Accessibility links

Breaking News

Став на владата на САД

Sunday 16 January 2022

Calendar
January 2022
Sun Mon Tue Wed Thu Fri Sat
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
Антони Блинкен

Соединетите Држави, заедно со своите сојузници и партнери, се ангажираа со Русија во серијата разговори оваа недела со цел да се деескалира кризата предизвикана од неиспровоцираното трупање руска војска во близина на границата со Украина.

Овие разговори вклучуваат стратешки дијалог за стабилност меѓу САД и Русија, состанок на Советот на НАТО и Русија, како и состанок на постојаниот Совет за безбедност и соработка во Европа.

Зборувајќи со новинарите пред разговорите, американскиот државен секретар Антони Блинкен рече: „Дипломатијата е единствениот начин за решавање на оваа криза“ и нагласи дека САД како и нивните сојузници и партнери се подготвени да ги слушнат сите легитимни безбедносни забелешки кои Русија може да ги има и да се обиде да ги реши, „ако Кремљ е подготвен да возврати во врска со сопственото опасно и дестабилизирачко однесување“.

Секретарот Блинкен истакна дека агресијата на Москва ја предизвика кризата, вклучително со нејзиното огромно трупање руска војска и опрема во близина на границата со Украина. И, ова е само последниот во серијата чинови на агресија што Русија ги изврши против своите соседи во последните две децении, вклучително и против Грузија, Молдавија и самата Украина кога Русија го нападна и го зазеде Крим во 2014-та година.

Сегашните закани на Русија против Украина се закани повеќе отколку само за Украина, рече секретарот Блинкен. „Активностите на Москва се закана за создавање преседан на европско тло, при што се во залог основните меѓународни принципи кои се од витално значење за мирот и безбедноста: дека границите и територијалниот интегритет на една држава не може да се менуваат со сила; дека е природно право на граѓаните во демократијата да ги носат одлуките за својата земја и да ја одредуваат иднината на својата земја; дека сите членови на меѓународната заедница се обврзани со заеднички правила и треба да се соочат со последици доколку не ги исполнуваат обврските што ги преземале“.

Секретарот Блинкен јасно стави до знаење дека ако Русија ја нападне Украина, ќе се соочи со огромни економски и финансиски санкции и други мерки од САД и нивните сојузници и партнери во размери досега невидени. „Се надеваме дека Русија ќе направи поинаков избор“, рече секретарот Блинкен. „Ние сме посветени на содржаен реципрочен дијалог со Русија, исто како што сме целосно посветени на консултации и координација со нашите сојузници и партнери - вклучително и со Европската унија - во сите наши дискусии и во сите форуми... Ние веруваме дека има области каде што можеме да напредуваме“.

Овој едиторијал ги одразува ставовите на Владата на САД.

На почетокот на декември, администрацијата Бајден-Харис ја лансираше првата американска стратегија воопшто објавена за борба против корупцијата.

На тој начин, САД потврдија дека справувањето со овој глобален проблем е клучен приоритет дома и во надворешната политика на американската Влада.

Зборувајќи во Еквадор во октомври, државниот секретар Ентони Блинкен наброја некои од причините зошто корупцијата е толку деструктивна сила. „Пресметките се дека корупцијата изнесува до 5 проценти од вкупниот Бруто-домашен производ. Го забавува растот, ги обесхрабрува инвестициите, ја зголемува нееднаквоста“, рече тој. „Но, можеби најголемата последица е што влијае врз довербата на граѓаните во владата“.

„Всушност, ако го погледнете најголемиот дел од граѓанските движења низ светот изминативе години - Евромајдан во Украина, плоштадот Тахрир во Египет, од Романија до Тунис, од Судан до Гватемала - во нивната основа ќе најдете тотален револт поради корупција“.

„Ги афектира граѓаните во секој аспект од нивното секојдневно живеење, и ги цеди државните ресурси што би можеле да бидат потрошени и посветени на училишта, болници, на нешто што всушност го подобрува животот на граѓаните“.

На национално ниво, новата стратегија за справување со корупцијата ги адресира слабостите во американскиот финансиски систем што корумпираните актери може да ги искористат.

На глобално ниво, стратегијата проектира како САД интегрираат мерки за антикорупција во американската финансиска помош во странство, дипломатијата меѓу државите, безбедносните партнерства и билатералните односи.

Стратегијата за антикорупција се базира на пет столбови. Прво, САД ќе ја модернизираат и подобрат координацијата на владините напори за справувањето со корупцијата. Исто така, ќе распределат повеќе ресурси за овој проблем.

Второ, ќе ги адресираат слабостите во американскиот регулаторен систем и ќе работат со меѓународни партнери да го направат истото.

Трето, САД ќе работат да го минимизираат нелегалното финансирање и да бараат одговорност од корумпираните актери.

Четврто, ќе работат да ја заштитат и зацврстат мултилатералната антикорупциска архитектура.

Последно, новата стратегија за борба против корупцијата има за цел да употреби дипломатски ангажман со странски партнери за да се приоритизираат напорите за антикорупција. Ова вклучува зајакнување на странската помош за унапредување на транспарентност, одговорност, и реформи за справување со корупцијата.

„Корупцијата им се заканува на националната безбедност и економската рамноправност на САД, глобалните напори за справување со сиромаштијата и развојот, како и на самата демократија“, рече претседателот Бајден. „ Но, со ефективна заштита и борба против корупцијата, и демонстрирање на користа од транспарентно и одговорно владеење, можеме да обезбедиме суштински бенефит за САД и другите демократии“.

Load more

XS
SM
MD
LG