د ناټو تړون غړي د یوې نوې امنیتي ستراتیژۍ د پلي کولو لپاره کار کوي چې موخه یې د ناټو پیاوړي او غښتلي کول دي.
د تیر کال په اوږدو کې، د ناټو تړون غړي د یوې نوې امنیتي ستراتیژۍ په پلي کولو کار کوي چې موخه یې د ناټو پیاوړي او غښتلي کول او په راتلونکي کې د غوره موقعیت درلودل دي.
د متحده ایالاتو د بهرنیو چارو وزیر انتوني بلینکن وویل: "موږ د ویلز د دفاعي پانګوونې ژمنې ته وده ورکوو چې زموږ د ناخالص ملي عاید دوه سلنه په دفاعي چارو کې پانګونه وکړو. دا مهمه ده چې موږ د خپلو ځواکونو د چمتووالي کچه زیاته کړو، چې د ۲۱مې پېړۍ د ننګونو پر وړاندې د ناټو د ماموریتونو او عملیاتو لپاره د ځواک د نسل ژمنې مطابقت ولري.»
ناتو د هند- آرام سمندر په ګډون نوي مشارکت ته پراختیا ورکوي. د وزیرانو په وروستي غونډه کې، تړون د جاپان، آسټرالیا، سویلي کوریا او نیوزیلنډ ګډون ته هرکلی ووایه، چې د آزادې او پرانیستې هند - آرام سمندر د سیمې لیدلوری شریکوي.
ښاغلي بلینکن وویل، البته، دا اتحادیه په دوامداره توګه د اوکراین په وړاندې د روسیې په تیري تمرکز کوي، "موږ یو ځل بیا د خپل هدف یووالی او د عمل یووالی څرګند کړ...زه ډاډه یم چې دا به تر هغه وخته دوام وکړي چې اوکراین د خپل حاکمیت، ځمکنۍ بشپړتیا او خپلواکۍ دفاع وکړي."
بلنکن، اوکراین ته د متحده ایالاتو له خوا د اضافي وسلو او تجهیزاتو ورکول اعلان کړل:
"په دې کې د HIMARS لپاره نور مهمات، د هوایي دفاع د مخنیوی او توپخانې تجهیزات او همدارنګه د زرهي وسلو ضد سیسټمونه، کوچنۍ وسلې، د درنو تجهیزاتو ټرانسپورټ وسایط، او د ترمیم او ساتنې ملاتړ، شامل دي. دا مرستې به اوکراین ته دا وړتیا ورکړي چې د توغندیو او ډرون بریدونو پر وړاندې د ملکي زیربنا ساتنه وکړي او د اوکراین خاوره وساتي او بیرته یې ونیسي.
ښاغلي بلینکن وویل، په ورته وخت کې، د امریکا متحده ایالات او د اوکراین ملګري د معنی وړ ډیپلوماتیکو هڅو ملاتړ کوي چې وکړای شي په اوکراین کې سوله راولي.
د بهرنیو چارو وزیر زیاته کړه: "دا باید یوه عادلانه سوله وي چې د ملګرو ملتونو د منشور اصول - حاکمیت، ځمکنۍ بشپړتیا، خپلواکي - وساتي او دا باید دایمي سوله وي چې دا تضمین کړي چې روسیه نشي کولی په ساده ډول خپل سرتیري ومه کړي او بیا یې مجهز کړي او بیا د خپل خوښې مطابق جګړه پیل کړي"
تر هغه چې سوله نه ترلاسه شي، متحده ایالات به د نړۍ له ټولو متحدینو او شریکانو سره یوځای له اوکراین سره مرستو ته دوام ورکړي.
د قوانینو پر بنسټ د نظم او د ناټو د ډله ایز امنیت په وړاندې د نویو ننګونو په هدف تړون د بل هر وخت په پرتله پیاوړی او ستر راڅرګند شوی. ښاغلي بلینکن وویل پداسې حال کې چې مونږ په ویلنیوس کې د ناټو راتلونکې سرمشریزې ته چمتو کیږو، "زه ډاډه یم چې موږ به اوسنیو او راتلونکو ننګونو ته ځواب ووایو."