Kounyea, yon editoryal ki reflete ideyal ak enstitisyon ameriken yo:
Chak dènye lendi mwa Me, Etazini onore tout sitwayen li ki te bay lavi yo nan sèvi peyi yo. Ane sa a, 27 Me, dè milye ti drapo ameriken te kanpe sou tèt tonm ak plak souvni nan simityè nan tout peyi a, kote yo chak make tonm yon ewo ki tonbe epi onore sakrifis li.
« Chak ane, kòm nasyon, nou antreprann rityèl sa a pou nou sonje, paske nou pa dwe janm bliye pri ke moun te peye pou pwoteje demokrasi nou an, » se pawòl Prezidan Joe Biden. « Nou pa jwe janm bliye lavi ke ti drapo sa yo, flè sa yo, ak ekriti sou mab sa yo reprezante : yon manman, yon papa, yon pitit gason, yon pitit fi, yon madanm oubyen yon mari, yon zanmi. Yon Ameriken. »
Pran depi yon lakot pou ale nan yon lòt, sitwayen selebre Memoryal Day, Jou Souvni an, ak parad ki reyini sòlda ak manm òganizasyon veteran yo. Politisyen fè diskou sou kouraj, devouman ak sakrifis, epi Ameriken toupatou pwal kanpe aktivite yo pou yon moman silans: nan priyè, oswa senpman yon souvni ak afeksyon pou moun ki mouri a.
“Nan tout istwa peyi a, solda nou yo batay pou demokrasi e, si sa nesesè, mouri pou li, » se pawòl Prezidan Biden.
« Jounen jodi a, sèvis yo ak sakrifis ke yo menm ak fanmi yo te fè, rezone byen lwen wòch sa yo.
« Nou wè li nan fòs ki nan Alyans l-OTAN nou an, ki bati sou relasyon ke nou te fòje pou tout tan nan dife 2 Gè Mondyal yo. Nou wè li nan solda ki kanpe ap fè santinèl sou penensil Kore a, kote yo kole zepòl ak alye nou yo pou prezève lapè. Nou wè li nan chak baz, chak kazèn, chak bato toupatou sou tè a kote lame nou an fyè pou sèvi peyi a e kote li kanpe kòm yon fòs pou fè byen nan mond la, » pou repete Prezidan Biden.
« Nan jou sa a, nou reyini isit la ankò pou nou reflechi, sonje, men sitou, pou nou repran angajman pou avni ke ewo nou ki tonbe yo te goumen pou garanti a, ke plizyè jenerasyon sòlda te mouri pou prezève, ki baze sou libète, demokrasi, egalite, tolerans, opòtinite, ak, wi, jistis. »
Sete yon editoryal ki reflete ideyal ak enstitisyon ameriken yo.
