Abaalmarinta Haweenka Geesinimada leh waxay lagu sharfaa haweenka adduunka oo dha, kuwaas oo muujiyay geesinimo gaar ah, xoog iyo hoggaanka u doodista nabadda, caddaaladda, xuquuqda aadanaha, jinsiga iyo sinnaanta, iyo xoojinta haweenka iyo gabdhaha, dhammaan kala duwanaanshahooda oo had iyo jeer ku jira khatar shakhsiyeed iyo naf hurida ah.
Ku guuleystaha ugu horreeya sanadkan waa Benafsha Yacobi, inkastoo ay hadda ku nooshahay musaafuris, waxay sii waddaa inay si hagar la'aan ah ugu doodo dadka Afgaanistaan ee naafada ah.
Fouzia Karim Feroz waa qareen ka tirsan maxkamadda sare ee Bangladesh, taasoo u dagaalamaysay xuquuqda kooxaha la heyb sooco in ka badan sodon sano.
Dalka Belarus, Folha Harpunova waa difaace xuquuqda aadanaha ah oo nafteeda u hurtay difaacida xuquuqda haweenka iyo kooxaha kale ee la takooro ee Belarus.
Ajna Jusić oo ka socota Bosnia-Herzegovina waxay u doodaa muuqaalka bulshada iyo sharciga ee carruurta ku dhalatay kufsiga inta lagu jiro dagaalka iyo ka soo horjeeda ceebaha bulsheed ee la xidhiidha.
Myintzu Win waa qareen difaaca dambiyada Burma kaasoo u ololeeya xuquuqda beelaha la haybsooco ee Burma.
Martha Beatriz Roque Cabello waa mucaarid siyaasadeed Kuuba waxayna hormuud ka tahay taageeraha xuquuqul insaanka iyo xoriyada diinta ee Cuba waxayna aasaastay oo hogaamisay ururada xuquuqul insaanka iyo dimoqraadiyada.
Abaalmarinta qofka heshay Fátima Corozo waa u doodaha dhalinyarada Esmeraldas - magaalada ugu rabshadaha badan Ecuador.
Iyadoo baarlamaanka Gambia ay hadda ka doodayaan in la baabi'iyo mamnuucidda gudniinka fircooniga ah iyo jarista 2015-ka, ayay Fatou Baldeh, oo ka badbaaday gudniinka fircooniga ah, waxay u ololeyneysaa in haweenka iyo gabdhaha laga ilaaliyo gudniinka noocan oo kale ah.
Fariba Balouch waa u dhaqdhaqaaqe xuquuqul insaanka Iran fadhigeeduna yahay London. Dhaqdhaqaaqeeda awgeed, mas'uuliyiinta Iran waxay u hanjabeen nolosheeda waxayna ku xireen wiilkeeda iyo walaalkeed Iran.
Rina Gonoi oo u dhalatay dalka Japan ayaa soo qaadatay arrinta ku saabsan xadgudubyada dhanka galmada ah ee ka dhanka ah haweenka ka tirsan ciidamada.
Rabha El Haymar oo u dhalatay dalka Marooko ayaa si guul ah u dagaalantay si ay u hesho aqoonsiga guur dhaqameedkeeda si ay gabadheeda uga badbaadiso nolol la takooro oo ah ilmo aan sharci lahayn.
Agather Atuhaire waa saxafi caan ah, qareen iyo u dhaqdhaqaaqa cadaalada bulshada oo u dooda xuquuqul insaanka, la xisaabtanka dadweynaha, iyo sharciga dalka Uganda.
Abaalmarinta Kooxda Sharafta leh ee Madeleine Albright ayaa la guddoonsiiyay sagaal haween ah oo ka mid ahaa 222 maxbuus siyaasadeed oo laga sii daayay xabsiga bishii Febraayo 2023 iyo kuwa kale oo badan oo u dhaqdhaqaaqa Nicaraguan kuwaas oo sii wada u dagaallamaya dimuqraadiyadda iyo xuquuqda aadanaha.
Sida xoghayaha arrimaha dibadda ee Antony Blinken yiri, "Mareykanku wuxuu garab taagan yahay haweeney kasta oo geesinimo leh si ay u dhisto xasillooni weyn, sinnaan weyn, iyo fursad weyn."
Tani waxay aheyd faallo ka tujumeysa aragtida dowlada Mareykanka.