Ndërsa fillon Viti i Ri, Rusia përshkallëzon sulmet ndaj Ukrainës

Federata Ruse e mbylli vitin e vjetër dhe e mirëpriti të riun siç pritet nga një vend që nuk ka respekt për qeniet njerëzore, të drejtat e njeriut apo ligjin ndërkombëtar: duke vazhduar sulmet e saj të mizore ndaj popullsisë civile dhe infrastrukturës ukrainase. Në të vërtetë, sipas Ndihmës Sekretarit të Përgjithshëm të Kombeve të Bashkuara për Lindjen e Mesme, Azinë dhe Paqësorin në Departamentin e Çështjeve Politike dhe të Ndërtimit të Paqes dhe Operacioneve të Paqes, Khaled Khiari, intensiteti i sulmeve është duke u përshkallëzuar.

Më 27 dhjetor, Rusia kreu një nga sulmet më të mëdha ajrore që nga fillimi i agresionit të saj në shkurt të vitit 2022, duke lëshuar 158 dronë dhe raketa kundër Ukrainës.

“Ky sulm është një dëshmi e fortë se, pas gati dy vjetësh të kësaj lufte shkatërruese, objektivi i Putinit mbetet i pandryshuar. Ai kërkon të zhdukë Ukrainën dhe të nënshtrojë popullin e saj”, tha John Kelley, Këshilltar i Ministrit Politik në Misionin e Shteteve të Bashkuara në Kombet e Bashkuara.

“Në vend të paqes, Putini zgjodhi të shënojë këtë sezon festash dhe ta nisë Vitin e Ri me një numër të paprecedentë sulmesh me dronë dhe raketa kundër një shteti tjetër anëtar të OKB-së. Vlerësimet fillestare janë se këto sulme vranë të paktën 30 persona dhe plagosën më shumë se 120 të tjerë. Këto shifra pritet të rriten. Shpërthimet ndodhën në mbarë vendin.Pati raportime për sulme që goditën një maternitet, një kopsht fëmijësh, një qendër tregtare, një stacion metroje dhe zona të tjera civile.”

Në mbrojtje të këtij sulmi të tmerrshëm ndaj civilëve ukrainas, Federata Ruse bëri pretendimin absurd se raketat e saj nuk dëmtuan askënd në Ukrainë dhe se në vend të kësaj, ishin sistemet mbrojtëse të vetë Ukrainës ato që shkaktuan vdekjen e viktimave. “Retorika dhe gënjeshtrat e Kremlinit nuk fshijnë apo fshehin rrënojat e tmerrshme në të gjithë vendin dhe mijëra jetë të pafajshme të humbura që nga fillimi i luftës së tij”, tha ambasadori Kelley.

“Ky sulm është një tjetër paralajmërim për atë që është në rrezik. Kjo na tregon arsyen pse komuniteti ndërkombëtar duhet të vazhdojë të mbështesë Ukrainën.

Kjo na tregon arsyen pse komuniteti ndërkombëtar duhet të vazhdojë t'i kërkojë Rusisë të ndërpresë agresionin dhe të tërhiqet menjëherë nga territori i njohur ndërkombëtarisht i Ukrainës.

“Shtetet e Bashkuara qëndrojnë me Ukrainën dhe do të vazhdojnë të kërkojnë përgjegjësi për krimet e zyrtarëve dhe forcave ruse kundër popullit të Ukrainës”, tha ambasadori Kelley.

“Ne nuk do të braktisim popullin e guximshëm të Ukrainës që po lufton sot për lirinë e tyre [dhe] për vendin e tyre”.