Bu gün təqribən iki milyard insan münaqişələr yaşanan ərazilərdə yaşayır.
ABŞ-ın Birləşmiş Millətlər Təşkilatındakı səfiri Linda Tomas-Qrinfild “Bizim vəzifəmiz daha bir nəfərin müharibə cəhənnəmini yaşamasını dayandırmaq olmalıdır” deyib. Səfir Tomas-Qrinfild bildirib ki, yaxşı xəbər odur ki, “biz sülhü təşviq edən şərait yaratmağı bilirik”.
İlk addım sözlərdən kənara çıxmaq və bunların qarşısının alınmasına investisiya qoymaqdır:
Qarşısının alınması uzunmüddətli, hərtərəfli və əhatəli yanaşmalar tələb edir; siyasi iradə, effektiv tərəfdaşlıq, davamlı resurslar və milli mülkiyyət. Milli strategiyaların işlənib hazırlanmasının münaqişənin səbəblərini həll etməyə və sülh üçün milli infrastrukturları gücləndirməyə kömək etdiyi göstərilmişdir. Geniş töhfə və dəstək ilə prafilaktika strategiyaları dövlət institutlarını gücləndirə, qanunun aliliyini təşviq edə, vətəndaş cəmiyyətini gücləndirə və daha çox tolerantlıq və sosial birlik yarada bilər.
Səfir Tomas-Qrinfild “Sülh, inkişaf və humanitar səylər bir-birindən asılı və gücləndiricidir” deyib. O, həmçinin üzv dövlətləri münaqişələrin qarşısının alınması ilə bağlı bir-birindən öyrənməyə davam etməyə çağırıb.
Səfir qeyd edib ki, Sierra Leone buna misaldır: “Sierra Leone müharibədən sonrakı institutların yenidən qurulması və gücləndirilməsində, xalqının və müharibə qurbanlarının bəzi təcili ehtiyaclarının həllində, o cümlədən Həqiqət və Barışıq Komissiyasının yaradılması yolu ilə əhəmiyyətli irəliləyiş əldə edib.
Sülh Quruculuğu Fondunun Sierra Leoneyə dəstəyinə quru münaqişəsi, transsərhəd və sərhədyanı icmaların zəiflikləri, qadınların və gənclərin səlahiyyətləndirilməsi və iştirakına güclü diqqət daxildir.
Səfir Tomas-Qrinfild deyib ki, münaqişələrin qarşısının alınmasnın alınmasının effektiv və sülhyaratma səyləri inklüziv olmalıdır:
“Qadınlar, gənclər və digər kifayət qədər təmsil olunmayan səslər siyasi və ictimai həyatda tam, bərabər və mənalı şəkildə iştirak edə bildikdə, siyasətlər və onların həyata keçirilməsi bütün cəmiyyətin ehtiyaclarını daha çox əks etdirəcək və uzunmüddətli və davamlı nəticələr verəcək”- deyə o bildirib.
Gələn ay keçiriləcək Gələcəyin Sammiti və ondan sonrakı 2025-ci il Sülh Quruculuğu Arxitektura İcmalı münaqişələrin qarşısının alınması və vasitəçilik də daxil olmaqla, sülhyaratma səylərini gücləndirmək üçün mühüm vasitədir.
Birləşmiş Ştatlar Haiti, Liviya, Mozambik və Papua Yeni Qvineya, eləcə də Qərbi Afrikanın sahilyanı regionu kimi dörd prioritet ölkədəki 10 illik planları vasitəsilə BMT-nin münaqişələrin qarşısının alınması və sülhün qurulması səylərinə sadiq qalır.
Birləşmiş Ştatlar münaqişələrin qarşısının alınması, vasitəçilik və sülh səyləri üçün BMT-nin təşəbbüslərinin arxasında durmaqda davam edəcək və hər bir üzv dövləti eyni şeyi etməyə çağırır.