ئەم وتارەی لە دەنگی ئەمەریکا بڵاوکراوەتەوە ڕاوبۆچوونی حکومەتی ئەمەریکایە
ئەو دەوڵەتانەی هەوڵی بەهێزکردنی دیموکراسیەکانیان دەدەن دەبێت تێبکۆشن بۆ دڵنیابوون لە دەستەبەرکردنی دەرفەت بۆ هەموو کەسێک و دەبێت ئەوەش بەرەوپێشچوونی بەشداریکردنی ژنان و کچان لەخۆبگرێت.
هیچ دیموکراسییەک بەبێ بەشداری هەموو هاوڵاتیانی تەواو نییە ، هەربۆیە ئەو دەوڵەتانەی هەوڵی بەهێزکردنی دیموکراسیەکانیان دەدەن دەبێت تێبکۆشن بۆ دڵنیابوون لە دەستەبەرکردنی دەرفەت بۆ هەموو کەسێک و دەبێت ئەوەش بەرەوپێشچوونی بەشداریکردنی ژنان و کچان لەخۆبگرێت. لە ئەمڕۆدا لەبەر ئەوەی ئینتەرنێت ئامرازێکی گرنگە لە بەشداریکردن لە زنجیرەیەکی بەرینی هەوڵەکان ، هەربۆیە دەبێت ئەوانەی کار بەرەو ئاڕاستەی یەکسانی جێندەری دەکەن زیانەکانی هەراسانکردن و پێشێلکاری لە ڕیی ئینتەرنێتەوە کە کچان و ژنان دەکەنە ئامانج چارەسەربکەن.
هەراسانکردنەکان لەسەر بنەمای ڕەگەزیی لە ڕێی ئینتەرنێتەوە پێشێلکارییەکی بە ئامانجکراوە لە ڕێی تەکنەلۆژییەوە دژ بە خەڵک و لە زۆربەی حاڵەتەکاندا دژ بە ژنان و کۆمەڵگەی هاورەگەز خوازانی نێر و مێیە لەسەر بنەمای رەگەزی . ئەوەش بەربەستێکە لە بەردەم مسۆگەرکردنی ئەوەی کە ژنان و کچان بتوانن بگەنە تەواوی تواناکانیان .
ئەوەش لە چەندا کاری جۆراوجۆر پێکدێت وەک رق لە ژنان یان ئاماژەکانی سێکسی نەخوازراو ، هەڕەشەلێکردن و ناردنی وێنەی سێکسی و هاوبەشیپێکردنی زیانبەخشی پەیام و وێنەی سێکسی و تەنانەت بەکارهێنانی ئینتەرنێت بۆ شوێنهەڵگرتنی کەسەکان ئەوانەی لەڕێی پلاتفۆرمەکانی سۆشیاڵ میدیا و تەکنەلۆژیاوە گەورەدەکرێن یان دەستەبەردەکرێن.
ئەم ڕەفتارانە بە مەبەستی کۆنترۆڵکردن و هێرشەکرد و دەمکوتکردنی ژنان و کچانە بۆ ئەوەی ساردیان بکەنەوە و بەشداریکردنیان لە ژیانی گشتیدا کەمبکەنەوە .سیاسەتمەدارانی ژنان و چالاکوانان و هەروەها رۆژنامەوانان ئامانجی سەرەکین. هەراسانکردن و پێشێلکاری لە رێی ئینتەرنێتەوە دەگەڕێتەوە بۆ سەرەتای سەردەمی ئینتەرنێت . هەراسانکردن و پێشێلکاری لە رێی ئینتەرنێتەوە رەگیداکوتاوە لە جیاوازیە چەسپیوەکانی ڕەگەزیدا و بە تێپەڕبوونی کات زیادیانکردووە و کارئاسانیان لە رێی تەکنەلۆژیا نوێیەکان و ئەوانەی هاتوونەتە گۆڕی بۆ کراوە و ئەوانە هەڕەشەیەکی جدین بۆ پێشکەوتنی ژنان لەبەرئەوەی کاریگەری زیانبەخشیان لەسەر بە ئامانجکراوەکانیان هەیە. ئەوان وەک بەربەستێک بۆ رێگریکردن لە بەشداری تەوا و بە ئاکامی ژنان و کچان لە ژیانی سیاسی و گشتی و تایبەتدا کاردەکەن و دەشێت ببێتە مایەی خۆ سانسۆرکردن و تەنانەت بە تەواوی پاشەکشێکردن.
لە کۆبوونەوەی لوتکەیی هەردوو ئەمەریکا ئەوەی بەم دوایانە بەسترا ، حکومەتانی کەنەدا و شیلی پەیمانیاندا پەیوەندی بە وڵاتانی ئەمەریکا و ئوسترالیا و دانمارک و نیوزیلاند و کۆماری کۆریای باشور و سوید و کینیا و بەریتانیاوە بۆ هاوبەشیکردنی جیهانی بکەن لەپێناو کارکردن لەسەر هەراسانکردن و پێشێلکاری لەسەر بنەمای رەگەزیی لە رێی ئینتەرنێتەوە .
ویلایەتە یەکگرتوەکانی ئەمەریکا هاوبەشیکردنەی جیهانییەکەی لە یەکەم کۆبوونەوەی لوتکەیی بۆ دیموکراسی ڕاگەیاند بەر لە دووەم کۆبوونەوە لوتکەییەکەی سەرەتای ساڵی 2023 . هاوبەشیکردنەکە ئاماژەیەکی ڕوون دەدات بەوەی کە کۆمەڵگەی نێودەوڵەتی وابەستەی باشکردنی وەڵامدانەوەیە بۆ توندوتیژی لەسەر بنەمای رەگەزیی ئەوەی تەکنەلۆژی کارئاسانی بۆ دەکات و هەروەها هاوبەشیکردنەکە برەو بە ستراتیژەکانی ڕێگریکردن بە شێوەیەکی کاریگەر دەدات .
بەڕێوەبەری ئەنجومەنی سیاسەتی رەگەزیی کۆشکی سپی "جێنیفەر کلاین" گوتی ئێمە ناتوانین گۆشەنیگا هەمجۆرەکان یان دەنگی ژنان و ڕوانگەکانیان و هەروەها ڕابەرایتەیکردنیان لەدەستبدەین ، بە تایبەت لە کاتێکدا کاتێک دیموکراسی نابێت بەکەم تێی بڕوانرێت لەو کاتەی ژنان و پیاوانی ئازا لە ئۆکرانیا شەڕ لە پێناو پارێزگاریکردن لە دیموکراسیەکانیان دەکەن.