“ໃນຂະນະທີ່ພວກເຮົາກ້າວເຂົ້າສູ່ປີ 2024, ພວກເຮົາຈະສືບຕໍ່ຢືນຄຽງບ່າຄຽງໄຫຼ່ກັບຜູ້ທີ່ມີວິໄສທັດດຽວ ກັນກັບພວກເຮົາສຳລັບໂລກທີ່ເສລີ, ເປີດກວ້າງ, ຈະເລີນຮຸ່ງເຮືອງ ແລະ ປອດໄພ,” ອີງຕາມການປະກາດຂອງລັດຖະມົນຕີການຕ່າງປະເທດ ທ່ານ ແອນໂທນີ ບລິງເຄັນ ຢູ່ກອງປະຊຸມຖະແຫຼຂ່າວທ້າຍປີ.
ລັດຖະມົນຕີ ບລິງເຄັນ ກ່າວວ່າ “ທຳອິດ, ພວກເຮົາຈະສືບຕໍ່ປຸກລະດົມທົ່ວໂລກ ເພື່ອສະ ໜັບສະໜູນເສລີ ພາບ ແລະ ອິດສະຫຼະພາບຂອງ ຢູເຄຣນ ແລະ ເພື່ອຮັບປະກັນວ່າ ການຮຸກຮານຂອງ ຣັດເຊຍ ຈະຄົງເປັນຄວາມລົ້ມແຫຼວທາງດ້ານຍຸດທະສາດ.*
ທ່ານກ່າວວ່າ “ຣັດເຊຍ ແມ່ນອ່ອນແອລົງກວ່າເກົ່າໃນດ້ານທະຫານ, ເສດຖະກິດ ແລະ ການທູດ. ອົງການ NATO ແມ່ນໃຫຍ່ກວ່າເກົ່າ ແລະ ແຂງແກ່ນກວ່າເກົ່າ ແລະ ມີຄວາມ ສາມັກຄີຫຼາຍກວ່າຈຸດໃດໆໃນປະ ຫວັດສາດເກືອບ 75 ປີຂອງເຂົາເຈົ້າ. ປີນີ້, ພວກເຮົາໄດ້ ເພີ່ມສະມາຊິກປະເທດທີ 31 ຂອງ NATO ຄື ຟິນແລນ. ແລະ ສວີເດັນ ຈະເຂົ້າຮ່ວມໃນ ໄວໆນີ້, ເຊິ່ງເປັນການນຳເອົາຄວາມແຂງແກ່ນ ແລະ ຄວາມສາມາດມາສູ່ພັນທະມິດປ້ອງ ກັນປະເທດຂອງພວກເຮົາ.”
ບູລິມະສິດອີກອັນນຶ່ງສຳລັບປີ 2024 ຈະເປັນການສືບຕໍ່ພົວພັນກັບ ຈີນ ຈາກຕຳແໜ່ງທີ່ໃຫ້ຄວາມໄດ້ປຽບ, ອີງຕາມລັດຖະມົນຕີ ບລິງເຄັນ.
ທ່ານກ່າວວ່າ “ພວກເຮົາໄດ້ເສີມຂະຫຍາຍການຮ່ວມມື ແລະ ການປະສານງານລະຫວ່າງ ອົງການ NATO ແລະ ບັນດາພັນທະມິດອິນໂດ-ປາຊີຟິກຂອງພວກເຮົາ. ຄວາມພະຍາ ຍາມທີ່ວ່ານີ້ໄດ້ອະນຸຍາດໃຫ້ພວກເຮົາພົວພັນຢ່າງມີປະສິດທິພາບຫຼາຍຂຶ້ນກວ່າເກົ່າ ເວລາ ຈັດການກັບບັນຫາທີ່ໜ້າເປັນຫ່ວງ, ຄືບັງ ຄັບດ້ານການຄ້າ ແລະ ການປະຕິບັດດ້ານເສດ ຖະກິດຕ່າງໆຂອງ ຈີິນ, ສັນຕິພາບ ແລະ ຄວາມໝັ້ນຄົງໃນຊ່ອງແຄບໄຕ້ຫວັນ ແລະ ທະເລ ຈີນ ຕາເວັນອອກ ແລະ ທະເລຈີນໃຕ້, ແລະ ສິດທິມະນຸດ.”
ສາມ, ສະຫະລັດ ແມ່ນມີຄວາມມຸ່ງໝັ້ນທີ່ຈະເຮັດວຽກກັບປະເທດອື່ນໆ ເພື່ອຜົນປະໂຫຍດຂອງປະຊາຊົນຂອງພວກເຮົາ ແລະ ສຳລັບປະຊາຊົນໃນທົ່ວໂລກ, ອີງຕາມການກ່າວຂອງລັດຖະມົນຕີ ບລິງເຄັນ.
ທ່ານກ່າວວ່າ “ນັ້ນແມ່ນສິ່ງທີ່ພວກເຮົາໄດ້ເຮັດໃນປີ 2023, ປຸກລະດົມການລວມຕົວກັນຂອງລັດຖະບານ, ທຸລະກິດ, ສັງຄົມພົນລະເຮືອນ, ສະຖາບັນໃນພາກພື້ນ ແລະ ຫຼາຍຝ່າຍເພື່ອປາບປາມຄວາມບໍ່ໝັ້ນຄົງດ້ານອາຫານ, ເພື່ອສົງເສີມຄວາມໝັ້ນຄົງ, ຄວາມປອດ ໄພ, ລະບົບປັນຍາປະດິດທີ່ໜ້າເຊື່ອຖື: ເພື່ອຕໍ່ສູ້ກັບວິກິດ ການຢາເສບຕິດສັງເຄາະ, ເພື່ອຢຸດການລະບາດຂອງລັດຖະບານທີ່ກັກກຂັງຄົນຕ່າງປະເທດຕາມອຳເພີໃຈເພື່ອຫາປະ ໂຫຍດ: ເພື່ອເຄື່ອນຍ້າຍເງິນຫຼາຍຮ້ອຍຕື້ໂດລາເພື່ອສ້າງພື້ນຖານໂຄງລ່າງທາງກາຍະພາບ, ດິຈິຕອລ, ພະລັງງານສະອາດ ແລະ ສຸຂະພາບໃນທົ່ວບັນດາປະເທດທີ່ກຳລັງພັດທະນາ.”
ໃນດ້ານຄວາມຂັດແຍ້ງລະຫວ່າງ ອິສຣາແອລ ແລະ ກຸ່ມຮາມາສນັ້ນ, ລັດຖະມົນຕີ ບລິງເຄັນ ໄດ້ກ່າວວ່າ ສະຫະລັດ ຈະເພັ່ງເລັງໃສ່ “ການຊ່ວຍເຫຼືອ ອິສຣາແອລ ຮັບປະກັນວ່າສິ່ງທີ່ໄດ້ເກີດຂຶ້ນໃນວັນທີ 7 ຕຸລາ ຈະບໍ່ມີວັນເກີດຂຶ້ນອີກ, ເຮັດໃຫ້ຄວາມຂັດແຍ້ງ ສິ້ນສຸດລົງໄວເທົ່າທີ່ຈະໄວໄດ້ໃນຂະນະດຽວກັນປ້ອງກັນການສູນເສຍຊີວິດ ແລະ ຄວາມທຸກທໍລະມານຂອງພົນລະເຮືອນໃຫ້ໜ້ອຍທີ່ສຸດ, ປ້ອງກັນຄວາມຂັດແຍ້ງບໍ່ໃຫ້ແຜ່ລາມ, ແລະ ຄັ້ງນີ້ ແລະ ຄັ້ງສຸດທ້າຍທຳລາຍວົງຈອນຂອງຄວາມຮຸນແຮງທີ່ເປັນຕາຢ້ານ ແລະ ກ້າວໄປສູ່ສັນຕິພາບທີ່ດົນນານ ແລະ ຍືນຍົງ.”
ສະຫະລັດ ຫວັງທີ່ຈະເສີມຂະຫຍາຍເຄືອຂ່າຍຂອງເຂົາເຈົ້າກັບບັນດາພັນທະມິດ ແລະ ຄູ່ຮ່ວມເພື່ອບັນລຸສິ່ງທ້າທາຍຕ່າງໆຂອງປີ 2023.