Accessibility links

Breaking News

Maareynta tartanka iyo xiriirka Shiinaha


FILE - U.S. President Joe Biden, right, and Chinese President Xi Jinping shake hands before a meeting on the sidelines of the G20 summit meeting on Nov. 14, 2022, in Bali, Indonesia. Worries over North Korea were also mentioned in high-profile talks betwe

Bishii November waxay ahayd bil muhiim u ah xiriirka ka dhexeeya Mareykanka iyo Shiinaha. Noofambar 14-keedii, Madaxweyne Joe Biden iyo Madaxweynaha Shiinaha Xi Jinping waxay kulmeen kulankoodii ugu horreeyay ee shaqsi ah tan iyo markii labadoodu ay la wareegeen xafiisyada.

Intii uu socday kulanka, Madaxweyne Biden waxa uu sharaxay in Mareykanka uu sii wadi doono inuu si adag ula tartamo PRC, waxa uuna ku celceliyay in tartankaan uusan noqon mid khilaafaad leh.

Madaxweyne Biden waxa uu hoosta ka xariiqay in Maraykanka iyo PRC ay tahay in ay ilaaliyaan khad isgaarsiineed oo furan, waxayna labada hoggaamiye ku heshiiyeen in la xoojiyo saraakiisha sare ee muhiimka ah si ay u sii qoto dheereeyaan dadaallada wax ku oolka ah ee dhinacyada danaha la wadaago.


Tan iyo markaas, waxaa jiray dhowr kulan oo heer sare ah oo dhexmaray mas’uuliyiinta labada dal. Kulan kasta, saraakiisha Maraykanku waxay ku nuuxnuuxsadeen baahida loo qabo xidhiidhka ka dhexeeya Maraykanka iyo PRC.

Noofambar 18, Madaxweyne ku xigeenka Kamala Harris waxa uu si kooban ula kulmay Madaxweyne Xi iyada oo ay wehelinayso Shirka Iskaashiga Dhaqaalaha ee Asia-Pacific, ama APEC, Kulanka Hoggaamiyeyaasha Dhaqaalaha ee Bangkok.

Sidoo kale qarka u saaran kulanka APEC ee Noofambar 18, Wakiilka Ganacsiga ee Mareykanka Katherine Tai ayaa la kulantay dhigeeda Wasiirka Ganacsiga ee PRC Wang Wentao [wong wen-TAU] kulankoodii ugu horeeyay ee fool ka fool ah. Marka laga soo tago ka hadalka ganacsiga labada dhinac, Danjire Tai wuxuu la wadaagay Wasiir Wang aragtida Mareykanka ee APEC, oo Mareykanka uu martigelin doono 2023.

Dhowr maalmood ka dib Noofambar 22, Xoghayaha Difaaca Mareykanka Lloyd Austin wuxuu la kulmay Wasiirka Difaaca Qaranka ee PRC Wei Fenghe [way fong-
GUH] ee Cambodia oo dhinac socda Shirka Wasiirada Difaaca ee Ururka Koonfur-bari Aasiya. Sida laga soo xigtay Pentagon-ka, labada hoggaamiye waxay ka wadahadleen muhiimada "wadahadal wax ku ool ah oo ku saabsan dhimista khatarta iyo kor u qaadista badbaadada hawlgalka." Xoghaye Austin "wuxuu kor u qaaday welwelka ku saabsan dabeecadda khatarta ah ee sii kordheysa ee ay muujisay PLA [Ciidanka Xoreynta Dadka] ee gobolka Indo-Pacific taasoo kordhisa khatarta shilka." Xoghaye Austin wuxuu kaloo carrabka ku adkeeyay baahida loo qabo in si xilkasnimo leh loo maareeyo tartanka u dhexeeya Maraykanka iyo PRC.

Xoghayaha Arrimaha Dibedda Antony Blinken ayaa hadda qorsheynaya inuu booqdo PRC sanadka cusub. "Madaxda adduunka," ayuu ku yiri shir jaraa'id oo uu qabtay, "waxay naga filayaan inaan u maareyno xiriirka si mas'uuliyad leh, oo sidoo kale aan helno habab iskaashi," oo ay ku jiraan arrimaha muhiimka ah sida cimilada, caafimaadka adduunka, iyo dhaqaalaha. "Taasi waa lagama maarmaan," ayuu yidhi Xoghaye Blinken, "ma aha oo kaliya horumarinta nolosha dadkeena, laakiin danaha dadka adduunka oo dhan."

Faalladan waxay ka turjumeysaa aragtida dowladda Mareykanka.

XS
SM
MD
LG