Accessibility links

Breaking News

Xerson, Zaporijjya, Donetsk və Luhansk Ukraynadır


Moskvanın 2104-cü ildə ilhaq etdiyi Krımda Cankoy qatar stansiyasında Rusiyanın ilhaq etdiyi Xerson vilayətindən gələn insanlar Rusiyaya evakuasiya olunmağı gözləyir. 21 oktybar, 2021.

Sentyabrın 30-da Rusiya prezidenti Vladimir Putin Rusiyanın Ukraynanın dörd bölgəsini – Donetsk, Luhansk, Xerson və Zaporojjyanı ilhaq etməyə cəhd etdiyini bəyan edib. Onların heç biri Rusiyanın nəzarəti altında deyildi. Putinin açıqlaması tez bir zamanda bu ərazilərdə yaşayan Ukrayna vətəndaşlarının Rusiyanın ilhaq cəhdi ilə razılaşdıqlarını göstərmək üçün səhnələşdirilmiş, şəffaf şəkildə saxta "referendum"a çevrildi.

"2014-cü ildə olduğu kimi [Putin Rusiyanın Ukraynanın Krım yarımadasının ilhaqını elan etdiyi zaman] Rusiya dünyanın beynəlxalq hüququn əsas prinsiplərinin müdafiəsi əzmini sınayır"- deyə, oktyabrın ortalarında Birləşmiş Millətlər Təşkilatının Baş Assambleyasının Rusiyanın Ukraynaya təcavüzü ilə bağlı xüsusi sessiyası zamanı Qrinfild bildirib.

"Suverenlik, ərazi bütövlüyü, sülh və təhlükəsizlik dəyərlərinə açıq-aşkar etinasızlığı başqa necə izah edirsiniz? Bu həftə gördüyümüz mülki şəxslərə və mülki infrastruktura qarşı dəhşətli hücumları başqa necə izah edirsiniz? Putinin qılınc cingildəməsini və onun nüvə qüvvələrinin yerləşdirilməsi ilə bağlı üstüörtülü hədələrini başqa necə izah edirsiniz? Bunlar bu quruma qarşı təhdidlərdir. Onlar hamımıza qarşı təhdiddir".

Birləşmiş Millətlər Təşkilatının Baş Assambleyasının ölkələri Rusiyanın Ukraynanın bu dörd bölgəsini ilhaq etmək cəhdini tanımamağa çağıran qətnaməsinə səsvermə ərəfəsində danışan səfir Tomas-Qrinfild Rusiyanın hərəkətlərinin müasir dünyamızda yeri olmadığını deyib.

"Ona görə də bu qətnamə sülhə çağırır və gərginliyin azaldılmasını tələb edir. Ancaq bu, həm də aydın şəkildə göstərir ki, biz Rusiyanın ilhaq cəhdlərini rədd edirik, ərazi bütövlüyünə, milli suverenliyə, sülh və təhlükəsizliyə qarşı bu təhqiri rədd edirik".

Qətnamə 143 üzv dövlətin lehinə, 5-nin əleyhinə, 35-nin isə bitərəf qalması ilə qəbul edilib.

Səfir Tomas-Qrinfild deyib: "Qətnamə Moskvaya və hər kəsə çox mühüm siqnal göndərir. Bir millət olaraq böyük və ya kiçik, zəngin və ya yoxsul, köhnə və ya yeni olmağınızın fərqi yoxdur. Əgər siz BMT-nin üzv dövlətisinizsə, sərhədləriniz sizindir və beynəlxalq hüquqla qorunur. Bu, BMT-dəki hər bir ölkəyə aiddir. Onları başqası zorla yenidən çəkə bilməz".

“[Səsvermənin] praktiki təsiri var. Bu o deməkdir ki, dünya və Birləşmiş Millətlər Təşkilatının gözündə Ukraynanın sərhədləri dəyişməz olaraq qalır”, səfir Tomas-Qrinfild deyib.

Səfirin kimi Xerson Ukraynadır. Zaporijjya Ukraynadır. Donetsk Ukraynadır. Luhansk Ukraynadır. Ukrayna isə Ukrayna olaraq qalır".

XS
SM
MD
LG