Русија мора да се повлече од украинска територија

„Тоа беше кршење на меѓународното право и тогаш, и така останува и денес“, изјави амбасадорот Џефри Делаурентис, вршител на должноста заменик-претставник на САД во Обединетите нации.

Девет години подоцна, Русија ги префрли своите вооружени сили подлабоко на територијата на Украина, рече амбасадорот Делаурентис.

„Русија ја користи истата тактика во Украина како и во 2014 година. Таа прибегнува кон истите обиди да припои дополнителни области на Украина преку лажни референдуми. Се обидува дополнително да ги потчини луѓето што живеат во тие региони преку „издавање пасоши“, инсталирање на руски окупациски власти во регионалните влади, регрутирање на Украинци во руските сили и други нелегитимни методи“.

Од февруари минатата година, Русија уби десетици илјади Украинци, мажи, жени и деца. Тоа предизвика раселување на милиони луѓе од нивните домови и уништи повеќе од половина од енергетската мрежа на земјата.

Во областите под руска окупација, руските сили уапсија и приведоа десетици илјади украински цивили, од кои многумина беа предмет на сексуално насилство или тортура.

Високиот комесар на ОН за човекови права неодамна ги претстави своите најнови наоди. „Тој ги нарече шокантни“, рече амбасадорот Делаурентис. „Меѓу многуте ужасни наоди“, имаше неколку документирани случаи кои сугерираат дека руските вооружени сили користеле приведени цивили како жив штит.

„Руската окупација на делови од Украина, исто така, резултираше со опасност за околните нуклеарни централи и друга критична инфраструктура“, истакна амбасадорот Делаурентис.

„Да бидеме јасни: руската милитаризација на нуклеарната централа Запорожје, вклучувајќи го и нејзиното воено присуство над објектите на реакторите, ја загрозува глобалната нуклеарна безбедност“.

„Ефектите од оваа војна се поразителни, не само за народот на Украина, туку и за луѓето ширум светот, бидејќи цените на енергијата и храната се зголемија“, рече амбасадорот Делаурентис.

„Суспендирањето на учеството на Русија во Црноморската иницијатива за жито беше уште еден себичен удар за најранливите во светот. Ги повикуваме сите земји-членки да ја повикаат Русија да ја повлече својата одлука, да ги продолжи преговорите и да ја прошири и целосно да ја спроведе оваа иницијатива“.

„Руската војна против Украина е јасно кршење на Повелбата на ОН“, амбасадорот Делаурентис. „Уште еднаш ја повикуваме Русија да ги повлече своите трупи од суверената територија на Украина и да стави крај на оваа војна“.