Men yon editoryal k ap prezante opinyon gouvenman ameriken an
Dat 21 novanm 2020 an te make 3èm anivèsè jounen kote yo mete 6 anplwaye konpayi CITGO enjisteman nan youn nan prizon ki pi dajere nan Peyi Venezuela.
Gwoup la -ki te gen ladan l Tomeu Vadell, José Luis Zambrano, Alirio Zambrano, Jorge Toledo, Gustavo Cardenas avèk José Pereirra, ke yo rele tou 6 mesye CITGO yo-- te kite moun sèvi ak riz pou atire yo nan kèk reyinyon dafè nan Karakas epi ajan sekirite ki te gen mas nan figi yo te arete yo san rezon.
Sete 6 direktè egzekitif konpayi petwòl CITGO ki baze nan vil Houston. Yo ta pral pase plis pase 3 mwa nan prizon oVenezuela san okenn fòmalite legal ni prèv ki ta montre kisa yo fè ki mal. 2 nan 6 ameriken sa yo, M. Cardenas ak M. Toledo, te jwenn liberayon yo; men yo te plase yo an rezidans siveye nan mwa jiyè ane sa a.
6 mesye CITGO yo genyen aktyelman akizasyon koripsyon k ap peze sou do yo. Anpil moun panse rejim ilejitim Nicolas Maduro a kenbe yo kòm pyon pou l itilize nan moman relasyon ant Lezetazini akVenezuela a fin deteryore. Prizonye sa yo kontinye fè fas ak kèk risk grav pou sante yo si jamè yo ta trape maladi KOVID-19. Vrèmanvre, li posib pou youn omwens pami mesye sa yo deja trape kowonaviris.
Gouvènman ameriken an,lanse apèl plizyè fwa pou l mande liberasyon enkondisyonèl 6 direktè CITGO yo ak retou yo Ozetazini.Nan yon deklarasyon Sekretè Deta Mike Pompeo te pibliye sa pa gen lontan, li di: “6 ameriken sa yo ak fanmi yo deja soufri lontan ase.”
“ Li lè, li tan pou Maduro mete politik sou kote epi kite fanmi sa yo reyini. Pèsonn moun pa ta dwe doute de angajman Prezidan Trump pran pou l fè tout sitwayen ameriken moun kenbe an otaj oubyen ki nan prizon enjisteman aletranje retounen nan peyi yo.”
Sekretè Deta Pompeo ajoute: “Anvwaye Espesyal Prezidan an pou Afè Otaj, Roger Carstens, Reprezantan Espesyal pou Venezuela, Elliot Abrams, avèk mwen menm, nou pral kontinye pousuiv misyon nou pou n rive jwenn liberasyon 6 mesye CITGO yo, e m pral kontinye pousuiv misyon ki pou garanti liberasyon 6 mesye CITGO yo, epi nou pral fè tout sa n kapab pou n reyalize objektif sa a.”
Sete yon editoryal ki t ap prezante opinyon gouvènman ameriken an.