ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ເມື່ອວັນທີ 5 ພຶດສະພາຜ່ານມານີ້ ຄະນະກຳມະການໃຫ້ລາງວັນອາຫານໂລກໄດ້ປະກາດຊື່ຜູ້ຊະນະລາງວັນດັ່ງກ່າວ ບຸກຄົນຜູ້ນັ້ນກໍຄື ດຣ. ຊິນເທຍ ໂຣເຊັນວາຍ (Cynthia Rosenweig) ນັກຄົ້ນຄວ້າອະວຸໂສ ດ້ານວິທະຍາສາດ ແລະຫົວໜ້າກຸ່ມປົກປ້ອງຜົນກະທົບ ຈາກການປ່ຽນແປງຂອງອາກາດ ທີ່ສະຖາບັນກອດດາ ເພື່ອການສຶກສາດ້ານອະວະກາດ ຂອງອົງການນາຊາ.
ລາງວັນອາຫານໂລກ ເປັນລາງວັນທີ່ມີກຽດ ຊຶ່ງຮູ້ກັນໃນອີກຊື່ນຶ່ງວ່າ “ລາງວັນໂນແບລໃນດ້ານກະເສດ ແລະອາຫານ” ແມ່ນການຮັບຮູ້ລະຫວ່າງປະເທດ ທີ່ສຳຄັນສຸດແຖວໜ້າຕໍ່ການບັນລຸຜົນສຳເລັດຂອງສ່ວນບຸກຄົນ ທີ່ສ້າງຄວາມກ້າວໜ້າໃຫ້ແກ່ການພັດທະນາຂອງມະນຸດ ດ້ວຍການປັບປຸງຄຸນນະພາບ ປະລິມານຫຼືການເພີ້ມຈຳນວນອາຫານທີ່ມີຢູ່ໃນໂລກ.
ດຣ. ໂຣເຊັນວາຍ “ໄດ້ໃຊ້ເວລາ 4 ທົດສະວັດເພື່ອປູກຝັງຄວາມເຂົ້າອົກເຂົ້າໃຈໃນຜົນກະທົບດ້ານຊີວະພາບທາງຟີຊິກແລະສັງຄົມເສດຖະກິດ ທີ່ການປ່ຽນແປງຂອງອາກາດແລະລະບົບອາຫານ ມີຕໍ່ກັນແລະກັນ ໂດຍປັບປຸງວິທີ ທີ່ພວກເຮົານຳໃຊ້ເພື່ອການພະຍາກອນທ່າອຽງເຫຼົ່ານີ້” ນັ້ນຄືຄຳເວົ້າຂອງປະທານມູນນິທິໃຫ້ ລາງວັນອາຫານໂລກ ທ່ານນາງບາບາຣາ ສຕິນສັນ ຢູ່ໃນພິທີການປະກາດຊື່.
“ການຄົ້ນຄວ້າຮ່ວມ ໄດ້ສະໜອງຫຼັກຖານທາງດ້ານວິທະຍາສາດ ທີ່ນຳໃຊ້ໂດຍພວກເຮັດການຕັດສິນໃຈຈຳນວນຫຼາຍໆພັນຄົນ ຢູ່ໃນ 90 ກວ່າປະເທດທີ່ຊອກຫາທາງເພື່ອຫຼຸດຜ່ອນຜົນກະທົບແລະປັບໂຕໃສ່ການປ່ຽນແປງຂອງດິນຟ້າອາກາດ. ວຽກງານຂອງຜູ້ທີ່ໄດ້ຮັບລາງວັນພວກເຮົາສະແດງໃຫ້ເຫັນວ່າຍຸດທະສາດທີ່ຂັບດັນໂດຍຂໍ້ມູນ ຫຼຸດຜ່ອນຜົນກະທົບຈາກການປ່ຽນແປງຂອງດິນຟ້າອາກາດແລະເສີມຄວາມເຂັ້ມແຂໃຫ້ແກ່ການຜະລິດອາຫານແບບຍືນຍົງ ໃນເວລາດຽວກັນ.”
ລັດຖະມົນຕີກະຊວງກະເສດ ທ່ານທອມ ວິລແຊັກ ກ່າວວ່າ “ດຣ. ໂຣເຊັນວາຍ ສະແດງອອກຢ່າງຈະແຈ້ງ ໃນຄວາມເປັນຜູ້ນຳ ນະວັດຕະກຳ ແລະ ປະສົບພະການທີ່ຈຳເປັນເພື່ອປະເຊີນໜ້າກັບບັນຫາທ້າທາຍທີ່ເປັນທາງແຍກໃນຄວາມອຶດຢາກຂອງໂລກ ແລະວິກິດການດິນຟ້າອາກາດ ແລະການມອບໝາຍໃຫ້ການກະເສດເປັນຜູ້ແກ້ໄຂທີ່ມີຄວາມໝາຍເພື່ອຮັບມືກັບບັນຫາທ້າທາຍເຫຼົ່ານີ້.”
“ໂດຍຜ່ານວຽກງານ ຊຶ່ງມາຮອດປັດຈຸບັນໄດ້ 4 ທົດສະວັດແລ້ວນັ້ນ ທ່ານນາງເລີ້ມ ຄົ້ນພົບໃນອັນທີ່ຈະເກີດຂຶ້ນຕໍ່ອາຫານຂອງພວກເຮົາຈາກການປ່ຽນແປງຂອງດິນຟ້າອາກາດຢ່າງວ່ອງໄວແລະກ້າວໜ້າທີ່ສຸດຂອງຕົວຢ່າງ ເພື່ອທຳນາຍກ່ຽວກັບຜົນທີ່ຈະເກີດຂຶ້ນ.”
ໃນປີ 2022 ພວກເຮົາໄດ້ມາເຖິງຈຸດທີ່ຫຼໍ່ແຫຼມສຳຄັນສຳລັບຄວາມໝັ້ນຄົງທາງດ້ານອາຫານ ນັ້ນຄືຄຳເວົ້າຂອງຮອງລັດຖະມົນຕີກະຊວງການຕ່າງປະເທດຮັບຜິດຊອບໃນດ້ານການເຕີບໂຕຂອງເສດຖະກິດ ພະລັງງານ ແລະສິ່ງແວດລ້ອມ ທ່ານໂຮເຊ ເຟີນານເດສ ແລະແນ່ນອນນຶ່ງໃນບັນຫາຮາກເຫງົ້າ ຂອງຄວາມໝັ້ນຄົງ ທາງດ້ານອາຫານ ກໍຄືການປ່ຽນແປງຂອງອາກາດ.
“ດຣ. ໂຣເຊັນວາຍ ແມ່ນນຶ່ງໃນບັນດານັກວິທະຍາສາດທີ່ໄດ້ຈົດບັນທຶກກ່ຽວກັບວ່າການປ່ຽນແປງຂອງອາກາດ ມີຜົນກະທົບແບບໃດຕໍ່ການຜະລິດອາຫານ. ທັງນີ້ກໍຍ້ອນການຄົ້ນຄວ້າຂອງທ່ານນາງ ພວກເຮົາຈຶ່ງສາມາດ ທຳນາຍໄດ້ດີຂຶ້ນວ່າ ອຸນຫະພູມສູງຂຶ້ນແບບໃດ ອາກາດຮ້ອນຈັດ ແມ່ນຄືແນວໃດ ແລະ ຄາບອນໄດອອກໄຊຈະມີຜົນກະທົບຕໍ່ການຜະລິດ ແລະຄຸນນະພາບຂອງອາຫານແບບໃດ.”
ລັດຖະມົນຕີກະຊວງກະເສດ ທ່ານວິລແຊັກກ່າວວ່າ “ພວກເຮົາຈະສືບຕໍ່ນຳໃຊ້ວິທີການກະເສດ ທີ່ມີຄວາມຕ້ານທານຕໍ່ການປ່ຽນແປງຂອງອາກາດ ແລະນະວັດຕະກຳໃນການແກ້ໄຂ ເພື່ອຜັກດັນການຫັນປ່ຽນ ສຳລັບຕ້ານທານກັບການປ່ຽນແປງຂອງອາກາດ ຊຶ່ງບໍ່ແມ່ນສິ່ງເລັກນ້ອຍເລີຍຈຶ່ງຂໍຂອບໃຈຕໍ່ວຽກງານໃນການບຸກເບີກຂອງ ດຣ. ໂຣເຊັນວາຍ.”
“ພວກເຮົາຂໍສະແດງຄວາມຊົມເຊີຍຕໍ່ທ່ານນາງ ກ່ຽວກັບອາຊີບວຽກງານທີ່ປະສົບຄວາມສຳເລັດ ແບບບໍ່ໜ້າເຊື່ອອັນນີ້ ຊຶ່ງໄດ້ສົ່ງຜົນໃຫ້ເກີດກຽດສັກສີອັນສູງສົ່ງນີ້. ຄົນໃນຮຸ້ນນີ້ ແລະຮຸ້ນຕໍ່ໆໄປໃນອະນາຄົດ ຂໍຂອບໃຈ.”