Соединетите Држави остануваат посветени на забрзување на напредокот на Агендата за 2030 година и Целите за одржлив развој. „Овие 17 цели“, рече амбасадорката Плаистед, „се олицетворение на универзален повик да се стави крај на сиромаштијата, да се заштити Планетата, да се поддржи достоинството на сите поединци и да не се остави никој“.
На 18 септември, Соединетите Држави ја објавија својата нова, Стратегија за глобален развој, рече амбасадорката Плаистед.
„Со оваа стратегија, ние ги удвојуваме нашите напори да ги заштитиме тешко стекнатите развојни придобивки и да им помогнеме на нашите партнери од земјите во развој да ги задоволат итните потреби, користејќи го нашиот целосен пакет алатки, ресурси и експертиза. Светот сè уште се бори со повеќе кризи - трајните влијанија на пандемијата со Ковид-19, несигурноста со снабдувањето на храната и хуманитарните итни случаи ширум светот, како и истовремените ескалации на конфликти. Мораме да направиме се што можеме за да ги вратиме изгубените развојни придобивки и да го забрзаме колективниот напредок кон постигнување на [Целите за одржлив развој] преку градење посилни, поотпорни системи“.
Стратегијата на САД за глобален развој прикажува пет стратешки приоритети за забрзување на глобалниот развој во согласност со Агендата за 2030 година, објасни амбасадорката Плаистед.
„Прво, намалување на сиромаштијата преку инклузивен и одржлив економски раст и квалитетен развој на инфраструктурата; второ, инвестирање во глобалното здравје, безбедноста на храна и човечки капитал; трето, декарбонизација на економијата и зголемување на отпорноста на климата; четири, промовирање на демократијата, човековите права и доброто владеење и справување со кревкоста од конфликти; и пет, одговор на хуманитарни потреби“.
Соединетите држави остануваат најголемиот донатор на хуманитарна помош од една земја, воопшто. Во првите три години од администрацијата Бајден-Харис, САД обезбедија повеќе од 150 милијарди долари странска помош и мобилизираа милијарди во инвестиции во приватниот сектор.
Соединетите Американски Држави остануваат непоколебливи во својата визија за иднината во која децата нема да гладуваат, секој да има пристап до здравствена заштита и образование, работниците да се почитувани, животната средина да е заштитена, претприемачите да можат да имаат пристап до можности, конфликтите да се избегнуваат и демократиите да обезбедуваат, подобро општество, за сите.
Постигнувањето на целите за одржлив развој значи градење посилни системи во потрага по свет кој е послободен, праведен, просперитетен и побезбеден.
Соединетите Американски Држави ги поздравуваат тешко реализираните развојни придобивки, постигнати заедно, и остануваат решителни кон поодржлива иднина за сите.
САД се обврзаа да го забрзаат реализирање на целите за одржлив развој до 2030 година
„Поддршката на одржливиот развој е една од најпаметните инвестиции што можеме да ги направиме во нашата колективна иднина“, рече амбасадорката Џоан Плаистед, претставничка на САД на Втората генерална дебата на Обединетите нации за одржлив развој.