ئەم وتارەی لە دەنگی ئەمەریکا بڵاوکراوەتەوە ڕاوبۆچوونی حکومەتی ئەمەریکایە
بە داگیرکردنی دڕندانە و بێپاساوی ئۆکرانیا، ڕووسیا کە ئەندامی هەمیشەیی ئەنجومەنی ئاسایشی نەتەوە یەکگرتووەکانە ، هەڕەشە لە کرۆکی ئەرکی نەتەوە یەکگرتووەکان دەکات بۆ پارێزگاریکردن لە ئاشتنی و ئاسایشی نێودەوڵەتی.
سەرۆک جۆو بایدن لە وتاری ئەم دواییەدا بۆ ئەنجومەنی گشتی گوتی بە داگیرکردنی دڕندانە و بێپاساوی ئۆکرانیا، ڕووسیا کە ئەندامی هەمیشەیی ئەنجومەنی ئاسایشی نەتەوە یەکگرتووەکانە ، هەڕەشە لە کرۆکی ئەرکی نەتەوە یەکگرتووەکان دەکات بۆ پارێزگاریکردن لە ئاشتنی و ئاسایشی نێودەوڵەتی.
سەرۆک بایدن ڕایگەیاند "ڕووسیا بێشەرمانە بنەما بنەڕەتییەکانی ناوەرۆکی دەستورنامەی نەتەوە یەکگرتووەکانی پێشێلکرد"، گوتیشی " هیچ شتێک گرنگتر نییە لە گەمارۆی ئاشکرا لەسەر ئەو وڵاتانەی کە بەزەبری هێز خاکی وڵاتی هاوسێیان داگیردەکەن.
لە مانگی دووی ساڵی 2022 دا ، بە ماوەیەکی کەم دوای ئەوەی کرێملن دەستیکرد بە داگیرکارییە بەربڵاوەکەی، ئەنجومەنی ئاسایش دەنگی لەسەر بڕیاریک دا و دەستدرێژیەکانی ڕووسیا سەرکۆنەدەکات و داوای دەستبەجێ کشانەوەی هێزەکانی ڕووسی لە ئۆکرانیا دەکات. بەڕەچاوکردنی ڕاستییەکان و پرینسیپەکانی دەستورنامەی نەتەوە یەکگرتووەکان ، دەبوایە بڕیارەکە بە ئاسانی پەسەندبکرایە .
بەڵام وێڕای پشتیوانی 11 ئەندامی ئەنجومەنی ئاسایش ، کەچی بەهۆی یەک دەنگی "نەخێر" لەلایەن ڕووسیاوە ، شکست بە بڕیارەکە هێنرا. هەر یەکێک لە 5 ئەندامی هەمیشەیی ئەم توانای ڤیتۆکردنەیان هەیە و دەشێت ئەوە ببێتە سەرچاوەیەکی شێواندنی مەترسیدار بۆ دابونەریتە نێودەوڵەتیەکان ، کاتێک یەکێک لە ئەندامانی بە زەقی ئەو دابونەریتانە پشتگوێ دەخات لەپێناو هەوڵدان بۆ بەرژەوەندییە هەڵەشەکانی خۆی.
باڵێۆزی ویلایەتە یەکگرتووەکانی ئەمەریکا بۆ نەتەوە یەکگرتووەکان لیندا تۆمس - گرینفیڵد بەم دایانە ئاماژەیکرد کە لە ساڵی 2009 وە ، ڕووسیا 26 ڤیتۆی بەکارهێناوە و 12 ڤیتۆیان چین دەنگی خۆی خستووەتە پاڵ ڕووسیا ، هاوکات ویلایەتە یەکگرتووەکانی ئەمەریکا تەنها 4 جار ڤیتۆی بەکارهێنا . لیندا تۆمس - گرینفیڵد گوتی" هەر ئەندامێکی هەمیشەیی نەتەوە یەکگرتووەکان کە مافی ڤیتۆ بەکاردەهێنێت بۆ بەرگریکردن لە ڕەفتارە دوژمنکارییەکانی ، ئەوا دەسەڵاتی ئەخلاقی لەدەستدەدات و دەبێت بەرپرسیار بکرێت."
لە وتارەکەیدا بۆ ئەنجومەنی گشتی ، سەرۆک بایدن داوای گرتنەبەری ئەو ڕێکارانەی کرد بۆ بەهیزکردنی متمانە و کاریگەریی ئەنجومەنی ئاسایش . سەرۆک بایدن ڕایگەیاند کە " ئەندامانی ئەنجومەنی ئاسایشی نەتەوە یەکگرتووەکان ، لە نێویاندا ویلایەتە یەکگرتووەکانی ئەمەریکا دەبێت بەردەوام پشتیوانی و بەرگری لە دەستورنامەی نەتەوە یەکگرتووەکان بکەن و هەروەها خۆیان لە بەکارهێنانی ڤیتۆ بەدور ڕاگرن ، تەنها لە بارودۆخی کەم شێوە و ئەوپەڕی نائاساییدا نەبێت .
سەرۆک بایدن ڕاشیگەیاند کە ویلایەتە یەکگرتووەکانی ئەمەریکا پشتیوانی لە ئەنجومەنەکە دەکات ، لە هەر یەک لە ئەندامانی هەمیشەی و هەروەها نا هەمیشەی ئەنجومەنەکە. لە وتارەکەیدا سەرۆک جۆو بایدن داوای کورسی هەمیشەیی بۆ "وڵاتان لە ئەفریکا و ئەمەریکای لاتینی و هەروەها لە کاریبی کرد".
سەرۆک بایدن گوتی،" کاتی ئەوە هاتووە کە ئەم دامەزراوەیە زیاتر گشتگیر بێت بۆ ئەوەی بتوانێت باشتر وەڵامی پێداویستیەکانی ئەمڕۆی جیهان بداتەوە و گوتیشی ویلایەتە یەکگرتووەکانی ئەمەریکا وابەستەی ئەم کارە گرنگە دەبێت."