На брифингот на Советот за безбедност на ОН за ситуацијата на Блискиот Исток, заменик-претставникот на САД за специјални политички прашања Роберт Вуд започна со јасна изјава:
„Израел има право да се брани од нападите на Хезболах и другите терористи. Токму тоа го направи на 30 јули, кога независно одговори на нападот на Хезболах врз Мајдал Шамс на 28 јули, во кој загинаа 12 деца. Нема сомнеж - апсолутно никаков - дека Хезболах е одговорен за овој напад, кој користеше иранско оружје, а беше лансиран од дел од Либан контролиран од Хезболах“.
„Хезболах постојано фрла ракети врз Израел од 8 октомври, со поддршка од Иран“, рече амбасадорот Вуд. И, истакна тој, „Хезболах не е единствената група поддржана од Иран во регионот која ја искористи ситуацијата во Газа за да ги поткопа мирот и безбедноста“. Иран, исто така, ги вооружува и поддржува Хутите, Хамас и терористичките групи во Сирија и Ирак.
Амбасадорот Вуд подвлече дека „поширока војна не е неизбежна, иако опортунистичките напади од Иран и неговата мрежа на терористички посредници и партнери низ регионот постојано нè доведоа поблиску до регионален конфликт“,
„САД ќе продолжат да го предводат патот во дипломатските напори за ставање крај на војната во Газа и намалување на регионалните тензии. Договорот за прекин на огнот е најсигурниот начин да се олеснат страдањата на палестинскиот народ и да се отклучи можноста за поширока стабилност“.
„Ние веруваме дека се` уште има време и простор за дипломатско решение“, рече амбасадорот Вуд.
„Ги охрабруваме членовите на овој [Безбедносен] Совет со директно влијание врз Иран да го зголемат притисокот врз него за да престане со ескалацијата на неговиот прокси конфликт против Израел и другите актери. Навистина, секој член на овој Совет треба да го повика Иран да престане со вооружувањето, советувањето и финансирањето на терористичките групи и да ги заузда акциите на полномошниците и партнерите кои ги загрозуваат регионалниот мир и безбедност“.
„Во овој опасен момент“, изјави амбасадорот Вуд, „императив е да работиме заедно за да ги намалиме тензиите во регионот“.
Поддршката на Иран за терористички посредници е закана за регионалните мир и безбедност
(FILE) In this May 21, 2015 photo, Palestinian Hamas security forces display their military skills during a police academy graduation ceremony in Gaza City.
Израел одговори на неодамнешниот трагичен терористички напад на Хезболах врз деца и тинејџери на Голанската висорамнина со таргетиран напад во Бејрут. Највисокиот лидер на Хезболах Фуад Шукр, кој беше одговорен за нападот врз децата, беше убиен.