Став на владата на САД

„Претседателот Трамп има намера да ја заврши оваа војна со дипломатија и да ги доведе Русија и Украина на маса. А американскиот Оддел за одбрана ќе помогне да се постигне оваа цел“.

„Ние само ќе ја завршиме оваа разорна војна и ќе воспоставиме траен мир со спојување на сојузничката сила со реална проценка на бојното поле“, рече секретарот Хегсет.

„Сакаме, како и вие, суверена и просперитетна Украина. Но, ние мора да започнеме со признавање дека враќањето на границите на Украина пред 2014 година е нереална цел. Бркањето на оваа цел базирана на илузија само ќе ја продолжи војната и ќе предизвика повеќе страдања“.

„САД не веруваат дека членството на Украина во НАТО е реален исход од договореното решение“, изјави секретарот Хегсет.

„Наместо тоа, секоја безбедносна гаранција мора да биде поддржана од способни европски и неевропски трупи. Доколку овие трупи се распоредат како мировници во Украина во кој било момент, тие треба да бидат распоредени како дел од мисијата што не е членка на НАТО и не треба да бидат опфатени со член пет“.

„Заштитата на европската безбедност мора да биде императив за европските членки на НАТО“, истакна секретарот Хегсет.

„Како дел од ова, Европа мора да обезбеди огромен дел од идната смртоносна и несмртоносна помош за Украина. ... Дел од ова е да разговарате искрено со вашиот народ за тоа како оваа закана може да се одговори само со трошење повеќе на одбраната. Два процента не се доволни. Претседателот Трамп повика на 5 проценти и јас се согласувам“.

Како што на САД им е приоритет на одвраќањето на војната со Кина во Пацификот, „европските сојузници мора да предводат“, повика секретарот Хегсет.

„Заедно, можеме да воспоставиме поделба на трудот што ќе ги максимизира нашите компаративни предности во Европа и Пацификот, соодветно“. „Нашиот трансатлантски сојуз траеше со децении“, рече секретарот Хегсет, „и ние целосно очекуваме дека ќе се одржи за генерациите што доаѓаат“.

„Но, САД повеќе нема да толерираат неурамнотежени односи што поттикнуваат зависност. Наместо тоа, нашиот однос ќе има приоритет да ја овласти Европа да има одговорност за сопствената безбедност. Претседателот Трамп со нетрпение очекува да работиме заедно за да ја продолжиме оваа искрена дискусија меѓу пријателите и да постигнеме мир преку заедничка сила“.

УСАИД е владината агенција за помош во странство, која се проценува дека поделила помош од над 43 милијарди долари во 2023 година.

Државниот секретар Марко Рубио, кој е поставен на чело на УСАИД, нагласи дека промените во УСАИД „не се за прекин на странската помош“.

„Станува збор за преструктурирање, на начин што го унапредува националниот интерес на Соединетите Држави“.

Секретарот Рубио истакна дека статутот што го основаше УСАИД јасно стави до знаење дека Агенцијата треба да преземе упатства од претседателот, Советот за национална безбедност и државниот секретар; а сепак, во последните две децении, УСАИД не го прави тоа.

„Нашата желба беше да влеземе во УСАИД и хиерархиски од самиот врв па надолу, да ги идентификуваме сите наши програми. Кои се сите програми што ги финансираме ширум светот? ... Кои се тие што не се во согласност со надворешната политика на САД? А, кои се тие во кои не треба да бидеме вклучени?“

Таквиот преглед и надзор им го должиме на американските даночни обврзници, рече секретарот Рубио:

„Ова не се приватни фондови. Ова се средства на американските даночни обврзници и ние имаме обврска да ги трошиме паметно... Дел од тие пари би можеле да се пренаменат, за да се потрошат – и да има уште повеќе пари за вистинските приоритети. Тоа беше нашата надеж“.

За жал, УСАИД не беше кооперативен, рече секретарот Рубио, за разлика од Стејт департментот:

„Во Стејт департментот, нашите програмски службеници, добија добар увид, и затоа секој ден издаваме откажувања [за продолжување на хуманитарната помош] за програмите на Стејт департментот“.

Спротивно на тоа, забележа секретарот Рубио, во УСАИД имало поединци „дури и по издадените наредби, кои сè уште се обидувале да ги протуркаат плаќањата, спротивно на тоа и во директна непослушност со наредбите“.

Стејт департментот сега отворено се ангажира во мисии ширум светот за присуството на УСАИД - за да се идентификува кои програми за помош се усогласени со интересите на САД.

Оние што го прават тоа, ќе бидат зачувани, рече секретарот Рубио, „затоа што тие го унапредуваат нашиот национален интерес, бидејќи нè прават посилни ... и создаваат просперитет - и не само за нас, туку и за нашите партнери и сојузници“.