Став на владата на САД

Денеска е Џунтинт, ден што го слават Африканските Американци повеќе од 150 години, но дури неодамна е прогласен за национален празник.

Џунтинт ги комбинира зборовите Џун (Јуни) и Најнтинт (Деветнаесетти), денот кога во 1865 година и последните Африкански Американци кои биле поробени во САД разбрале дека биле слободни, и дека биле еманципирани пред повеќе од две години.

На 1-ви јануари,1863, Претседателот Абрахам Линколн ја објавил Прокламацијата за еманципација, каде стоело дека сите лица што биле ставени во ропство од бунтовничките Држави на конфедерацијата биле слободни. Така, технички, робовите таму сега биле слободни. Но заради условите кои преовладувале, веста бавно се ширела. Дури два месеци по крајот на Граѓанската војна радосните вести стигнале до најоддалеченитте делови на поразената конфедерација.

Од 1866 натаму, Џунтинт се славел во заедниците на Африканските Американци. Но било потребно да помината уште 155 години за Џунтинт да биде признаен за официјален празник.

Навистина, тоа било долго време да се чека на тоа, но на 17-ти јуни, 2021, Претседателот Џо Бајден ја потпишал легислативата со која Џунтинт бил востановен за федерален празник.

„За мене, прогласувањето на Џунтинт за федерален празник, не е само симболичен гест“, рече Претседателот Бајден на славеничкиот концерт минатата година.

„Тоа беше потврдување на фактот дека дека оваа држава го признава ... оригиналниот грев на ропството. … Сеќавањето на Прокламацијата на еманципацијата не беше само документ. Тоа ја опфаќа суштината на слободата што ја галванизираше државата. Тоа беше потврда дека некои идеи се помоќни; тие не можат да бидат негирани. Тоа е потсетување на ветувањето на Америка дека сите ние сме креирани еднакви од Бога, заслужуваме да бидеме третирани еднакво во текот на целиот наш живот.“

“[САД се] засновани на идеја. Идеја како ниедна друга држава во светот, дека ги чуваме овие очигледни вистини дека сите мажи и жени се создадени еднакви, на кои од нивниот Креатор им се дадени одредени неотуѓиви права“, рече Претседателот Бајден.

„Иако ние не секогаш живеевме според тоа ветување, ние никогаш не го отфрливме. Како што последниве неколку години покажаа, нашите слободи беа ставени во ризик од расизам што сеуште е моќна сила“, рече претседателот Бајден.

„Џунтинт е федерален празник, и има за цел да вдахне нов живот во суштината на тоа што е Америка, да направи сите Американци да ја почувствуваат моќта на овој ден и прогресот што можеме да го направиме како држава.“

„Нема замена за отворените линии на комуникација за да се избегнат недоразбирања и погрешни проценки. Како што секогаш велев, дијалогот не е награда, тоа е неопходност“.

Разговорите лице в лице меѓу воените лидери се одржаа на 31 мај на маргините на одбранбениот форум „Шангри-Ла Дијалог“.

Тоа беше прва средба меѓу највисоките лица од одбраната на САД и Кина во повеќе од 18 месеци.

Секретарот Остин ја нарече дискусијата „искрена“ и „отворена“. Во соопштение, Пентагон истакна дека меѓу другите прашања, секретарот Остин изразил загриженост за провокативните дејствија преземени од Кина против Тајван по изборот на новиот претседател на Тајван.

Секретарот Остин ја нагласи посветеноста на САД кон долгогодишна политика за „една Кина“ и ја потврди потребата за мир и стабилност околу Тајванскиот теснец.

Секретарот Остин, исто така, ја нагласи важноста на слободата на пловидба, загарантирана со меѓународното право, особено во Јужното Кинеско Море. Тој ја повтори решеноста на САД да летаат, пловат и да оперираат одговорно секаде каде што дозволува меѓународното право.

Во оценките за состанокот, секретарот Остин повтори дека „секоја голема или мала земја има право да ужива во сопствените поморски ресурси и слободно да плови и да работи секаде каде што дозволува меѓународното право“.

„Сите споделуваме интерес да се осигураме Јужното Кинеско Море да остане отворено и слободно. Мирот и стабилноста во овој регион се клучни за целиот свет“.

Секретарот за одбрана Остин рече: „Она што го бараме во нашите односи со Кина е однос заснован на конкуренција. Не бараме антагонистичка врска, но навистина мора да бидеме јасни за нашите очекувања“.

„И, прашањата за кои имаме предизвици, ако имаме отворен дијалог, можеме да ги решиме преку разни канали“.

„Лидерите на големите сили“, изјави секретарот Остин, „треба да продолжат да работат заедно за да се осигураме дека правиме работи за да ги намалиме можностите за погрешна проценка и недоразбирање. На секој разговор нема да имаме исто мислење. Но, важно е да продолжиме да разговараме.“