Accessibility links

Breaking News

Birləşmiş Ştatlar COVID-19-a qarşı mübarizəni gücləndirir


ABŞ Dövlət Katibi Antoni Blinken Omikron variantının ortaya çıxması, həyatları xilas edən qayğı və peyvəndlərə ədalətli çıxış üçün davamlı çağırışlarla dünyanın COVID-19-a qlobal reaksiyasının kritik nöqtəsində olduğunu deyib.

Buna görə də Birləşmiş Ştatlar COVID-19 ilə qlobal mübarizədə çalışan yeddi beynəlxalq təşkilatı dəstəkləmək üçün Amerika Xilasetmə Planı Aktından əlavə 580 milyon dollar ayırır. Bu günə qədər ABŞ dünya üzrə 110-dan çox ölkə və iqtisadiyyatla 350 milyondan çox vaksin dozasını paylaşıb.

Birləşmiş Ştatlar bu virus və onun təsirləri ilə mübarizə məqsədi ilə tərəfdaşlarına həyat qurtaran sağlamlıq, iqtisadi və humanitar COVID-19 yardımı üçün 19,6 milyard dollardan çox vəsait ayırır.

"Omikron variantının sürətlə yayılması hamımızın bu pandemiyaya son qoymaq üçün səylərimizi sürətləndirməyə davam etməli olduğumuzu və hamımız təhlükəsiz olana qədər heç birimizin təhlükəsiz olmadığımızı gücləndirir" -deyə, Antoni Blinken.

Əlavə 580 milyon dollarla Birləşmiş Ştatlar pandemiyanın sona çatmasına kömək etmək üçün gördükləri kritik işi sürətləndirmək üçün yeddi belə tərəfdaşa dəstək verir. Bu maliyyəyə Ümumdünya Səhiyyə Təşkilatına 280 milyon dollar, o cümlədən Fövqəladə Hallar üçün Ehtiyat Fonduna 50 milyon dollar, xüsusən də müşahidə və laboratoriya testləri vasitəsilə COVID-19-un yayılmasının qarşısını almaq üçün ayrılan vəsait daxildir.

170 milyon dollar Birləşmiş Millətlər Təşkilatının Uşaq Fonduna yüksək riskli və həssas əhali də daxil olmaqla, bütün dünyada COVID-19 peyvəndlərini çatdırmaq üçün səylərini genişləndirəcək.

Amerika qitəsində COVID-19 peyvəndlərinin tətbiqi və monitorinqini dəstəkləmək üçün texniki əməkdaşlığı təmin etmək üçün Pan Amerika Səhiyyə Təşkilatını maliyyələşdirmək üçün 75 milyon dollar nəzərdə tutulub.

20 milyon dollar COVID-19-un sosial-iqtisadi təsirini aradan qaldırmaq üçün Birləşmiş Millətlər Təşkilatının İnkişaf Proqramına gedəcək. Daha 20 milyon dollar Birləşmiş Millətlər Təşkilatının Əhali Fonduna COVID-19 ilə bağlı ana və neonatal ölüm və xəstələnmə nisbətlərini azaltmaq səylərində kömək edəcək. 10 milyon ABŞ dolları Ərzaq və Kənd Təsərrüfatı Təşkilatına heyvanlarla yoluxan xəstəliklər üçün sağlamlıq nəzarətini, erkən xəbərdarlıq və risk qiymətləndirmə vasitələrini təkmilləşdirmək üçün gedəcək; və 5 milyon dollar gender əsaslı zorakılığın qarşısının alınması və onlara cavab vermək üçün BMT-nin Qadınlar proqramlarını maliyyələşdirəcək.

Bu resurslar Prezident Baydenin 2022-ci ildə COVID-19 pandemiyasına son qoymaq üçün qlobal ambisiyanı yüksəltmək öhdəliyinə uyğun olaraq, Birləşmiş Ştatların və Amerika xalqının daha sağlam, daha təhlükəsiz dünyaya olan dərin öhdəliyini əks etdirir.

See comments

XS
SM
MD
LG