Kounyea, yon editoryal ki reflete opinion Gouvènman Etazini an:
« Esansyèlman, tekonoloji ap transfòme planèt nou an. Ki jan li fè l, sa pwal depann ke prensip ki enpòtan pou nou, de chwa ke nou fè, » se pawòl Administratè USAID Samantha Power. Li fè wè ke lè entènèt te fèk koumanse ekziste, te gen anpil espwa ke « gaye teknoloji toupatou nan mond la ta, san di petèt, toupatou san diferans, laji konesans, fè youn konprann pwoblèm lòt epi kreye opòtinite » nan tout mond la.
Men, li di, « reyalite a pwouve ke pa gen sa. »
« Teknoloji ka mete plis inegalite menm jan li ka redui inegalite. Li ka divize kominote yo – menm jan li ka konekte nou. Li ka gaye rayisman, li ka fasil pou simaye manti menm jan li sanble fasil pou gaye konpasyon, koneksyon ak verite.”
“Nou dwe aprann nan defi ki te devan nou otrefwa pou nou trase yon wout ki diferan. Nou dwe aksepte ak tout kè nou ke jounen jodi a, devlopman se yon bagay dijital – devlopman ekonomik, devlopman moun se bagay dijital, » se Administratè Power ki pale konsa.
Toudabò, ansanm, nou dwe fè teknoloji touche pi lwen sou planèt la, yon jan pou pèsonn, ni okenn konpayi pa rete dèyè pandan mond la ap antre nan dijital. »
Okenn pèp ni pyès nasyon pa ta dwe rete dèyè nan revolisyon dijital la. Kounyea menm, gen 2 mond diferan ki parèt, youn ki konekte sou entènèt, ak lòt la ki pa konekte. E pandan plis sèvis, plis kominikasyon, ak plis modèl biznis ap vire an dijital, sa yo ki pa gen aksè nan dijital la pwal rete byen lwen dèyè. »
Dezyèmman, nou dwe bati koalisyon ki fikse regleman pou nou vanse e pou nou tabli pwoteksyon, pou devlope ak deplwaye teknoloji yo nan fason pou yo pa fè moun soufri e pou yo respekte dwa moun, » se Admistratè Power ki pale konsa.
Konsa, nou dwe akselere aplikasyon teknoloji pou fè fas ak pi gwo defi yo ke limanite ap konfwonte. » Kit se nan izaj entelijans atifisyèl pou konbat tibèkiloz, kit se nan izaj aparèy pou koute sa lòt moun ap fè, enfòmasyon ke satelit ranmase, ak teknoloji ki gade tè a ak lespas pou bloke aktivite koupe bwa ilegalman, « teknoloji ki fèk parèt tankou Intelijans Atifisyèl [ki gen ti non ann angle AI] pa sèlman ap chanje sa nou ka fè. Yo ap transfòme jan nou fè li. »
Kounye la a, pandan defi ki devan nou toupatou sou tè a depase lontan resous ki nan men nou pou afwonte yo, AI ap ofri zouti ki ka ede nou … bay meyè rannman ak mwens resous, fè pi bon travay, epi akeyi plis moun nan travay ke n ap fè. »
« Teknoloji se, ansanm ak chanjman klima a youn nan 2 fòs ki pi enpòtan nan bay devlopman an fòm li jounen jodi a,” se pawòl Administratè Power. « E pou konnen si yon fòs se pou fè mal oswa pou fè byen, sa pwal depann … de moun yo, de nou menm, e de chwa ke nou fè kounye a ak nan lavni. »
Sete yon editoryal ki reflete opinion Gouvènman Etazini an.
