Oдносите меѓу САД и Индија се просперитетни

„Патот што го поминавме во последните 25 години беше прилично извонреден“, изјави државниот секретар Антони Блинкен на Самитот за идеи за Индија на деловниот совет на САД - Индија.

„Едноставно кажано, овој дефинирачки однос го гледаме како единствена врска помеѓу најстарите и најголемите демократии во светот, со посебна обврска сега да покажеме дека нашите влади можат да даваат и да ги зајакнат сите наши граѓани. Ја гледаме важноста на партнерството во заедничката посветеност за справување со регионалните и глобалните предизвици“, рече секретарот Блинкен.

Но, во „срцето на стратешките односи меѓу нашите земји се економските врски.

„Минатата година, како што знаете, трговијата меѓу нашите земји достигна рекордни 191 милијарда долари, што ги прави САД најголем трговски партнер за Индија. Американските компании сега имаат инвестирано најмалку 54 милијарди долари во Индија, од производство до телекомуникациите. Во Соединетите Американски Држави, индиските компании инвестираа над 40 милијарди долари во информатичкиот сектор, во фармацевтски производи, поддржувајќи 425.000 работни места од Калифорнија до Џорџија.

Индија, исто така, се приклучи на трите столба на Индо-пацифичката економска рамка - обврзувајќи се да изгради поотпорни синџири на снабдување, да ги искористи можностите за чиста енергија и да се бори против корупцијата.

САД и Индија го издигнуваат и прошируваат своето стратешко технолошки партнерство на сите нивоа, бидејќи двете нации веруваат дека употребата на технологијата треба да биде информирана од демократските вредности и почитувањето на човековите права.

Централно место во сета оваа соработка е диверзификацијата и продлабочувањето на синџирите на снабдување со доверливите земји, истовремено намалувајќи ги стратешките зависности.
Конечно, САД и Индија, инвестираат во својот народ, рече секретарот Блинкен:

Образовните системи на САД и Индија ги создадоа лидерите на некои од нашите најпознати компании. . . Индиските Американци создадоа третина од сите стартапи основани од имигранти во Соединетите држави. И, можеби најзначајно за иднината на врските меѓу нашите земји, имаме повеќе од 200.000 Индијци кои студираат на американските универзитети, што ја прави Индија втор по големина извор на меѓународни студенти во Соединетите држави.

Соединетите Држави и Индија ќе продолжат да работат заедно за да ја унапредат транспарентноста, да го промовираат пристапот до пазарот и да ги зајакнат нивните демократии, со цел да го ослободат целосниот потенцијал на својот народ.