Kounyea, yon editoryal ki prezante opinyon Gouvènman Etazini an:
“Sityasyon kounea nan Kiba – nan domèn ekonomik, sosyal, konsènan dwa moun – moun paka kwè jan sityasyon an difisil,” se sa Asistan Sekretè Deta pou Zafè Emisfè Wès la, Brian Nichols, te di lòt jou la a nan yon entèvyou.
“Nou wè yon pakèt pwoblèm la a: moun paka konte sou livrezon elektrisite, ki bay plizyè èdtan blakawout; rate gaz pou yon gwo pousantaj nan popilasyon an. Oubyen pri yo fè moun paka achte li. Gwo pwoblèm ensekirite alimantè nan peyi a. E tout tan gen represyon ak mete moun nan prizon poutèt yo pwoteste pasifikman pou dwa ki pi enpòtan yo.”
Yon konbinezon pwoblèm sa yo te parèt trajik sa pa gen lontan lè yon tribinal kiben te bay santans prizon jiska 15 lane pou 13 manifestan ke yo te jwenn koupab anba akizasyon revolt ak sabotaj. Yo te pami dè santèn moun ki te okipe beton an nan vil Nuevitas nan mwa Daout 2022, pou pwoteste kont kèk blakawout grav.
An Jiyè 2021, manifestasyon kont gouvènman an te pete anpil kote nan Kiba. Repons gouvènman an te rapid epi sevè: dè santèn moun te jwenn santans prizon manch long.
Asistan Sekretè Deta Nichols, ki te ekri sou platfòm media sosyal X, kalifye santans pou manifestan Nuevitas yo kòm « veksan. » Li di tou, “Represyon ke gouvènman kiben an pa sispann fè sou Kiben ki ap lite pou yo satisfè dwa ak bezwen ki pi enpòtan yo, nou paka sitire sa.”
Etazini ap chache e ap jwenn mwayen pou ede pèp Kiba a pandan li ap limite avantaj ke li ap bay rejim kiben an, se pawòl Asistan Sekretè Nichols :
« Tankou – transfè lajan ki ap soti Etazini pou ale Kiba, pou fanmi yo len ka ede lòt. Yon gwo pòsyon nan aktivite ekonomik Kiba deja nan men antreprenè prive olye antrepriz leta. »
“Yon Kiba pi demokratik ta ka rezoud defi ki devan li yo, » se deklarasyon Asistan Sekretè Nichols. E, li di, « Nou ankouraje gouvènman kiben an reponn reklamasyon pèp li pou gen yon sosyete pi demokratik e ki plis ouvè pou tout sektè, nan angaje li ak pèp la, nan dyalòg, e nan refòm demokratik. »
Sete yon editoryal ki prezante opinyon Gouvènman Etazini an.
