, Dövlət katibi bildirib.
Blinken qeyd edib ki, Amerika Tərəfdaşlıq Platforması, Amerikalararası İnkişaf Bankı və ABŞ Beynəlxalq İnkişaf Maliyyə Korporasiyası bütün yarımkürədə özəl sektoru infrastruktur investisiyalarını cəlb etmək üçün texniki yardım və maliyyə ilə təmin edir.
"Təchizat zəncirlərimizin əsasını təkmilləşdirməklə, daha yaxşı infrastruktur insanlarımızın güvəndiyi malların - yarımkeçiricilər, elektrik nəqliyyat vasitələrinin akkumulyatorları, tibbi ləvazimatlar, daha əlverişli, daha təhlükəsiz və Amerika qitəsində istehsal olunmasına kömək edəcək. Biz həm də insanlarımıza sərmayə qoyuruq" - deyə, Blinken əlavə edib.
Kosta Rika Amerika qitəsinin hər yerindən gələn işçiləri kibertəhlükəsizlikdən süni intellektə qədər gələcəyin yüksək texnologiyalı sahələrində daha rəqabətli olmağa hazırlamaq üçün Mükəmməllik Mərkəzi yaradıb. Birləşmiş Ştatlar, Kanada və Uruqvay bütün regionda 750 sahibkarı işə götürmək və öyrətmək üçün sürətləndirici təsis edib.
Blinken CHIPS Aktı [Yarımkeçiricilər İstehsalına Faydalı Təşviqlərin Yaradılması] kimi tanınan ABŞ qanunvericiliyi tərəfindən təmin edilən maliyyə ilə mümkün olan Qərb Yarımkürə Yarımkeçirici Təşəbbüsü adlı yeni birgə təşəbbüsü elan edib.
"Bu təşəbbüs ölkələrin Meksika, Panama və Kosta Rikadan başlayaraq yarımkeçiriciləri yığmaq, sınaqdan keçirmək və qablaşdırmaq imkanlarını artıracaq. Bir çox insan İqtisadi Rifah naminə Amerika Tərəfdaşlığının işindən faydalanmağa hazırdır. Əgər biz bu tərəfdaşlığın tam vədinə əməl etsək, düşünürəm ki, ölkələrimizin istəklərini həyata keçirməyə kömək etmək, onların demokratiyalarımıza inamını gücləndirmək və daha ədalətli bir dövlət, hamı üçün davamlı və firavan region qurmaq üçün tarixi imkanımız var” - deyə, ABŞ Dövlət katibi bildirib.