Accessibility links

Breaking News

Diplomatiya Rusiya-Ukrayna böhranında irəliyə doğru yoldur


Viktoriya Nuland

Rusiya Ukrayna sərhədlərinə 100 min əsgər yığmaqla beynəlxalq böhran yaradıb.

Dövlət katibinin siyasi məsələlər üzrə müavini Viktoriya Nuland bu yaxınlarda keçirdiyi mətbuat konfransında “Ukrayna üçün daxili təxribat, sabitliyi pozmaq və saxta bayraq variantları hazırlayan Rusiyadır” deyib.

O bildirib ki, Rusiya öz əməllərinə haqq qazandırmaq üçün Ukrayna, ABŞ və NATO haqqında dezinformasiya və yalanlar yayır. ABŞ bu təxribatlara bir sıra diplomatik danışıqlarla cavab verib.

Dövlət katibinin müavini Nuland deyib: “Diplomatiya Ukrayna, Avropa və Rusiyanın özü üçün sabitliyi və təhlükəsizliyin bərpası üçün ən yaxşı seçimdir”.

Rusiya ilə Strateji Sabitlik Dialoqunda ABŞ hərbi şəffaflıq, risklərin azaldılması tədbirləri və təlimlər ilə bağlı ilkin ideyaları masaya qoymaqla diplomatiyaya sadiqliyini nümayiş etdirir.

Nuland deyib ki, biz açıq şəkildə bildirdik ki, həqiqi tərəqqi yalnız gərginliyin azaldılması şəraitində, deeskalasiya şəraitində və əsl qarşılıqlılıq əsasında baş verə bilər. Bu, Rusiyadan masa arxasında qalmağı və gərginliyi azaltmaq üçün konkret addımlar atmağı tələb edir.

Nuland deyib: “Rusiyanın indi etməli olduğu ciddi seçim var: diplomatiya və dialoq yolu tutmaq, yoxsa bunun əvəzinə qarşıdurma və bunun gətirəcəyi kütləvi nəticələrə can atmaq. Rusiya hökuməti Ukraynanı daha da işğal edərsə, Ukraynada sabitliyi daha da pozarsa, biz müttəfiqlərimiz və tərəfdaşlarımızla ciddi xərclər qoymağa hazırıq. Biz kütləvi iqtisadi tədbirlərlə, o cümlədən əvvəllər istifadə olunmayan tədbirlərlə cavab verəcəyik və Rusiya iqtisadiyyatına, maliyyə sisteminə çox ciddi ziyan vuracağıq. Lakin bir daha vurğulayım ki, bizim üstünlüyümüz diplomatiyadır”.

Bu yanaşma keçmişdə öz nəticəsini verib.

“Biz sülh və təhlükəsizliyin əsasını təşkil edən çoxsaylı sənədlər, o cümlədən Helsinki Sazişləri, INF Müqaviləsi və digər silahlara nəzarət sazişləri ilə bağlı danışıqlar aparmışıq. Müttəfiqlərimizlə və maraqlarına toxunulan hər bir ölkə ilə tam məsləhətləşmələr və koordinasiya əsasında diplomatiya irəliyə doğru yoldur” - deyə, Nuland bildirib.

XS
SM
MD
LG